1Poul, clepid apostle of Jhesu Crist, bi the wille of God, and Sostenes, brothir, to the chirche of God that is at Corynthe,

stylus

2to hem that ben halewid in Crist Jhesu, and clepid seyntis, with alle that inwardli clepen the name of oure Lord Jhesu Crist, in ech place of hem and of oure,

stylus

3grace to you and pees of God, oure fadir, and of the Lord Jhesu Crist.

stylus

4Y do thankyngis to my God eueremore for you, in the grace of God that is youun to you in Crist Jhesu.

stylus

5For in alle thingis ye ben maad riche in hym, in ech word, and in ech kunnyng,

stylus

6as the witnessyng of Crist is confermyd in you;

stylus

7so that no thing faile to you in ony grace, that abiden the schewyng of oure Lord Jhesu Crist;

stylus

8which also schal conferme you in to the ende with outen cryme, in the dai of the comyng of oure Lord Jhesu Crist.

stylus

9`A trewe God, bi whom ye ben clepid in to the felouschipe of his sone Jhesu Crist oure Lord.

stylus

10But, britheren, Y biseche you, bi the name of oure Lord Jhesu Crist, that ye alle seie the same thing, and that dissenciouns be not among you; but be ye perfit in the same wit, and in the same kunnyng.

stylus

11For, my britheren, it is teld to me of hem that ben at Cloes, that stryues ben among you.

stylus

12And Y seie that, that ech of you seith, For Y am of Poul, and Y am of Apollo, and Y am of Cefas, but Y am of Crist.

stylus

13Whether Crist is departid? whether Poul was crucified for you, ether ye ben baptisid in the name of Poul?

stylus

14Y do thankyngis to my God, that Y baptiside noon of you, but Crispus and Gayus;

stylus

15lest ony man seie, that ye ben baptisid in my name.

stylus

16And Y baptiside also the hous of Stephan, but Y woot not, that Y baptiside ony other.

stylus

17For Crist sente me not to baptise, but to preche the gospel; not in wisdom of word, that the cros of Crist be not voidid awei.

stylus

18For the word of the cros is foli to hem that perischen; but to hem that ben maad saaf, that is to seie, to vs, it is the vertu of God.

stylus

19For it is writun, Y schal distruye the wisdom of wise men, and Y schal reproue the prudence of prudent men.

stylus

20Where is the wise man? where is the wise lawiere? where is the purchasour of this world? Whether God hath not maad the wisdom of this world fonned?

stylus

21For the world in wisdom of God knewe not God bi wisdom, it pleside to God, bi foli of prechyng, `to maken hem saaf that bileueden.

stylus

22For Jewis seken signes, and Grekis seken wisdom;

stylus

23but we prechen Crist crucified, to Jewis sclaundre, and to hethene men foli;

stylus

24but to tho Jewis and Grekis that ben clepid, we prechen Crist the vertu of God and the wisdom of God.

stylus

25For that that is foli thing of God, is wiser than men; and that that is the feble thing of God, is strengere than men.

stylus

26But, britheren, se ye youre clepyng; for not many wise men aftir the fleisch, not many myyti, not many noble.

stylus

27But God chees tho thingis that ben fonned of the world, to confounde wise men;

stylus

28and God chees the feble thingis of the world, to confounde the stronge thingis; and God chees the vnnoble thingis `and dispisable thingis of the world, and tho thingis that ben not, to distruye tho thingis that ben;

stylus

29that ech man haue not glorie in his siyt.

stylus

30But of hym ye ben in Crist Jhesu, which is maad of God to vs wisdom, and riytwisnesse, and holynesse, and ayenbiyng; that,

stylus

31as it is wrytun, He that glorieth, haue glorie in the Lord.

stylus