1And there was a man of the Farisees, Nychodeme bi name, a prince of the Jewis.

stylus

Luke 22:31, 1 Peter 5:8, Luke 22:31, 1 Peter 5:8, Revelation 12:9

2And he cam to Jhesu bi niyt, and seide to hym, Rabi, we witen, that thou art comun fro God maister; for no man may do these signes, that thou doist, but God be with hym.

stylus

Amos 4:11, Amos 4:11, Jude 1:23, Jude 1:9, Jude 1:23

3Jhesus answerde, and seide to hym, Treuli, treuli, Y seie to thee, but a man be borun ayen, he may not se the kyngdom of God.

stylus

Isaiah 64:6, Isaiah 64:6, Revelation 19:8, Ezra 9:15, Revelation 19:8

4Nychodeme seide to hym, Hou may a man be borun, whanne he is eeld? whether he may entre ayen in to his modris wombe, and be borun ayen?

stylus

Luke 15:22, Luke 15:22, Isaiah 61:10, Isaiah 61:10, Revelation 7:14

5Jhesus answeride, Treuli, treuli, Y seie to thee, but a man be borun ayen of watir, and of the Hooli Goost, he may not entre in to the kyngdom of God.

stylus

Zechariah 6:11, Zechariah 6:11, Exodus 29:6, Exodus 29:6, Revelation 5:8

6`That that is borun of the fleisch, is fleisch; and `that that is borun of spirit, is spirit.

stylus

Isaiah 63:9, Genesis 48:15, Genesis 48:16, Genesis 28:13, Genesis 28:17

7Wondre thou not, for Y seide to thee, It bihoueth you to be borun ayen.

stylus

2 Timothy 4:1, 2 Timothy 4:2, Genesis 26:5, 2 Timothy 4:1, 2 Timothy 4:2

8The spirit brethith where he wole, and thou herist his vois, but thou wost not, fro whennus he cometh, ne whidir he goith; so is ech man that is borun of the spirit.

stylus

Jeremiah 23:5, Jeremiah 23:5, Isaiah 11:1, Isaiah 11:1, Zechariah 6:12

9Nychodeme answeride, and seide to hym, Hou moun these thingis be don?

stylus

Zechariah 4:10, Zechariah 4:10, Jeremiah 50:20, Jeremiah 50:20, Isaiah 28:16

10Jhesus answeride, and seide to hym, Thou art a maister in Israel, and knowist not these thingis?

stylus

1 Kings 4:25, 1 Kings 4:25, Micah 4:4, Micah 4:4, Hosea 2:18

11Treuli, treuli, Y seie to thee, for we speken that that we witen, and we witnessen that that we han seyn, and ye taken not oure witnessyng.

stylus

12If Y haue seid to you ertheli thingis, and ye bileuen not, hou if Y seie to you heueneli thingis, schulen ye bileue?

stylus

13And no man stieth in to heuene, but he that cam doun fro heuene, mannys sone that is in heuene.

stylus

14And as Moises areride a serpent in desert, so it bihoueth mannys sone to be reisid,

stylus

15that ech man that bileueth in hym, perische not, but haue euerlastynge lijf.

stylus

16For God louede so the world, that he yaf his `oon bigetun sone, that ech man that bileueth in him perische not, but haue euerlastynge lijf.

stylus

17For God sente not his sone in to the world, that he iuge the world, but that the world be saued bi him.

stylus

18He that bileueth in hym, is not demed; but he that bileueth not, is now demed, for he bileueth not in the name of the `oon bigetun sone of God.

stylus

19And this is the dom, for liyt cam in to the world, and men loueden more derknessis than liyt; for her werkes weren yuele.

stylus

20For ech man that doith yuele, hatith the liyt; and he cometh not to the liyt, that hise werkis be not repreued.

stylus

21But he that doith treuthe, cometh to the liyt, that hise werkis be schewid, that thei ben don in God.

stylus

22Aftir these thingis Jhesus cam, and hise disciplis, in to the loond of Judee, and there he dwellide with hem, and baptiside.

stylus

23And Joon was baptisinge in Ennon, bisidis Salym, for many watris weren there; and thei camen, and weren baptisid.

stylus

24And Joon was not yit sent in to prisoun.

stylus

25Therfor a questioun was maad of Jonys disciplis with the Jewis, of the purificacioun.

stylus

26And thei camen to Joon, and seiden `to hym, Maister, he that was with thee biyonde Jordan, to whom thou hast borun witnessyng, lo! he baptisith, and alle men comen to hym.

stylus

27Joon answerde, and seide, A man may not take ony thing, but it be youun to hym fro heuene.

stylus

28Ye you silf beren witnessyng to me, that Y seide, Y am not Crist, but that Y am sent bifore hym.

stylus

29He that hath a wijf, is the hosebonde; but the freend of the spouse that stondith, and herith hym, ioieth with ioye, for the vois of the spouse. Therfor in this thing my ioye is fulfillid.

stylus

30It bihoueth hym to wexe, but me to be maad lesse.

stylus

31He that cam from aboue, is aboue alle; he that is of the erthe, spekith of the erthe; he that cometh from heuene, is aboue alle.

stylus

32And he witnessith that thing that he hath seie, and herde, and no man takith his witnessing.

stylus

33But he that takith his witnessyng, hath confermyd that God is sothefast.

stylus

34But he whom God hath sent, spekith the wordis of God; for not to mesure God yyueth the spirit.

stylus

35The fadir loueth the sone, and he hath youun alle thingis in his hoond.

stylus

36He that bileueth in the sone, hath euerlastynge lijf; but he that is vnbileueful to the sone, schal not se euerlastynge lijf, but the wraththe of God dwellith on hym.

stylus