1In the bigynnyng was the word, and the word was at God, and God was the word.

stylus

Nehemiah 12:4, Nehemiah 12:4, Luke 11:51, Ezra 4:24, Ezra 5:1

2This was in the bigynnyng at God.

stylus

Jeremiah 44:6, Jeremiah 44:6, Psalms 79:5, Psalms 79:6, Lamentations 5:7

3Alle thingis weren maad bi hym, and withouten hym was maad no thing, that thing that was maad.

stylus

Malachi 3:7, Malachi 3:7, Jeremiah 3:22, Jeremiah 3:22, Joel 2:12

4In hym was lijf, and the lijf was the liyt of men; and the liyt schyneth in derknessis,

stylus

Psalms 78:8, Psalms 78:8, Ezekiel 33:11, Psalms 106:6, Psalms 106:7

5and derknessis comprehendiden not it.

stylus

Ecclesiastes 12:5, Ecclesiastes 12:5, Ecclesiastes 12:7, Job 14:10, Job 14:12

6A man was sent fro God, to whom the name was Joon.

stylus

Lamentations 2:17, Lamentations 2:17, Ezekiel 12:25, Ezekiel 12:28, Deuteronomy 28:15

7This man cam in to witnessyng, that he schulde bere witnessing of the liyt, that alle men schulden bileue bi hym.

stylus

Zechariah 1:1, Zechariah 1:1

8He was not the liyt, but that he schulde bere witnessing of the liyt.

stylus

Revelation 6:4, Revelation 6:4, Isaiah 41:19, Zechariah 13:7, Revelation 2:1

9There was a very liyt, which liytneth ech man that cometh in to this world.

stylus

Zechariah 4:4, Zechariah 4:5, Zechariah 4:4, Zechariah 4:5, Zechariah 1:19

10He was in the world, and the world was maad bi hym, and the world knew hym not.

stylus

Zechariah 1:11, Zechariah 1:11, Zechariah 6:5, Zechariah 6:8, Zechariah 6:5

11He cam in to his owne thingis, and hise resseyueden hym not.

stylus

Zechariah 1:10, Zechariah 1:10, Zechariah 1:8, Zechariah 1:15, Psalms 103:20

12But hou many euer resseyueden hym, he yaf to hem power to be maad the sones of God, to hem that bileueden in his name; the whiche not of bloodis,

stylus

Daniel 9:2, Psalms 102:13, Zechariah 7:5, Jeremiah 29:10, Daniel 9:2

13nether of the wille of fleische, nether of the wille of man, but ben borun of God.

stylus

Jeremiah 29:10, Isaiah 40:1, Isaiah 40:2, Jeremiah 29:10, Isaiah 40:1

14And the word was maad man, and dwellyde among vs, and we han seyn the glorie of hym, as the glorie of the `oon bigetun sone of the fadir, ful of grace and of treuthe.

stylus

Joel 2:18, Joel 2:18, Zechariah 1:9, Zechariah 1:17, Isaiah 40:1

15Joon berith witnessyng of hym, and crieth, and seith, This is, whom Y seide, He that schal come aftir me, is maad bifore me, for he was tofor me;

stylus

Ezekiel 25:12, Ezekiel 25:17, Ezekiel 25:12, Ezekiel 25:17, Jeremiah 51:24

16and of the plente of hym we alle han takun, and grace for grace.

stylus

Zechariah 8:3, Zechariah 8:3, Zechariah 2:10, Zechariah 2:11, Ezra 6:14

17For the lawe was youun bi Moises; but grace and treuthe `is maad bi Jhesu Crist.

stylus

Isaiah 51:3, Isaiah 51:3, Zechariah 2:12, Zechariah 2:12, Isaiah 14:1

18No man sai euer God, no but the `oon bigetun sone, that is in the bosum of the fadir, he hath teld out.

stylus

Joshua 5:13, Joshua 5:13, 2 Kings 24:1, 2 Kings 24:20, Zechariah 5:9

19And this is the witnessyng of Joon, whanne Jewis senten fro Jerusalem prestis and dekenes to hym, that thei schulden axe hym, Who art thou?

stylus

Ezra 4:4, Zechariah 2:2, Zechariah 1:9, Ezra 4:1, Zechariah 8:14

20He knoulechide, and denyede not, and he knoulechide, For Y am not Crist.

stylus

Zechariah 10:3, Zechariah 10:5, Zechariah 10:3, Zechariah 10:5, Zechariah 9:12

21And thei axiden hym, What thanne? Art thou Elie? And he seide, Y am not. Art thou a profete? And he answeride, Nay.

stylus

Psalms 75:10, Psalms 75:10, Lamentations 2:17, Zechariah 1:19, Psalms 75:4

22Therfor thei seiden to hym, Who art thou? that we yyue an answere to these that senten vs. What seist thou of thi silf?

stylus

23He seide, Y am a vois of a crier in deseert, Dresse ye the weie of the Lord, as Ysaie, the prophete, seide.

stylus

24And thei that weren sent, weren of the Fariseis.

stylus

25And thei axiden hym, and seiden to hym, What thanne baptisist thou, if thou art not Crist, nether Elie, nether a profete?

stylus

26Joon answeride to hem, and seide, Y baptise in watir, but in the myddil of you hath stonde oon, that ye knowen not;

stylus

27he it is, that schal come aftir me, that was maad bifor me, of whom Y am not worthi to louse the thwong of his schoo.

stylus

28These thingis weren don in Bethanye biyende Jordan, where Joon was baptisyng.

stylus

29Anothir day Joon say Jhesu comynge to hym, and he seide, Lo! the lomb of God; lo! he that doith awei the synnes of the world.

stylus

30This is he, that Y seide of, Aftir me is comun a man, which was maad bifor me; for he was rather than Y.

stylus

31And Y knew hym not, but that he be schewid in Israel, therfor Y cam baptisynge in watir.

stylus

32And Joon bar witnessyng, and seide, That Y saiy the spirit comynge doun as a culuer fro heuene, and dwellide on hym.

stylus

33And Y knew hym not; but he that sente me to baptise in watir, seide to me, On whom thou seest the Spirit comynge doun, and dwellynge on hym, this is he, that baptisith in the Hooli Goost.

stylus

34And Y say, and bar witnessyng, that this is the sone of God.

stylus

35Anothir dai Joon stood, and tweyne of hise disciplis;

stylus

36and he biheeld Jhesu walkinge, and seith, Lo! the lomb of God.

stylus

37And twei disciplis herden hym spekynge,

stylus

38and folewiden Jhesu. And Jhesu turnede, and say hem suynge hym, and seith to hem, What seken ye? And thei seiden to hym, Rabi, that is to seie, Maistir, where dwellist thou?

stylus

39And he seith to hem, Come ye, and se. And thei camen, and sayn where he dwellide; and dwelten with hym that dai. And it was as the tenthe our.

stylus

40And Andrewe, the brother of Symount Petir, was oon of the tweyne, that herden of Joon, and hadden sued hym.

stylus

41This foond first his brother Symount, and he seide to him, We han foundun Messias, that is to seie, Crist; and he ledde him to Jhesu.

stylus

42And Jhesus bihelde hym, and seide, Thou art Symount, the sone of Johanna; thou schalt be clepid Cefas, that is to seie, Petre.

stylus

43And on the morewe he wolde go out in to Galilee, and he foond Filip; and he seith to hym, Sue thou me.

stylus

44Filip was of Bethsaida, the citee of Andrew and of Petre.

stylus

45Filip foond Nathanael, and seide to hym, We han foundun Jhesu, the sone of Joseph, of Nazareth, whom Moyses wroot in the lawe and profetis.

stylus

46And Nathanael seide to hym, Of Nazareth may sum good thing be?

stylus

47Filip seide to hym, Come, and se. Jhesus siy Nathanael comynge to hym, and seide to hym, Lo! verili a man of Israel, in whom is no gile.

stylus

48Nathanael seide to hym, Wherof hast thou knowun me? Jhesus `answerde, and seide to hym, Bifor that Filip clepide thee, whanne thou were vndur the fige tree, Y saiy thee. Nathanael answerde to hym,

stylus

49`and seide, Rabi, thou art the sone of God, thou art kyng of Israel.

stylus

50Jhesus answerde, and seide to hym, For Y seide to thee, Y sawy thee vndur the fige tre, thou bileuest; thou schalt se more than these thingis.

stylus

51And he seide to hem, Treuli, treuli, Y seie to you, ye schulen se heuene opened, and the aungels of God stiynge vp and comynge doun on mannys sone.

stylus