Romans 12

¹Therfore, britheren, Y biseche you bi the mercy of God, that ye yyue youre bodies a lyuynge sacrifice, hooli, plesynge to God, and youre seruyse resonable.

²And nyle ye be confourmyd to this world, but be ye reformed in newnesse of youre wit, that ye preue which is the wille of God, good, and wel plesynge, and parfit.

³For Y seie, bi the grace that is youun to me, to alle that ben among you, that ye sauere no more than it bihoueth to sauere, but for to sauere to sobrenesse; and to ech man, as God hath departid the mesure of feith.

⁴For as in o bodi we han many membris, but alle the membris han not the same dede;

⁵so we many ben o bodi in Crist, and eche ben membris oon of anothir.

⁶Therfor we that han yiftis dyuersynge, aftir the grace that is youun to vs,

⁷ethir prophecie, aftir the resoun of feith; ethir seruise, in mynystryng; ether he that techith, in techyng;

⁸he that stirith softli, in monestyng; he that yyueth, in symplenesse; he that is souereyn, in bisynesse; he that hath merci, in gladnesse.

⁹Loue with outen feynyng, hatynge yuel, drawynge to good;

¹⁰louynge togidere the charite of britherhod. Eche come bifore to worschipen othere;

¹¹not slow in bisynesse, feruent in spirit, seruynge to the Lord,

¹²ioiynge in hope, pacient in tribulacioun, bisy in preier,

¹³yyuynge good to the nedis of seyntis, kepynge hospitalite.

¹⁴Blesse ye men that pursuen you; blesse ye, and nyle ye curse;

¹⁵for to ioye with men that ioyen, for to wepe with men that wepen.

¹⁶Fele ye the same thing togidere; not sauerynge heiy thingis, but consentynge to meke thingis. Nile ye be prudent anentis you silf;

¹⁷to no man yeldynge yuel for yuel, but purueye ye good thingis, not oneli bifor God, but also bifor alle men.

¹⁸If it may be don, that that is of you, haue ye pees with alle men.

¹⁹Ye moost dere britheren, not defendynge you silf, but yyue ye place to wraththe; for it is writun, The Lord seith, To me veniaunce, and Y schal yelde.

²⁰But if thin enemy hungrith, fede thou hym; if he thirstith, yyue thou drynke to hym; for thou doynge this thing schalt gidere togidere colis on his heed.

²¹Nyle thou be ouercomun of yuel, but ouercome thou yuel bi good.

Romans 12

¹I beseech you therefore, brethren, by the mercies of God, that ye present your bodies a living sacrifice, holy, acceptable unto God, which is your reasonable service.

²And be not conformed to this world: but be ye transformed by the renewing of your mind, that ye may prove what is that good, and acceptable, and perfect, will of God.

³For I say, through the grace given unto me, to every man that is among you, not to think of himself more highly than he ought to think; but to think soberly, according as God hath dealt to every man the measure of faith.

⁴For as we have many members in one body, and all members have not the same office:

⁵So we, being many, are one body in Christ, and every one members one of another.

⁶Having then gifts differing according to the grace that is given to us, whether prophecy, let us prophesy according to the proportion of faith;

⁷Or ministry, let us wait on our ministering: or he that teacheth, on teaching;

⁸Or he that exhorteth, on exhortation: he that giveth, let him do it with simplicity; he that ruleth, with diligence; he that sheweth mercy, with cheerfulness.

⁹Let love be without dissimulation. Abhor that which is evil; cleave to that which is good.

¹⁰Be kindly affectioned one to another with brotherly love; in honour preferring one another;

¹¹Not slothful in business; fervent in spirit; serving the Lord;

¹²Rejoicing in hope; patient in tribulation; continuing instant in prayer;

¹³Distributing to the necessity of saints; given to hospitality.

¹⁴Bless them which persecute you: bless, and curse not.

¹⁵Rejoice with them that do rejoice, and weep with them that weep.

¹⁶Be of the same mind one toward another. Mind not high things, but condescend to men of low estate. Be not wise in your own conceits.

¹⁷Recompense to no man evil for evil. Provide things honest in the sight of all men.

¹⁸If it be possible, as much as lieth in you, live peaceably with all men.

¹⁹Dearly beloved, avenge not yourselves, but rather give place unto wrath: for it is written, Vengeance is mine; I will repay, saith the Lord.

²⁰Therefore if thine enemy hunger, feed him; if he thirst, give him drink: for in so doing thou shalt heap coals of fire on his head.

²¹Be not overcome of evil, but overcome evil with good.