1Bifor the `feeste dai of pask Jhesus witynge, that his our is comun, that he passe fro this world to the fadir, whanne he hadde loued hise that weren in the world, in to the ende he louede hem.

stylus

Psalms 51:2, Psalms 51:2, John 1:29, 1 Corinthians 6:11, Ezekiel 36:25

2And whanne the souper was maad, whanne the deuel hadde put than in to the herte, that Judas of Symount Scarioth schulde bitraye hym,

stylus

1 Kings 22:22, 1 Kings 22:22, Jeremiah 23:14, Jeremiah 23:15, Hosea 2:17

3he witynge that the fadir yaf alle thingis to hym in to hise hoondis, and that he wente out fro God,

stylus

Deuteronomy 13:6, Deuteronomy 13:11, Deuteronomy 18:20, Deuteronomy 13:6, Deuteronomy 13:11

4and goith to God, he risith fro the souper, and doith of hise clothis; and whanne he hadde takun a lynun cloth, he girde hym.

stylus

Micah 3:6, Micah 3:7, Matthew 3:4, Micah 3:6, Micah 3:7

5And aftirward he putte watir in to a basyn, and biganne to waische the disciplis feet, and to wipe with the lynnen cloth, with which he was gird.

stylus

Amos 7:14, Amos 7:14, Acts 19:17, Acts 19:20, Acts 19:17

6And so he cam to Symount Petre, and Petre seith to hym, Lord, waischist thou my feet?

stylus

Psalms 22:16, John 18:35, Psalms 22:16, John 18:35, Proverbs 27:5

7Jhesus answerde, and seide to hym, What Y do, thou wost not now; but thou schalt wite aftirward.

stylus

Mark 14:27, Mark 14:27, Matthew 26:31, Matthew 26:31, Isaiah 40:11

8Petre seith to hym, Thou schalt neuere waische my feet. Jhesus answeride to hym, If Y schal not waische thee, thou schalt not haue part with me.

stylus

Ezekiel 5:12, Ezekiel 5:12, Revelation 16:19, Revelation 16:19, Ezekiel 5:2

9Symount Petre seith to hym, Lord, not oneli my feet, but bothe the hoondis and the heed.

stylus

Psalms 50:15, Psalms 50:15, Jeremiah 29:11, Jeremiah 29:12, Jeremiah 29:11

10Jhesus seide to hym, He that is waischun, hath no nede but that he waische the feet, but he is al clene; and ye ben clene, but not alle.

stylus

11For he wiste, who `was he that schulde bitraye hym; therfor he seide, Ye ben not alle clene.

stylus

12And so aftir that he hadde waischun `the feet of hem, he took hise clothis; and whanne he was set to mete ayen, eft he seide to hem, Ye witen what Y haue don to you.

stylus

13Ye clepen me maistir and lord, and ye seien wel; for Y am.

stylus

14Therfor if Y, lord and maistir, haue waischun youre feet, and ye schulen waische oon anothers feet;

stylus

15for Y haue youun `ensaumple to you, `that as I haue do to you, so do ye.

stylus

16Treuli, treuli, Y seie to you, the seruaunt is not grettere than his lord, nether an apostle is grettere than he that sente hym.

stylus

17If ye witen these thingis, ye schulen be blessid, if ye doen hem.

stylus

18Y seie not of `alle you, Y woot whiche Y haue chosun; but that the scripture be fulfillid, He that etith my breed, schal reise his heele ayens me.

stylus

19Treuly, Y seie to you bifor it be don, that whanne it is don, ye bileue that Y am.

stylus

20Treuli, treuli, Y seie to you, he that takith whom euere Y schal sende, resseyueth me; and he that resseyueth me, resseyueth hym that sente me.

stylus

21Whanne Jhesus hadde seid these thingis, he was troblid in spirit, and witnesside, and seide, Treuli, treuli, Y seie to you, that oon of you schal bitraye me.

stylus

22Therfor the disciplis lokiden togidere, doutynge of whom he seide.

stylus

23And so oon of hise disciplis was restynge in the bosum of Jhesu, whom Jhesu louede.

stylus

24Therfor Symount Petre bikeneth to hym, `and seith to hym, Who is it, of whom he seith?

stylus

25And so whanne he hadde restid ayen on the brest of Jhesu, he seith to hym, Lord, who is it?

stylus

26Jhesus answerde, He it is, to whom Y schal areche a sop of breed. And whanne he hadde wet breed, he yaf to Judas of Symount Scarioth.

stylus

27And aftir the mussel, thanne Sathanas entride in to hym. And Jhesus seith to hym, That thing that thou doist, do thou swithe.

stylus

28And noon of hem that saten at the mete wiste, wherto he seide to hym.

stylus

29For summe gessiden, for Judas hadde pursis, that Jhesus hadde seid to hym, Bie thou tho thingis, that ben nedeful to vs to the feeste dai, or that he schulde yyue sum thing to nedi men.

stylus

30Therfor whanne he hadde takun the mussel, he wente out anoon; and it was nyyt.

stylus

31And whanne he was gon out, Jhesus seide, Now mannus sone is clarified, and God is clarified in hym.

stylus

32If God is clarified in hym, God schal clarifie hym in hym silf, and anoon he schal clarifie hym.

stylus

33Litle sones, yit a litil Y am with you; ye schulen seke me, and, as Y seide to the Jewis, Whidur Y go, ye moun not come; and to you Y seie now.

stylus

34Y yyue to you a newe maundement, that ye loue togidir, as Y louede you, `and that ye loue togidir.

stylus

35In this thing alle men schulen knowe, that ye ben my disciplis, if ye han loue togidere.

stylus

36Symount Petre seith to hym, Lord, whidur goist thou? Jhesus answeride, Whidur Y go, thou mayst not sue me now, but thou schalt sue afterward.

stylus

37Petre seith to hym, Whi may Y not sue thee now? Y schal putte my lijf for thee.

stylus

38Jhesus answeride, Thou schalt putte thi lijf for me? Treuli, treuli, Y seie to thee, the cok schal not crowe, til thou schalt denye me thries. And he seith to hise disciplis.

stylus