1Therfor as Jhesu knew, that the Farisees herden, that Jhesu makith and baptisith mo disciplis than Joon,

stylus

Zechariah 1:9, Daniel 8:18, Jeremiah 31:26, Zechariah 1:9, Daniel 8:18

2thouy Jhesus baptiside not, but hise disciplis, he lefte Judee,

stylus

Revelation 4:5, Revelation 4:5, Revelation 1:12, Revelation 1:12, Matthew 5:14

3and wente ayen in to Galilee.

stylus

Revelation 11:4, Revelation 11:4, Zechariah 4:14, Zechariah 4:14, Romans 11:17

4And it bihofte hym to passe bi Samarie.

stylus

Zechariah 1:9, Zechariah 6:4, Zechariah 1:9, Zechariah 6:4, Zechariah 1:19

5Therfor Jhesus cam in to a citee of Samarie, that is seid Sicar, bisidis the place, that Jacob yaf to Joseph, his sone.

stylus

Zechariah 4:13, Zechariah 4:13, Genesis 41:16, Zechariah 1:9, Daniel 2:30

6And the welle of Jacob was there; and Jhesus was weri of the iourney, and sat thus vpon the welle. And the our was, as it were the sixte.

stylus

2 Chronicles 32:7, 2 Chronicles 32:8, 2 Chronicles 32:7, 2 Chronicles 32:8, 2 Corinthians 10:4

7And a womman cam fro Samarie, to drawe watir. And Jhesus seith to hir, Yyue me drynk.

stylus

Jeremiah 51:25, Jeremiah 51:25, Micah 4:1, Zechariah 4:9, Micah 4:1

8And hise disciplis weren gon in to the citee, to bie mete.

stylus

9Therfor thilke womman of Samarie seith to him, Hou thou, `whanne thou art a Jewe, axist of me drynk, that am a womman of Samarie? for Jewis vsiden not to dele with Samaritans.

stylus

Ezra 6:14, Ezra 6:15, Zechariah 6:12, Zechariah 6:13, Ezra 6:14

10Jhesus answerde, and seide to hir, If thou wistist the yifte of God, and who `he is, that seith to thee, Yyue me drynk, thou perauenture woldist haue axid of hym, and he schulde haue youun to thee quyk watir.

stylus

Job 8:7, Job 8:7, 1 Corinthians 1:28, 1 Corinthians 1:29, 1 Corinthians 1:28

11The womman seith to him, Sire, thou hast not where ynne to drawe, and the pit is deep; wherof thanne hast thou quik watir?

stylus

Zechariah 4:3, Zechariah 4:3, Revelation 11:4, Revelation 11:4

12Whethir thou art grettere than oure fadir Jacob, that yaf to vs the pit? and he drank therof, and hise sones, and hise beestis.

stylus

Revelation 11:4, Revelation 11:4, Matthew 20:23, Matthew 20:23, Haggai 1:1

13Jhesus answerde, and seide to hir, Eche man that drynkith of this watir, schal thirste efte soone; but he that drynkith of the watir that Y schal yyue hym, schal not thirste with outen ende; but the watir that Y schal yyue hym,

stylus

Zechariah 4:5, Zechariah 4:5, Hebrews 5:11, Hebrews 5:12, Hebrews 5:11

14schal be maad in hym a welle `of watir, spryngynge vp in to euerlastynge lijf.

stylus

Revelation 11:4, Revelation 11:4, Isaiah 61:1, Isaiah 61:3, Isaiah 61:1

15The womman seith to hym, Sire, yyue me this watir, that Y thirste not, nether come hidur to drawe.

stylus

16Jhesus seith to hir, Go, clepe thin hosebonde, and come hidir.

stylus

17The womman answerde, and seide, Y haue noon hosebonde. Jhesus seith to hir, Thou seidist wel, That Y haue noon hosebonde;

stylus

18for thou hast hadde fyue hosebondis, and he that thou hast, is not thin hosebonde. This thing thou seidist sotheli.

stylus

19The womman seith to hym, Lord, Y se, that thou art a prophete.

stylus

20Oure fadris worschipiden in this hil, and ye seien, that at Jerusalem is a place, where it bihoueth to worschipe.

stylus

21Jhesus seith to hir, Womman, bileue thou to me, for the our schal come, whanne nether in this hil, nethir in Jerusalem, ye schulen worschipe the fadir.

stylus

22Ye worschipen that ye knowen not; we worschipen that that we knowen; for helthe is of the Jewis.

stylus

23But the tyme is comun, and now it is, whanne trewe worschiperis schulen worschipe the fadir in spirit and treuthe; for also the fadir sekith suche, that worschipen hym.

stylus

24God is a spirit, and it bihoueth hem that worschipen hym, to worschipe in spirit and treuthe.

stylus

25The womman seith to hym, Y woot that Messias is comun, that is seid Crist; therfor whanne he cometh, he schal telle vs alle thingis.

stylus

26Jhesus seith to hir, Y am he, that spekith with thee.

stylus

27And anoon hise disciplis camen, and wondriden, that he spak with the womman; netheles no man seide to hym, What sekist thou, or, What spekist thou with hir?

stylus

28Therfor the womman lefte hir watir pot, and wente in to the citee, and seide to tho men,

stylus

29Come ye, and se ye a man, that seide to me alle thingis that Y haue don; whether he be Crist?

stylus

30And thei wenten out of the citee, and camen to hym.

stylus

31In the mene while hise disciplis preieden hym, and seiden, Maistir, ete.

stylus

32But he seide to hem, Y haue mete to ete, that ye knowen not.

stylus

33Therfor disciplis seiden togidir, Whether ony man hath brouyt him mete to ete?

stylus

34Jhesus seith to hem, My mete is, that Y do the wille of hym that sente me, that Y perfourme the werk of hym.

stylus

35Whether ye seien not, that yit foure monethis ben, and rype corn cometh? Lo! Y seie to you, lifte vp youre iyen, and se ye the feeldis, for now thei ben white to repe.

stylus

36And he that repith takith hire, and gaderith fruyt in to euerlastynge lijf; that bothe he that sowith, and he that repith, haue ioye togidere.

stylus

37In this thing is the word trewe, for anothir is that sowith, and anothir that repith.

stylus

38Y sente you to repe, that that ye `haue not trauelid; `othere men han trauelid, and ye han entrid `in to her trauels.

stylus

39And of that citee many Samaritans bileueden in hym, for the word of the womman, that bare witnessyng, That he seide to me alle thingis that Y haue don.

stylus

40Therfor whanne Samaritans camen to hym, thei preieden hym to dwelle there; and he dwelte there twey daies.

stylus

41And many mo bileueden for his word,

stylus

42and seiden to the womman, That now not for thi speche we bileuen; for we han herd, and we witen, that this is verili the sauyour of the world.

stylus

43And aftir twei daies he wente out fro thennus, and wente in to Galilee.

stylus

44And he bar witnessyng, that a profete in his owne cuntre hath noon onour.

stylus

45Therfor whanne he cam in to Galilee, men of Galilee resseyueden hym, whanne thei hadden seyn alle thingis that he hadde don in Jerusalem in the feeste dai; for also thei hadden comun to the feeste dai.

stylus

46Therfor he cam eftsoone in to the Cane of Galile, where he made the watir wiyn. And `a litil kyng was, whos sone was sijk at Cafarnaum.

stylus

47Whanne this hadde herd, that Jhesu schulde come fro Judee in to Galilee, he wente to hym, and preiede hym, that he schulde come doun, and heele his sone; for he bigan to die.

stylus

48Therfor Jhesus seide to him, But ye se tokenes and grete wondris, ye bileuen not.

stylus

49The litil kyng seith to hym, Lord, come doun, bifor that my sone die.

stylus

50Jhesus seith to hym, Go, thi sone lyueth. The man bileuede to the word, that Jhesus seide to hym, and he wente.

stylus

51And now whanne he cam doun, the seruauntis camen ayens hym, and telden to hym, and seiden, That his sone lyuede.

stylus

52And he axide of hem the our, in which he was amendid. And thei seiden to hym, For yistirdai in the seuenthe our the feuer lefte him.

stylus

53Therfor the fadir knewe, that thilke our it was, in which Jhesus seide to hym, Thi sone lyueth; and he bileuede, and al his hous.

stylus

54Jhesus dide eft this secounde tokene, whanne he cam fro Judee in to Galilee.

stylus