1And the thridde dai weddyngis weren maad in the Cane of Galilee; and the modir of Jhesu was there.

stylus

Ezekiel 40:3, Ezekiel 40:3, Zechariah 1:16, Zechariah 1:16, Revelation 21:15

2And Jhesus was clepid, and hise disciplis, to the weddyngis.

stylus

Jeremiah 31:39, Ezekiel 45:6, Revelation 21:15, Revelation 21:17, Jeremiah 31:39

3And whanne wijn failide, the modir of Jhesu seide to hym, Thei han not wijn.

stylus

Zechariah 1:19, Zechariah 1:19, Zechariah 1:8, Zechariah 1:11, Zechariah 4:5

4And Jhesus seith to hir, What to me and to thee, womman? myn our cam not yit.

stylus

Zechariah 1:17, Zechariah 1:17, Ezekiel 38:11, Jeremiah 33:22, Micah 7:11

5His modir seith to the mynystris, What euere thing he seie to you, do ye.

stylus

Isaiah 4:5, Isaiah 4:5, Psalms 3:3, Psalms 3:3, Isaiah 60:18

6And there weren set `sixe stonun cannes, aftir the clensyng of the Jewis, holdynge ech tweyne ether thre metretis.

stylus

Isaiah 48:20, Ezekiel 17:21, Isaiah 48:20, Ezekiel 17:21, Genesis 19:17

7And Jhesus seith to hem, Fille ye the pottis with watir. And thei filliden hem, vp to the mouth.

stylus

Isaiah 48:20, Isaiah 48:20, Acts 2:40, Isaiah 52:11, Genesis 19:17

8And Jhesus seide to hem, Drawe ye now, and bere ye to the architriclyn. And thei baren.

stylus

Psalms 17:8, Psalms 17:8, Deuteronomy 32:10, Deuteronomy 32:10, John 15:21

9And whanne the architriclyn hadde tastid the watir maad wiyn, and wiste not wherof it was, but the mynystris wisten that drowen the watir, the architriclyn clepith the spouse,

stylus

Isaiah 19:16, Isaiah 19:16, Zechariah 6:15, Zechariah 4:9, Ezekiel 39:10

10and seith to hym, Ech man settith first good wiyn, and whanne men ben fulfillid, thanne that that is worse; but thou hast kept the good wiyn `in to this tyme.

stylus

Zechariah 8:3, Matthew 28:20, Zechariah 8:3, Matthew 28:20, Leviticus 26:12

11Jhesus dide this the bigynnyng of signes in the Cane of Galilee, and schewide his glorie; and hise disciplis bileueden in hym.

stylus

Revelation 11:15, Revelation 11:15, Luke 2:32, Acts 28:28, Luke 2:32

12Aftir these thingis he cam doun to Cafarnaum, and his modir, and hise britheren, and hise disciplis; and thei dwelliden `there not many daies.

stylus

Zechariah 1:17, Zechariah 1:17, Deuteronomy 32:9, Deuteronomy 32:9, Jeremiah 10:16

13And the pask of Jewis was nyy, and Jhesus wente vp to Jerusalem.

stylus

Habakkuk 2:20, Habakkuk 2:20, Psalms 68:5, Zephaniah 1:7, Psalms 68:5

14And he foond in the temple men sillynge oxun, and scheep, and culueris, and chaungeris sittynge.

stylus

15And whanne he hadde maad as it were a scourge of smale cordis, he droof out alle of the temple, and oxun, and scheep; and he schedde the money of chaungeris, and turnede vpsedoun the boordis.

stylus

16And he seide to hem that selden culueris, Take awei fro hennus these thingis, and nyle ye make the hous of my fadir an hous of marchaundise.

stylus

17And hise disciplis hadden mynde, for it was writun, The feruent loue of thin hous hath etun me.

stylus

18Therfor the Jewis answeriden, and seiden to hym, What token schewist thou to vs, that thou doist these thingis?

stylus

19Jhesus answerde, and seide to hem, Vndo ye this temple, and in thre daies Y schal reise it.

stylus

20Therfor the Jewis seiden to hym, In fourti and sixe yeer this temple was bildid, and schalt thou in thre daies reise it?

stylus

21But he seide of the temple of his bodi.

stylus

22Therfor whanne he was risun fro deeth, hise disciplis hadden mynde, that he seide these thingis of his bodi; and thei bileueden to the scripture, and to the word that Jhesus seide.

stylus

23And whanne Jhesus was at Jerusalem in pask, in the feeste dai, many bileueden in his name, seynge his signes that he dide.

stylus

24But Jhesus trowide not hym silf to hem, for he knewe alle men;

stylus

25and for it was not nede to hym, that ony man schulde bere witnessyng, for he wiste, what was in man.

stylus