1Therfore, britheren, Y biseche you bi the mercy of God, that ye yyue youre bodies a lyuynge sacrifice, hooli, plesynge to God, and youre seruyse resonable.

stylus

2And nyle ye be confourmyd to this world, but be ye reformed in newnesse of youre wit, that ye preue which is the wille of God, good, and wel plesynge, and parfit.

stylus

3For Y seie, bi the grace that is youun to me, to alle that ben among you, that ye sauere no more than it bihoueth to sauere, but for to sauere to sobrenesse; and to ech man, as God hath departid the mesure of feith.

stylus

4For as in o bodi we han many membris, but alle the membris han not the same dede;

stylus

5so we many ben o bodi in Crist, and eche ben membris oon of anothir.

stylus

6Therfor we that han yiftis dyuersynge, aftir the grace that is youun to vs,

stylus

7ethir prophecie, aftir the resoun of feith; ethir seruise, in mynystryng; ether he that techith, in techyng;

stylus

8he that stirith softli, in monestyng; he that yyueth, in symplenesse; he that is souereyn, in bisynesse; he that hath merci, in gladnesse.

stylus

9Loue with outen feynyng, hatynge yuel, drawynge to good;

stylus

10louynge togidere the charite of britherhod. Eche come bifore to worschipen othere;

stylus

11not slow in bisynesse, feruent in spirit, seruynge to the Lord,

stylus

12ioiynge in hope, pacient in tribulacioun, bisy in preier,

stylus

13yyuynge good to the nedis of seyntis, kepynge hospitalite.

stylus

14Blesse ye men that pursuen you; blesse ye, and nyle ye curse;

stylus

15for to ioye with men that ioyen, for to wepe with men that wepen.

stylus

16Fele ye the same thing togidere; not sauerynge heiy thingis, but consentynge to meke thingis. Nile ye be prudent anentis you silf;

stylus

17to no man yeldynge yuel for yuel, but purueye ye good thingis, not oneli bifor God, but also bifor alle men.

stylus

18If it may be don, that that is of you, haue ye pees with alle men.

stylus

19Ye moost dere britheren, not defendynge you silf, but yyue ye place to wraththe; for it is writun, The Lord seith, To me veniaunce, and Y schal yelde.

stylus

20But if thin enemy hungrith, fede thou hym; if he thirstith, yyue thou drynke to hym; for thou doynge this thing schalt gidere togidere colis on his heed.

stylus

21Nyle thou be ouercomun of yuel, but ouercome thou yuel bi good.

stylus