1But Jhesus wente in to the mount of Olyuete.

stylus

2And eerli eft he cam in to the temple; and al the puple cam to hym; and he sat, and tauyte hem.

stylus

Joel 2:18, Joel 2:18, Zechariah 1:14, Zechariah 1:16, Zechariah 1:14

3And scribis and Fariseis bryngen a womman takun in auoutrye, and thei settiden hir in the myddil,

stylus

Zechariah 1:16, Zechariah 1:16, Jeremiah 31:23, Isaiah 1:26, John 1:14

4and seiden to hym, Maystir, this womman is now takun in auoutrie.

stylus

Isaiah 65:20, Isaiah 65:22, Isaiah 65:20, Isaiah 65:22, Job 42:17

5And in the lawe Moises comaundide vs to stoone suche; therfor what seist thou?

stylus

Jeremiah 31:13, Jeremiah 31:13, Jeremiah 31:27, Psalms 144:12, Psalms 144:15

6And thei seiden this thing temptynge hym, that thei myyten accuse hym. And Jhesus bowide hym silf doun, and wroot with his fyngur in the erthe.

stylus

Jeremiah 32:27, Jeremiah 32:27, Romans 4:20, Romans 4:21, Romans 4:20

7And whanne thei abiden axynge hym, he reiside hym silf, and seide to hem, He of you that is without synne, first caste a stoon in to hir.

stylus

Isaiah 43:5, Isaiah 43:6, Isaiah 49:12, Isaiah 27:12, Isaiah 27:13

8And eft he bowide hym silf, and wroot in the erthe.

stylus

Ezekiel 36:28, Ezekiel 11:20, Ezekiel 36:28, Ezekiel 11:20, Jeremiah 31:33

9And thei herynge these thingis, wenten awei oon aftir anothir, and thei bigunnen fro the eldre men; and Jhesus dwelte aloone, and the womman stondynge in the myddil.

stylus

Isaiah 35:4, Isaiah 35:4, Haggai 2:21, Ezra 5:1, Ezra 5:2

10And Jhesus reiside hym silf, and seide to hir, Womman, where ben thei that accusiden thee? no man hath dampned thee.

stylus

Haggai 1:6, Haggai 1:11, Haggai 1:6, Haggai 1:11, Amos 3:6

11Sche seide, No man, Lord. Jhesus seide `to hir, Nethir Y schal dampne thee; go thou, and now aftirward nyle thou synne more.

stylus

Isaiah 12:1, Isaiah 12:1, Haggai 2:19, Haggai 2:19, Psalms 103:9

12Therfor eft Jhesus spak to hem, and seide, Y am the liyt of the world; he that sueth me, walkith not in derknessis, but schal haue the liyt of lijf.

stylus

Leviticus 26:4, Leviticus 26:5, Leviticus 26:4, Leviticus 26:5, Deuteronomy 33:13

13Therfor the Fariseis seiden, Thou berist witnessyng of thi silf; thi witnessyng is not trewe.

stylus

Zephaniah 3:20, Psalms 72:17, Zechariah 8:9, Zephaniah 3:20, Psalms 72:17

14Jhesus answerde, and seide to hem, And if Y bere witnessyng of my silf, my witnessyng is trewe; for Y woot fro whennus Y cam, and whidur Y go.

stylus

Ezekiel 24:14, Jeremiah 31:28, Ezekiel 24:14, Jeremiah 31:28, Jeremiah 4:28

15But ye witen not fro whennus Y cam, ne whidur Y go. For ye demen aftir the fleisch, but Y deme no man;

stylus

Zechariah 8:13, Zechariah 8:13, Micah 7:18, Micah 7:20, Micah 7:18

16and if Y deme, my doom is trewe, for Y am not aloone, but Y and the fadir that sente me.

stylus

Ephesians 4:25, Ephesians 4:25, Zechariah 7:9, Zechariah 7:9, Psalms 15:2

17And in youre lawe it is writun, that the witnessyng of twei men is trewe.

stylus

Proverbs 6:16, Proverbs 6:19, Proverbs 6:16, Proverbs 6:19, Psalms 5:5

18Y am, that bere witnessyng of my silf, and the fadir that sente me, berith witnessyng of me.

stylus

19Therfor thei seiden to hym, Where is thi fadir? Jhesus answeride, Nether ye knowen me, nethir ye knowen my fadir; if ye knewen me, perauenture ye schulden knowe also my fadir.

stylus

Jeremiah 39:2, Jeremiah 39:2, Zechariah 8:16, Zechariah 8:16, Zechariah 7:3

20Jhesus spak these wordis in the tresorie, techynge in the temple; and no man took hym, for his our cam not yit.

stylus

Isaiah 2:2, Isaiah 2:3, Isaiah 2:2, Isaiah 2:3, Micah 4:1

21Therfor eft Jhesus seide to hem, Lo! Y go, and ye schulen seke me, and ye schulen die in youre synne; whidur Y go, ye moun not come.

stylus

Zechariah 7:2, Zechariah 7:2, Psalms 146:1, Psalms 146:2, Hosea 6:3

22Therfor the Jewis seiden, Whether he schal sle hym silf, for he seith, Whidur Y go, ye moun not come?

stylus

Zechariah 8:21, Zechariah 8:21, Isaiah 25:7, Revelation 15:4, Isaiah 60:3

23And he seide to hem, Ye ben of bynethe, Y am of aboue; ye ben of this world, Y am not of this world.

stylus

Isaiah 60:3, Isaiah 55:5, Isaiah 60:3, Isaiah 55:5, 1 Corinthians 14:25

24Therfor Y seide to you, that ye schulen die in youre synnes; for if ye bileuen not that Y am, ye schulen die in youre synne.

stylus

25Therfor thei seiden to hym, Who art thou? Jhesus seide to hem, The bigynnyng, which also speke to you.

stylus

26Y haue many thingis to speke, and deme of you, but he that sente me is sothefast; and Y speke in the world these thingis, that Y herde of hym.

stylus

27And thei knewen not, that he clepide his fadir God.

stylus

28Therfor Jhesus seith to hem, Whanne ye han areisid mannus sone, thanne ye schulen knowe, that Y am, and of my silf Y do no thing; but as my fadir tauyte me, Y speke these thingis.

stylus

29And he that sente me is with me, and lefte me not aloone; for Y do euermore tho thingis, that ben plesynge to hym.

stylus

30Whanne he spak these thingis, manye bileueden in hym.

stylus

31Therfor Jhesus seide to the Jewis, that bileueden in hym, If ye dwellen in my word, verili ye schulen be my disciplis;

stylus

32and ye schulen knowe the treuthe, and the treuthe schal make you fre.

stylus

33Therfor the Jewis answeriden to hym, We ben the seed of Abraham, and we serueden neuere to man; hou seist thou, That ye schulen be fre?

stylus

34Jhesus answeride to hem, Treuli, treuli, Y seie to you, ech man that doith synne, is seruaunt of synne.

stylus

35And the seruaunt dwellith not in the hows with outen ende, but the sone dwellith with outen ende.

stylus

36Therfor if the sone make you fre, verili ye schulen be fre.

stylus

37Y woot that ye ben Abrahams sones, but ye seken to sle me, for my word takith not in you.

stylus

38Y speke tho thingis, that Y say at my fadir; and ye doen tho thingis, that ye sayn at youre fadir.

stylus

39Thei answerden, and seiden to hym, Abraham is oure fadir. Jhesus seith to hem, If ye ben the sones of Abraham, do ye the werkis of Abraham.

stylus

40But now ye seken to sle `me, a man that haue spoken to you treuthe, that Y herde of God; Abraham dide not this thing.

stylus

41Ye doen the werkis of youre fadir. Therfor thei seiden to hym, We ben not borun of fornycacioun; we han o fadir, God.

stylus

42But Jhesus seith to hem, If God were youre fadir, sotheli ye schulden loue me; for Y passide forth of God, and cam; for nether Y cam of my silf, but he sente me.

stylus

43Whi knowen ye not my speche? for ye moun not here my word.

stylus

44Ye ben of the fadir, the deuel, and ye wolen do the desyris of youre fadir. He was a mansleere fro the bigynnyng, and he stood not in treuthe; for treuthe is not in hym. Whanne he spekith lesyng, he spekith of his owne; for he is a liere, and fadir of it.

stylus

45But for Y seie treuthe, ye bileuen not to me.

stylus

46Who of you schal repreue me of synne? if Y sey treuthe, whi bileuen ye not to me?

stylus

47He that is of God, herith the wordis of God; therfor ye heren not, for ye ben not of God.

stylus

48Therfor the Jewis answeriden, and seiden, Whether we seien not wel, that thou art a Samaritan, and hast a deuel?

stylus

49Jhesus answerde, and seide, Y haue not a deuel, but Y onoure my fadir, and ye han vnhonourid me.

stylus

50For Y seke not my glorye; there is he, that sekith, and demeth.

stylus

51Treuli, treuli, Y seie to you, if ony man kepe my word, he schal not taste deth with outen ende.

stylus

52Therfor the Jewis seiden, Now we han knowun, that thou hast a deuel. Abraham is deed, and the prophetis, and thou seist, If ony man kepe my word, he schal not taste deth withouten ende.

stylus

53Whether thou art grettere than oure fader Abraham, that is deed, and the prophetis ben deed; whom makist thou thi silf?

stylus

54Jhesus answeride, If Y glorifie my silf, my glorie is nouyt; my fadir, is that glorifieth me, whom ye seien, that he is youre God.

stylus

55And ye han not knowun hym, but Y haue knowun hym; and if Y seie that Y knowe hym not, Y schal be a liere lich to you; but Y knowe hym, and Y kepe his word.

stylus

56Abraham, youre fadir, gladide to se my dai; and he saiy, and ioyede.

stylus

57Thanne the Jewis seiden to hym, Thou hast not yit fifti yeer, and hast thou seien Abraham?

stylus

58Therfor Jhesus seide to hem, Treuli, treuli, Y seie to you, bifor that Abraham schulde be, Y am.

stylus

59Therfor thei token stonys, to caste to hym; but Jhesus hidde hym, and wente out of the temple.

stylus