1Treuli, treuli, Y seie to you, he that cometh not in by the dore in to the foold of scheep, but stieth bi another weie, is a nyyt theef and a dai theef.

stylus

Matthew 7:7, Matthew 7:8, Isaiah 44:3, James 5:16, James 5:18

2But he that entrith bi the dore, is the scheepherde of the scheep.

stylus

Matthew 9:36, Matthew 9:36, Hosea 3:4, Jeremiah 27:9, Genesis 31:19

3To this the porter openeth, and the scheep heren his vois, and he clepith his owne scheep bi name, and ledith hem out.

stylus

Ezekiel 34:7, Ezekiel 34:10, Ezekiel 34:2, Ezekiel 34:7, Ezekiel 34:10

4And whanne he hath don out his owne scheep, he goith bifor hem, and the scheep suen hym; for thei knowun his vois.

stylus

Zechariah 9:10, Zechariah 9:10, Zechariah 9:8, Numbers 24:17, Zechariah 9:8

5But thei suen not an alien, but fleen from hym; for thei han not knowun the vois of aliens.

stylus

Haggai 2:22, Haggai 2:22, Zechariah 9:13, Zechariah 12:8, Psalms 20:7

6Jhesus seide to hem this prouerbe; but thei knewen not what he spak to hem.

stylus

Zechariah 10:12, Zechariah 13:9, Zechariah 10:12, Zechariah 13:9, Jeremiah 3:18

7Therfor Jhesus seide to hem eftsoone, Treuli, treuli, Y seie to you, that Y am the dore of the scheep.

stylus

Zechariah 9:15, Zechariah 9:15, Ephesians 5:18, Ephesians 5:19, John 16:22

8As many as han come, weren nyyt theues and day theues, but the scheep herden not hem.

stylus

Isaiah 5:26, Isaiah 5:26, Isaiah 7:18, Isaiah 7:18, Jeremiah 33:22

9Y am the dore. If ony man schal entre bi me, he schal be sauyd; and he schal go ynne, and schal go out, and he schal fynde lesewis.

stylus

Ezekiel 6:9, Ezekiel 6:9, Jeremiah 31:27, Isaiah 65:23, Esther 8:17

10A nyyt theef cometh not, but that he stele, sle, and leese; and Y cam, that thei han lijf, and haue more plenteousli.

stylus

Hosea 11:11, Hosea 11:11, Micah 7:14, Zechariah 8:7, Micah 7:14

11I am a good scheepherde; a good scheepherde yyueth his lijf for hise scheep.

stylus

Ezekiel 30:13, Ezekiel 30:13, Isaiah 43:2, Micah 5:5, Micah 5:6

12But an hirid hyne, and that is not the scheepherde, whos ben not the scheep his owne, seeth a wolf comynge, and he leeueth the scheep, and fleeth; and the wolf rauyschith, and disparplith the scheep.

stylus

Isaiah 41:10, Isaiah 41:10, Isaiah 2:5, Zechariah 10:6, Isaiah 2:5

13And the hirid hyne fleeth, for he is an hirid hyne, and it parteyneth not to hym of the scheep.

stylus

14Y am a good scheepherde, and Y knowe my scheep, and my scheep knowen me.

stylus

15As the fadir hath knowun me, Y knowe the fadir; and Y putte my lijf for my scheep.

stylus

16Y haue othere scheep, that ben not of this foolde, and it bihoueth me to brynge hem togidir, and thei schulen here my vois; and it schal be maad o foolde and o scheepherde.

stylus

17Therfor the fadir loueth me, for Y putte my lijf, that eftsoone Y take it.

stylus

18No man takith it fro me, but Y putte it of my silf. Y haue power to putte it, and Y haue power to take it ayen. This maundement Y haue takun of my fadir.

stylus

19Eft dissencioun was maad among the Jewis for these wordis.

stylus

20And many of hem seiden, He hath a deuel, and maddith; what heren ye hym?

stylus

21Othere men seiden, These wordis ben not of a man that hath a feend. Whether the deuel may opene the iyen of blynde men?

stylus

22But the feestis of halewyng of the temple weren maad in Jerusalem, and it was wyntir.

stylus

23And Jhesus walkide in the temple, in the porche of Salomon.

stylus

24Therfor the Jewis camen aboute hym, and seiden to hym, Hou long takist thou awei oure soule? if thou art Crist, seie thou to vs opynli.

stylus

25Jhesus answerde to hem, Y speke to you, and ye bileuen not; the werkis that Y do in the name of my fadir, beren witnessyng of me.

stylus

26But ye bileuen not, for ye ben not of my scheep.

stylus

27My scheep heren my vois, and Y knowe hem, and thei suen me.

stylus

28And Y yyue to hem euerelastynge lijf, and thei schulen not perische with outen ende, and noon schal rauysche hem fro myn hoond.

stylus

29That thing that my fadir yaf to me, is more than alle thingis; and no man may rauysche fro my fadris hoond.

stylus

30Y and the fadir ben oon.

stylus

31The Jewis token vp stoonys, to stoone hym.

stylus

32Jhesus answerde to hem, Y haue schewide to you many good werkis of my fadir, for which werk of hem stonen ye me?

stylus

33The Jewis answerden to hym, We stoonen thee not of good werk, but of blasfemye, and for thou, sithen thou art a man, makist thi silf God.

stylus

34Jhesus answerde to hem, Whether it is not writun in youre lawe, That Y seide, Ye ben goddis?

stylus

35Yf he seide that thei weren goddis, to whiche the word of God was maad, and scripture may not be vndon,

stylus

36thilke that the fadir hath halewid, and hath sent in to the world, ye seien, That `thou blasfemest, for Y seide, Y am Goddis sone?

stylus

37Yf Y do not the werkis of my fadir, nyle ye bileue to me;

stylus

38but if Y do, thouy ye wolen not bileue to me, bileue ye to the werkis; that ye knowe and bileue, that the fadir is in me, and Y in the fadir.

stylus

39Therfor thei souyten to take hym, and he wente out of her hondis.

stylus

40And he wente eftsoone ouer Jordan, in to that place where Joon was firste baptisynge, and he dwelte there.

stylus

41And manye camen to hym, and seiden, For Joon dide no myracle;

stylus

42and alle thingis what euer Joon seide of this, weren sothe. And many bileueden in hym.

stylus