John 8

¹But Jhesus wente in to the mount of Olyuete.

²And eerli eft he cam in to the temple; and al the puple cam to hym; and he sat, and tauyte hem.

³And scribis and Fariseis bryngen a womman takun in auoutrye, and thei settiden hir in the myddil,

⁴and seiden to hym, Maystir, this womman is now takun in auoutrie.

⁵And in the lawe Moises comaundide vs to stoone suche; therfor what seist thou?

⁶And thei seiden this thing temptynge hym, that thei myyten accuse hym. And Jhesus bowide hym silf doun, and wroot with his fyngur in the erthe.

⁷And whanne thei abiden axynge hym, he reiside hym silf, and seide to hem, He of you that is without synne, first caste a stoon in to hir.

⁸And eft he bowide hym silf, and wroot in the erthe.

⁹And thei herynge these thingis, wenten awei oon aftir anothir, and thei bigunnen fro the eldre men; and Jhesus dwelte aloone, and the womman stondynge in the myddil.

¹⁰And Jhesus reiside hym silf, and seide to hir, Womman, where ben thei that accusiden thee? no man hath dampned thee.

¹¹Sche seide, No man, Lord. Jhesus seide `to hir, Nethir Y schal dampne thee; go thou, and now aftirward nyle thou synne more.

¹²Therfor eft Jhesus spak to hem, and seide, Y am the liyt of the world; he that sueth me, walkith not in derknessis, but schal haue the liyt of lijf.

¹³Therfor the Fariseis seiden, Thou berist witnessyng of thi silf; thi witnessyng is not trewe.

¹⁴Jhesus answerde, and seide to hem, And if Y bere witnessyng of my silf, my witnessyng is trewe; for Y woot fro whennus Y cam, and whidur Y go.

¹⁵But ye witen not fro whennus Y cam, ne whidur Y go. For ye demen aftir the fleisch, but Y deme no man;

¹⁶and if Y deme, my doom is trewe, for Y am not aloone, but Y and the fadir that sente me.

¹⁷And in youre lawe it is writun, that the witnessyng of twei men is trewe.

¹⁸Y am, that bere witnessyng of my silf, and the fadir that sente me, berith witnessyng of me.

¹⁹Therfor thei seiden to hym, Where is thi fadir? Jhesus answeride, Nether ye knowen me, nethir ye knowen my fadir; if ye knewen me, perauenture ye schulden knowe also my fadir.

²⁰Jhesus spak these wordis in the tresorie, techynge in the temple; and no man took hym, for his our cam not yit.

²¹Therfor eft Jhesus seide to hem, Lo! Y go, and ye schulen seke me, and ye schulen die in youre synne; whidur Y go, ye moun not come.

²²Therfor the Jewis seiden, Whether he schal sle hym silf, for he seith, Whidur Y go, ye moun not come?

²³And he seide to hem, Ye ben of bynethe, Y am of aboue; ye ben of this world, Y am not of this world.

²⁴Therfor Y seide to you, that ye schulen die in youre synnes; for if ye bileuen not that Y am, ye schulen die in youre synne.

²⁵Therfor thei seiden to hym, Who art thou? Jhesus seide to hem, The bigynnyng, which also speke to you.

²⁶Y haue many thingis to speke, and deme of you, but he that sente me is sothefast; and Y speke in the world these thingis, that Y herde of hym.

²⁷And thei knewen not, that he clepide his fadir God.

²⁸Therfor Jhesus seith to hem, Whanne ye han areisid mannus sone, thanne ye schulen knowe, that Y am, and of my silf Y do no thing; but as my fadir tauyte me, Y speke these thingis.

²⁹And he that sente me is with me, and lefte me not aloone; for Y do euermore tho thingis, that ben plesynge to hym.

³⁰Whanne he spak these thingis, manye bileueden in hym.

³¹Therfor Jhesus seide to the Jewis, that bileueden in hym, If ye dwellen in my word, verili ye schulen be my disciplis;

³²and ye schulen knowe the treuthe, and the treuthe schal make you fre.

³³Therfor the Jewis answeriden to hym, We ben the seed of Abraham, and we serueden neuere to man; hou seist thou, That ye schulen be fre?

³⁴Jhesus answeride to hem, Treuli, treuli, Y seie to you, ech man that doith synne, is seruaunt of synne.

³⁵And the seruaunt dwellith not in the hows with outen ende, but the sone dwellith with outen ende.

³⁶Therfor if the sone make you fre, verili ye schulen be fre.

³⁷Y woot that ye ben Abrahams sones, but ye seken to sle me, for my word takith not in you.

³⁸Y speke tho thingis, that Y say at my fadir; and ye doen tho thingis, that ye sayn at youre fadir.

³⁹Thei answerden, and seiden to hym, Abraham is oure fadir. Jhesus seith to hem, If ye ben the sones of Abraham, do ye the werkis of Abraham.

⁴⁰But now ye seken to sle `me, a man that haue spoken to you treuthe, that Y herde of God; Abraham dide not this thing.

⁴¹Ye doen the werkis of youre fadir. Therfor thei seiden to hym, We ben not borun of fornycacioun; we han o fadir, God.

⁴²But Jhesus seith to hem, If God were youre fadir, sotheli ye schulden loue me; for Y passide forth of God, and cam; for nether Y cam of my silf, but he sente me.

⁴³Whi knowen ye not my speche? for ye moun not here my word.

⁴⁴Ye ben of the fadir, the deuel, and ye wolen do the desyris of youre fadir. He was a mansleere fro the bigynnyng, and he stood not in treuthe; for treuthe is not in hym. Whanne he spekith lesyng, he spekith of his owne; for he is a liere, and fadir of it.

⁴⁵But for Y seie treuthe, ye bileuen not to me.

⁴⁶Who of you schal repreue me of synne? if Y sey treuthe, whi bileuen ye not to me?

⁴⁷He that is of God, herith the wordis of God; therfor ye heren not, for ye ben not of God.

⁴⁸Therfor the Jewis answeriden, and seiden, Whether we seien not wel, that thou art a Samaritan, and hast a deuel?

⁴⁹Jhesus answerde, and seide, Y haue not a deuel, but Y onoure my fadir, and ye han vnhonourid me.

⁵⁰For Y seke not my glorye; there is he, that sekith, and demeth.

⁵¹Treuli, treuli, Y seie to you, if ony man kepe my word, he schal not taste deth with outen ende.

⁵²Therfor the Jewis seiden, Now we han knowun, that thou hast a deuel. Abraham is deed, and the prophetis, and thou seist, If ony man kepe my word, he schal not taste deth withouten ende.

⁵³Whether thou art grettere than oure fader Abraham, that is deed, and the prophetis ben deed; whom makist thou thi silf?

⁵⁴Jhesus answeride, If Y glorifie my silf, my glorie is nouyt; my fadir, is that glorifieth me, whom ye seien, that he is youre God.

⁵⁵And ye han not knowun hym, but Y haue knowun hym; and if Y seie that Y knowe hym not, Y schal be a liere lich to you; but Y knowe hym, and Y kepe his word.

⁵⁶Abraham, youre fadir, gladide to se my dai; and he saiy, and ioyede.

⁵⁷Thanne the Jewis seiden to hym, Thou hast not yit fifti yeer, and hast thou seien Abraham?

⁵⁸Therfor Jhesus seide to hem, Treuli, treuli, Y seie to you, bifor that Abraham schulde be, Y am.

⁵⁹Therfor thei token stonys, to caste to hym; but Jhesus hidde hym, and wente out of the temple.

John 8

¹Jesus went unto the mount of Olives.

²And early in the morning he came again into the temple, and all the people came unto him; and he sat down, and taught them.

³And the scribes and Pharisees brought unto him a woman taken in adultery; and when they had set her in the midst,

⁴They say unto him, Master, this woman was taken in adultery, in the very act.

⁵Now Moses in the law commanded us, that such should be stoned: but what sayest thou?

⁶This they said, tempting him, that they might have to accuse him. But Jesus stooped down, and with his finger wrote on the ground, as though he heard them not.

⁷So when they continued asking him, he lifted up himself, and said unto them, He that is without sin among you, let him first cast a stone at her.

⁸And again he stooped down, and wrote on the ground.

⁹And they which heard it, being convicted by their own conscience, went out one by one, beginning at the eldest, even unto the last: and Jesus was left alone, and the woman standing in the midst.

¹⁰When Jesus had lifted up himself, and saw none but the woman, he said unto her, Woman, where are those thine accusers? hath no man condemned thee?

¹¹She said, No man, Lord. And Jesus said unto her, Neither do I condemn thee: go, and sin no more.

¹²Then spake Jesus again unto them, saying, I am the light of the world: he that followeth me shall not walk in darkness, but shall have the light of life.

¹³The Pharisees therefore said unto him, Thou bearest record of thyself; thy record is not true.

¹⁴Jesus answered and said unto them, Though I bear record of myself, yet my record is true: for I know whence I came, and whither I go; but ye cannot tell whence I come, and whither I go.

¹⁵Ye judge after the flesh; I judge no man.

¹⁶And yet if I judge, my judgment is true: for I am not alone, but I and the Father that sent me.

¹⁷It is also written in your law, that the testimony of two men is true.

¹⁸I am one that bear witness of myself, and the Father that sent me beareth witness of me.

¹⁹Then said they unto him, Where is thy Father? Jesus answered, Ye neither know me, nor my Father: if ye had known me, ye should have known my Father also.

²⁰These words spake Jesus in the treasury, as he taught in the temple: and no man laid hands on him; for his hour was not yet come.

²¹Then said Jesus again unto them, I go my way, and ye shall seek me, and shall die in your sins: whither I go, ye cannot come.

²²Then said the Jews, Will he kill himself? because he saith, Whither I go, ye cannot come.

²³And he said unto them, Ye are from beneath; I am from above: ye are of this world; I am not of this world.

²⁴I said therefore unto you, that ye shall die in your sins: for if ye believe not that I am he, ye shall die in your sins.

²⁵Then said they unto him, Who art thou? And Jesus saith unto them, Even the same that I said unto you from the beginning.

²⁶I have many things to say and to judge of you: but he that sent me is true; and I speak to the world those things which I have heard of him.

²⁷They understood not that he spake to them of the Father.

²⁸Then said Jesus unto them, When ye have lifted up the Son of man, then shall ye know that I am he, and that I do nothing of myself; but as my Father hath taught me, I speak these things.

²⁹And he that sent me is with me: the Father hath not left me alone; for I do always those things that please him.

³⁰As he spake these words, many believed on him.

³¹Then said Jesus to those Jews which believed on him, If ye continue in my word, then are ye my disciples indeed;

³²And ye shall know the truth, and the truth shall make you free.

³³They answered him, We be Abraham’s seed, and were never in bondage to any man: how sayest thou, Ye shall be made free?

³⁴Jesus answered them, Verily, verily, I say unto you, Whosoever committeth sin is the servant of sin.

³⁵And the servant abideth not in the house for ever: but the Son abideth ever.

³⁶If the Son therefore shall make you free, ye shall be free indeed.

³⁷I know that ye are Abraham’s seed; but ye seek to kill me, because my word hath no place in you.

³⁸I speak that which I have seen with my Father: and ye do that which ye have seen with your father.

³⁹They answered and said unto him, Abraham is our father. Jesus saith unto them, If ye were Abraham’s children, ye would do the works of Abraham.

⁴⁰But now ye seek to kill me, a man that hath told you the truth, which I have heard of God: this did not Abraham.

⁴¹Ye do the deeds of your father. Then said they to him, We be not born of fornication; we have one Father, even God.

⁴²Jesus said unto them, If God were your Father, ye would love me: for I proceeded forth and came from God; neither came I of myself, but he sent me.

⁴³Why do ye not understand my speech? even because ye cannot hear my word.

⁴⁴Ye are of your father the devil, and the lusts of your father ye will do. He was a murderer from the beginning, and abode not in the truth, because there is no truth in him. When he speaketh a lie, he speaketh of his own: for he is a liar, and the father of it.

⁴⁵And because I tell you the truth, ye believe me not.

⁴⁶Which of you convinceth me of sin? And if I say the truth, why do ye not believe me?

⁴⁷He that is of God heareth God’s words: ye therefore hear them not, because ye are not of God.

⁴⁸Then answered the Jews, and said unto him, Say we not well that thou art a Samaritan, and hast a devil?

⁴⁹Jesus answered, I have not a devil; but I honour my Father, and ye do dishonour me.

⁵⁰And I seek not mine own glory: there is one that seeketh and judgeth.

⁵¹Verily, verily, I say unto you, If a man keep my saying, he shall never see death.

⁵²Then said the Jews unto him, Now we know that thou hast a devil. Abraham is dead, and the prophets; and thou sayest, If a man keep my saying, he shall never taste of death.

⁵³Art thou greater than our father Abraham, which is dead? and the prophets are dead: whom makest thou thyself?

⁵⁴Jesus answered, If I honour myself, my honour is nothing: it is my Father that honoureth me; of whom ye say, that he is your God:

⁵⁵Yet ye have not known him; but I know him: and if I should say, I know him not, I shall be a liar like unto you: but I know him, and keep his saying.

⁵⁶Your father Abraham rejoiced to see my day: and he saw it, and was glad.

⁵⁷Then said the Jews unto him, Thou art not yet fifty years old, and hast thou seen Abraham?

⁵⁸Jesus said unto them, Verily, verily, I say unto you, Before Abraham was, I am.

⁵⁹Then took they up stones to cast at him: but Jesus hid himself, and went out of the temple, going through the midst of them, and so passed by.