John 9

¹And Jhesus passynge, seiy a man blynd fro the birthe.

²And hise disciplis axiden hym, Maistir, what synnede this man, or hise eldris, that he schulde be borun blynd?

³Jhesus answeride, Nether this man synnede, nether hise eldris; but that the werkis of God be schewid in hym.

⁴It bihoueth me to worche the werkis of hym that sente me, as longe as the dai is; the nyyt schal come, whanne no man may worche.

⁵As longe as Y am in the world, Y am the liyt of the world.

⁶Whanne he hadde seid these thingis, he spette in to the erthe, and made cley of the spotil, and anoyntide the cley on hise iyen,

⁷and seide to hym, Go, and be thou waisschun in the watir of Siloe, that is to seie, Sent. Thanne he wente, and waisschide, and cam seynge.

⁸And so neiyboris, and thei that hadden seyn him bifor, for he was a beggere, seiden, Whether this is not he, that sat, and beggide?

⁹Othere men seiden, That this it is; othere men seyden, Nai, but he is lijc hym.

¹⁰But he seide, That Y am. Therfor thei seiden to hym, Hou ben thin iyen openyd?

¹¹He answerde, Thilke man, that is seid Jhesus, made clei, and anoyntide myn iyen, and seide to me, Go thou to the watre of Siloe, and wassche; and Y wente, and wasschide, and say.

¹²And thei seiden to hym, Where is he? He seide, Y woot not.

¹³Thei leden hym that was blynd to the Farisees.

¹⁴And it was sabat, whanne Jhesus made cley, and openyde hise iyen.

¹⁵Eft the Farisees axiden hym, hou he hadde seyn. And he seide to hem, He leide to me cley on the iyen; and Y wasschide, and Y se.

¹⁶Therfor summe of the Fariseis seiden, This man is not of God, that kepith not the sabat. Othere men seiden, Hou may a synful man do these signes. And strijf was among hem.

¹⁷Therfor thei seien eftsoone to the blynd man, What seist thou of hym, that openyde thin iyen? And he seide, That he is a prophete.

¹⁸Therfor Jewis bileueden not of hym, that he was blynd, and hadde seyn, til thei clepiden his fadir and modir, that hadde seyn.

¹⁹And thei axiden hem, and seiden, Is this youre sone, which ye seien was borun blynd? hou thanne seeth he now?

²⁰His fadir and modir answeriden to hem, and seiden, We witen, that this is oure sone, and that he was borun blynd;

²¹but hou he seeth now, we witen neuer, or who openyde hise iyen, we witen nere; axe ye hym, he hath age, speke he of hym silf.

²²His fader and modir seiden these thingis, for thei dredden the Jewis; for thanne the Jewis hadden conspirid, that if ony man knoulechide hym Crist, he schulde be don out of the synagoge.

²³Therfor his fadir and modir seiden, That he hath age, axe ye hym.

²⁴Therfor eftsoone thei clepiden the man, that was blynd, and seiden to hym, Yyue thou glorie to God; we witen, that this man is a synnere.

²⁵Thanne he seide, If he is a synnere, Y woot neuer; o thing Y woot, that whanne Y was blynd, now Y se.

²⁶Therfor thei seiden to hym, What dide he to thee? hou openyde he thin iyen?

²⁷He answerde to hem, Y seide to you now, and ye herden; what wolen ye eftsoone here? whether ye wolen be maad hise discyplis?

²⁸Therfor thei cursiden hym, and seiden, Be thou his disciple; we ben disciplis of Moises.

²⁹We witen, that God spak to Moises; but we knowen not this, of whennus he is.

³⁰Thilke man answeride, and seide to hem, For in this is a wondurful thing, that ye witen not, of whennus he is, and he hath openyd myn iyen.

³¹And we witen, that God herith not synful men, but if ony `man is worschypere of God, and doith his wille, he herith hym.

³²Fro the world it is not herd, that ony man openyde the iyen of a blynd borun man; but this were of God,

³³he myyt not do ony thing.

³⁴Thei answeriden, and seiden to hym, Thou art al borun in synnes, and techist thou vs? And thei putten hym out.

³⁵Jhesus herd, that thei hadden putte hym out; and whanne he hadde founde hym, he seide to hym, Bileuest thou in the sone of God?

³⁶He answerde, and seide, Lord, who is he, that Y bileue in hym?

³⁷And Jhesus seide to hym, And thou hast seyn him, and he it is, that spekith with thee.

³⁸And he seide, Lord, Y byleue. And he felle doun, and worschipide hym.

³⁹Therfore Jhesus seide to hym, Y cam in to this world, `in to doom, that thei that seen not, see, and thei that seen, be maad blynde.

⁴⁰And summe of the Faryseis herden, that weren with hym, and thei seiden to hym, Whether we ben blynde?

⁴¹Jhesus seide to hem, If ye weren blynde, ye schulden not haue synne; but now ye seien, That we seen, youre synne dwellith stille.

John 9

¹And as Jesus passed by, he saw a man which was blind from his birth.

²And his disciples asked him, saying, Master, who did sin, this man, or his parents, that he was born blind?

³Jesus answered, Neither hath this man sinned, nor his parents: but that the works of God should be made manifest in him.

⁴I must work the works of him that sent me, while it is day: the night cometh, when no man can work.

⁵As long as I am in the world, I am the light of the world.

⁶When he had thus spoken, he spat on the ground, and made clay of the spittle, and he anointed the eyes of the blind man with the clay,

⁷And said unto him, Go, wash in the pool of Siloam, (which is by interpretation, Sent.) He went his way therefore, and washed, and came seeing.

⁸The neighbours therefore, and they which before had seen him that he was blind, said, Is not this he that sat and begged?

⁹Some said, This is he: others said, He is like him: but he said, I am he.

¹⁰Therefore said they unto him, How were thine eyes opened?

¹¹He answered and said, A man that is called Jesus made clay, and anointed mine eyes, and said unto me, Go to the pool of Siloam, and wash: and I went and washed, and I received sight.

¹²Then said they unto him, Where is he? He said, I know not.

¹³They brought to the Pharisees him that aforetime was blind.

¹⁴And it was the sabbath day when Jesus made the clay, and opened his eyes.

¹⁵Then again the Pharisees also asked him how he had received his sight. He said unto them, He put clay upon mine eyes, and I washed, and do see.

¹⁶Therefore said some of the Pharisees, This man is not of God, because he keepeth not the sabbath day. Others said, How can a man that is a sinner do such miracles? And there was a division among them.

¹⁷They say unto the blind man again, What sayest thou of him, that he hath opened thine eyes? He said, He is a prophet.

¹⁸But the Jews did not believe concerning him, that he had been blind, and received his sight, until they called the parents of him that had received his sight.

¹⁹And they asked them, saying, Is this your son, who ye say was born blind? how then doth he now see?

²⁰His parents answered them and said, We know that this is our son, and that he was born blind:

²¹But by what means he now seeth, we know not; or who hath opened his eyes, we know not: he is of age; ask him: he shall speak for himself.

²²These words spake his parents, because they feared the Jews: for the Jews had agreed already, that if any man did confess that he was Christ, he should be put out of the synagogue.

²³Therefore said his parents, He is of age; ask him.

²⁴Then again called they the man that was blind, and said unto him, Give God the praise: we know that this man is a sinner.

²⁵He answered and said, Whether he be a sinner or no, I know not: one thing I know, that, whereas I was blind, now I see.

²⁶Then said they to him again, What did he to thee? how opened he thine eyes?

²⁷He answered them, I have told you already, and ye did not hear: wherefore would ye hear it again? will ye also be his disciples?

²⁸Then they reviled him, and said, Thou art his disciple; but we are Moses’ disciples.

²⁹We know that God spake unto Moses: as for this fellow, we know not from whence he is.

³⁰The man answered and said unto them, Why herein is a marvellous thing, that ye know not from whence he is, and yet he hath opened mine eyes.

³¹Now we know that God heareth not sinners: but if any man be a worshipper of God, and doeth his will, him he heareth.

³²Since the world began was it not heard that any man opened the eyes of one that was born blind.

³³If this man were not of God, he could do nothing.

³⁴They answered and said unto him, Thou wast altogether born in sins, and dost thou teach us? And they cast him out.

³⁵Jesus heard that they had cast him out; and when he had found him, he said unto him, Dost thou believe on the Son of God?

³⁶He answered and said, Who is he, Lord, that I might believe on him?

³⁷And Jesus said unto him, Thou hast both seen him, and it is he that talketh with thee.

³⁸And he said, Lord, I believe. And he worshipped him.

³⁹And Jesus said, For judgment I am come into this world, that they which see not might see; and that they which see might be made blind.

⁴⁰And some of the Pharisees which were with him heard these words, and said unto him, Are we blind also?

⁴¹Jesus said unto them, If ye were blind, ye should have no sin: but now ye say, We see; therefore your sin remaineth.