1And Jhesus passynge, seiy a man blynd fro the birthe.

stylus

Jeremiah 49:23, Jeremiah 49:27, Amos 1:3, Amos 1:5, Jeremiah 49:23

2And hise disciplis axiden hym, Maistir, what synnede this man, or hise eldris, that he schulde be borun blynd?

stylus

Ezekiel 28:12, Jeremiah 49:23, Ezekiel 28:12, Jeremiah 49:23, Ezekiel 28:2

3Jhesus answeride, Nether this man synnede, nether hise eldris; but that the werkis of God be schewid in hym.

stylus

Ezekiel 28:4, Ezekiel 28:5, Ezekiel 27:33, Job 27:16, Ezekiel 28:4

4It bihoueth me to worche the werkis of hym that sente me, as longe as the dai is; the nyyt schal come, whanne no man may worche.

stylus

Ezekiel 28:18, Ezekiel 28:18, Ezekiel 26:17, Ezekiel 26:17, Joel 3:8

5As longe as Y am in the world, Y am the liyt of the world.

stylus

Acts 8:26, Acts 8:26, Jeremiah 47:1, Zephaniah 2:4, Zephaniah 2:7

6Whanne he hadde seid these thingis, he spette in to the erthe, and made cley of the spotil, and anoyntide the cley on hise iyen,

stylus

Amos 1:8, Amos 1:8, 1 Peter 5:5, Zephaniah 2:10, 1 Peter 5:5

7and seide to hym, Go, and be thou waisschun in the watir of Siloe, that is to seie, Sent. Thanne he wente, and waisschide, and cam seynge.

stylus

Ezekiel 16:57, Ezekiel 16:61, Isaiah 19:23, Isaiah 19:25, Jeremiah 49:39

8And so neiyboris, and thei that hadden seyn him bifor, for he was a beggere, seiden, Whether this is not he, that sat, and beggide?

stylus

Isaiah 54:14, Isaiah 54:14, Isaiah 52:1, Isaiah 60:18, Isaiah 52:1

9Othere men seiden, That this it is; othere men seyden, Nai, but he is lijc hym.

stylus

Matthew 21:4, Matthew 21:7, Matthew 21:4, Matthew 21:7, Zephaniah 3:14

10But he seide, That Y am. Therfor thei seiden to hym, Hou ben thin iyen openyd?

stylus

Hosea 2:18, 2 Corinthians 10:4, 2 Corinthians 10:5, Hosea 1:7, Hosea 2:18

11He answerde, Thilke man, that is seid Jhesus, made clei, and anoyntide myn iyen, and seide to me, Go thou to the watre of Siloe, and wassche; and Y wente, and wasschide, and say.

stylus

Isaiah 51:14, Isaiah 51:14, Exodus 24:8, Psalms 102:19, Psalms 102:21

12And thei seiden to hym, Where is he? He seide, Y woot not.

stylus

Job 42:10, Job 42:10, Isaiah 61:7, Isaiah 61:7, Lamentations 3:21

13Thei leden hym that was blynd to the Farisees.

stylus

Revelation 17:14, Revelation 17:14, Isaiah 49:2, Zechariah 10:3, Zechariah 10:7

14And it was sabat, whanne Jhesus made cley, and openyde hise iyen.

stylus

Psalms 18:14, Psalms 18:14, Isaiah 66:15, Isaiah 66:15, Psalms 144:5

15Eft the Farisees axiden hym, hou he hadde seyn. And he seide to hem, He leide to me cley on the iyen; and Y wasschide, and Y se.

stylus

Zechariah 12:6, Zechariah 12:6, Zechariah 10:7, Zechariah 10:7, Zechariah 10:5

16Therfor summe of the Fariseis seiden, This man is not of God, that kepith not the sabat. Othere men seiden, Hou may a synful man do these signes. And strijf was among hem.

stylus

Isaiah 62:3, Isaiah 62:3, Haggai 2:23, Luke 12:32, Haggai 2:23

17Therfor thei seien eftsoone to the blynd man, What seist thou of hym, that openyde thin iyen? And he seide, That he is a prophete.

stylus

Isaiah 33:17, Isaiah 33:17, Titus 3:4, Titus 3:7, 1 John 4:8

18Therfor Jewis bileueden not of hym, that he was blynd, and hadde seyn, til thei clepiden his fadir and modir, that hadde seyn.

stylus

19And thei axiden hem, and seiden, Is this youre sone, which ye seien was borun blynd? hou thanne seeth he now?

stylus

20His fadir and modir answeriden to hem, and seiden, We witen, that this is oure sone, and that he was borun blynd;

stylus

21but hou he seeth now, we witen neuer, or who openyde hise iyen, we witen nere; axe ye hym, he hath age, speke he of hym silf.

stylus

22His fader and modir seiden these thingis, for thei dredden the Jewis; for thanne the Jewis hadden conspirid, that if ony man knoulechide hym Crist, he schulde be don out of the synagoge.

stylus

23Therfor his fadir and modir seiden, That he hath age, axe ye hym.

stylus

24Therfor eftsoone thei clepiden the man, that was blynd, and seiden to hym, Yyue thou glorie to God; we witen, that this man is a synnere.

stylus

25Thanne he seide, If he is a synnere, Y woot neuer; o thing Y woot, that whanne Y was blynd, now Y se.

stylus

26Therfor thei seiden to hym, What dide he to thee? hou openyde he thin iyen?

stylus

27He answerde to hem, Y seide to you now, and ye herden; what wolen ye eftsoone here? whether ye wolen be maad hise discyplis?

stylus

28Therfor thei cursiden hym, and seiden, Be thou his disciple; we ben disciplis of Moises.

stylus

29We witen, that God spak to Moises; but we knowen not this, of whennus he is.

stylus

30Thilke man answeride, and seide to hem, For in this is a wondurful thing, that ye witen not, of whennus he is, and he hath openyd myn iyen.

stylus

31And we witen, that God herith not synful men, but if ony `man is worschypere of God, and doith his wille, he herith hym.

stylus

32Fro the world it is not herd, that ony man openyde the iyen of a blynd borun man; but this were of God,

stylus

33he myyt not do ony thing.

stylus

34Thei answeriden, and seiden to hym, Thou art al borun in synnes, and techist thou vs? And thei putten hym out.

stylus

35Jhesus herd, that thei hadden putte hym out; and whanne he hadde founde hym, he seide to hym, Bileuest thou in the sone of God?

stylus

36He answerde, and seide, Lord, who is he, that Y bileue in hym?

stylus

37And Jhesus seide to hym, And thou hast seyn him, and he it is, that spekith with thee.

stylus

38And he seide, Lord, Y byleue. And he felle doun, and worschipide hym.

stylus

39Therfore Jhesus seide to hym, Y cam in to this world, `in to doom, that thei that seen not, see, and thei that seen, be maad blynde.

stylus

40And summe of the Faryseis herden, that weren with hym, and thei seiden to hym, Whether we ben blynde?

stylus

41Jhesus seide to hem, If ye weren blynde, ye schulden not haue synne; but now ye seien, That we seen, youre synne dwellith stille.

stylus