1Be not youre herte afraied, ne drede it; ye bileuen in God, and bileue ye in me.

stylus

Isaiah 13:9, Isaiah 13:9, Isaiah 2:12, Isaiah 2:12, Acts 2:20

2In the hous of my fadir ben many dwellyngis; if ony thing lesse, Y hadde seid to you, for Y go to make redi to you a place.

stylus

Luke 21:20, Luke 21:24, Luke 21:20, Luke 21:24, Romans 9:27

3And if Y go, and make redi to you a place, eftsoones Y come, and Y schal take you to my silf, that where Y am, ye be.

stylus

Zechariah 12:9, Zechariah 12:9, Zephaniah 3:19, Joel 3:9, Joel 3:17

4And whidur Y go, ye witen, and ye witen the weie.

stylus

Micah 1:3, Micah 1:4, Micah 1:3, Micah 1:4, Ezekiel 11:23

5Thomas seith to hym, Lord, we witen not whidur thou goist, and hou moun we wite the weie?

stylus

Jude 1:14, Jude 1:15, Jude 1:14, Jude 1:15, Amos 1:1

6Jhesus seith to hym, Y am weie, treuthe, and lijf; no man cometh to the fadir, but bi me.

stylus

Psalms 97:10, Psalms 97:11, Psalms 97:10, Psalms 97:11, Revelation 11:15

7If ye hadden knowe me, sotheli ye hadden knowe also my fadir; and aftirward ye schulen knowe hym, and ye han seyn hym.

stylus

Revelation 22:5, Revelation 22:5, Revelation 21:23, Daniel 12:4, Isaiah 30:26

8Filip seith to hym, Lord, schewe to vs the fadir, and it suffisith to vs.

stylus

Revelation 22:1, Revelation 22:2, Revelation 22:1, Revelation 22:2, John 7:38

9Jhesus seith to hym, So long tyme Y am with you, and `han ye not knowun me? Filip, he that seeth me, seeth also the fadir. Hou seist thou, schewe to vs the fadir?

stylus

Ephesians 4:5, Ephesians 4:6, Ephesians 4:5, Ephesians 4:6, Revelation 11:15

10Bileuest thou not, that Y am in the fadir, and the fadir is in me? The wordis that Y speke to you, Y speke not of my silf; but the fadir hym silf dwellynge in me, doith the werkis.

stylus

Joshua 15:32, Zechariah 12:6, Joshua 15:32, Zechariah 12:6, Jeremiah 37:13

11Bileue ye not, that Y am in the fadir, and the fadir is in me?

stylus

Revelation 22:3, Revelation 22:3, Jeremiah 23:5, Jeremiah 23:6, Amos 9:15

12Ellis bileue ye for thilke werkis. Treuli, treuli, Y seie to you, if a man bileueth in me, also he schal do the werkis that Y do; and he schal do grettere werkis than these, for Y go to the fadir.

stylus

Isaiah 66:15, Isaiah 66:16, Ezekiel 39:17, Ezekiel 39:20, Isaiah 66:15

13And what euere thing ye axen the fadir in my name, Y schal do this thing, that the fadir be glorified in the sone.

stylus

Zechariah 12:4, Zechariah 12:4, Revelation 17:12, Revelation 17:17, Judges 7:22

14If ye axen ony thing in my name, Y schal do it.

stylus

Isaiah 23:18, Isaiah 23:18, 2 Chronicles 20:25, 2 Chronicles 20:27, Zechariah 12:2

15If ye louen me, kepe ye my comaundementis.

stylus

Zechariah 14:12, Zechariah 14:12

16And Y schal preye the fadir, and he schal yyue to you another coumfortour,

stylus

Isaiah 66:23, Isaiah 66:23, Zechariah 14:17, Zechariah 14:19, Zechariah 14:17

17the spirit of treuthe, to dwelle with you with outen ende; which spirit the world may not take, for it seeth hym not, nether knowith hym. But ye schulen knowe hym, for he schal dwelle with you, and he schal be in you.

stylus

Jeremiah 14:4, Isaiah 60:12, Amos 4:7, Amos 4:8, Jeremiah 14:4

18Y schal not leeue you fadirles, Y schal come to you.

stylus

Zechariah 14:15, Deuteronomy 11:10, Deuteronomy 11:11, Zechariah 14:15, Deuteronomy 11:10

19Yit a litil, and the world seeth not now me; but ye schulen se me, for Y lyue, and ye schulen lyue.

stylus

John 3:19, John 3:19

20In that dai ye schulen knowe, that Y am in my fadir, and ye in me, and Y in you.

stylus

Exodus 39:30, 1 Corinthians 3:16, 1 Corinthians 3:17, Exodus 39:30, 1 Corinthians 3:16

21He that hath my comaundementis, and kepith hem, he it is that loueth me; and he that loueth me, schal be loued of my fadir, and Y schal loue hym, and Y schal schewe to hym my silf.

stylus

Ezekiel 44:9, Romans 14:6, Romans 14:7, Ezekiel 44:9, Romans 14:6

22Judas seith to hym, not he of Scarioth, Lord, what is don, that thou schalt schewe thi silf to vs, and not to the world?

stylus

23Jhesus answerde, and seide `to hym, If ony man loueth me, he schal kepe my word; and my fadir schal loue hym, and we schulen come to hym, and we schulen dwelle with hym.

stylus

24He that loueth me not, kepith not my wordis; and the word which ye han herd, is not myn, but the fadris, that sente me.

stylus

25These thingis Y haue spokun to you, dwellynge among you; but thilke Hooli Goost,

stylus

26the coumfortour, whom the fadir schal sende in my name, he schal teche you alle thingis, `and schal schewe to you alle thingis, what euere thingis Y schal seie to you.

stylus

27Pees Y leeue to you, my pees Y yyue to you; not as the world yyueth, Y yiue to you; be not youre herte affrayed, ne drede it.

stylus

28Ye han herd, that Y seide to you, Y go, and come to you. If ye loueden me, forsothe ye schulden haue ioye, for Y go to the fadir, for the fadir is grettere than Y.

stylus

29And now Y haue seid to you, bifor that it be don, that whanne it is don, ye bileuen.

stylus

30Now Y schal not speke many thingis with you; for the prince of this world cometh, and hath not in me ony thing.

stylus

31But that the world knowe, that Y loue the fadir; and as the fadir yaf a comaundement to me, so Y do. `Rise ye, go we hennus.

stylus