1Therfor Y seie, Whether God hath put awei his puple? God forbede. For Y am an Israelite, of the seed of Abraham, of the lynage of Beniamyn.

stylus

2God hath not put awei his puple, which he bifor knew. Whether ye witen not, what the scripture seith in Elie? Hou he preieth God ayens Israel,

stylus

3Lord, thei han slayn thi prophetis, thei han vndurdoluun thin auteris, and Y am lefte aloone, and thei seken my lijf.

stylus

4But what seith Goddis answere to hym? Y haue left to me seuene thousyndes of men, that han not bowid her knees bifore Baal.

stylus

5So therfor also in this tyme, the relifs ben maad saaf, bi the chesyng of the grace of God.

stylus

6And if it be bi the grace of God, it is not now of werkis; ellis grace is not now grace.

stylus

7What thanne? Israel hath not getun this that he souyte, but eleccioun hath getun; and the othere ben blyndid.

stylus

8As it is writun, God yaf to hem a spirit of compunccioun, iyen that thei se not, and eeris, that thei here not, in to this dai.

stylus

9And Dauith seith, Be the boord of hem maad in to a gryn bifor hem, and in to catchyng, and in to sclaundre, and in to yeldyng to hem.

stylus

10Be the iyen of hem maad derk, that thei se not; and bowe thou doun algatis the bak of hem.

stylus

11Therfor Y seie, Whether thei offendiden so, that thei schulden falle doun? God forbede. But bi the gilt of hem helthe is maad to hethene men, that thei sue hem.

stylus

12That if the gilt of hem ben richessis of the world, and the makyng lesse of hem ben richessis of hethene men, hou myche more the plente of hem?

stylus

13But Y seie to you, hethene men, for as longe as Y am apostle of hethene men, Y schal onoure my mynysterie,

stylus

14if in ony maner Y stire my fleisch for to folowe, and that Y make summe of hem saaf.

stylus

15For if the loss of hem is the recouncelyng of the world, what is the takyng vp, but lijf of deede men?

stylus

16For if a litil part of that that is tastid be hooli, the hool gobet is hooli; and if the roote is hooli, also the braunchis.

stylus

17What if ony of the braunchis ben brokun, whanne thou were a wielde olyue tre, art graffid among hem, and art maad felowe of the roote, and of the fatnesse of the olyue tre,

stylus

18nyle thou haue glorie ayens the braunchis. For if thou gloriest, thou berist not the roote, but the roote thee.

stylus

19Therfor thou seist, The braunchis ben brokun, that Y be graffid in.

stylus

20Wel, for vnbileue the braunchis ben brokun; but thou stondist bi feith. Nyle thou sauere hiye thing,

stylus

21but drede thou, for if God sparide not the kyndli braunchis, lest perauenture he spare not thee.

stylus

22Therfor se the goodnesse, and the fersnesse of God; yhe, the feersnesse in to hem that felden doun, but the goodnesse of God in to thee, if thou dwellist in goodnesse, ellis also thou schalt be kit doun.

stylus

23Yhe, and thei schulen be set yn, if thei dwellen not in vnbileue. For God is myyti, to sette hem in eftsoone.

stylus

24For if thou art kit doun of the kyndeli wielde olyue tre, and ayens kynd art set in to a good olyue tre, hou myche more thei that ben bi kynde, schulen be set in her olyue tree?

stylus

25But, britheren, Y wole not that ye vnknowen this mysterie, that ye be not wise to you silf; for blyndenesse hath feld a parti in Israel, til that the plente of hethene men entride,

stylus

26and so al Israel schulde be maad saaf. As it is writun, He schal come of Syon, that schal delyuere, and turne awei the wickidnesse of Jacob.

stylus

27And this testament to hem of me, whanne Y schal do awei her synnes.

stylus

28Aftir the gospel thei ben enemyes for you, but thei ben moost dereworthe bi the eleccioun for the fadris.

stylus

29And the yiftis and the cleping of God ben with outen forthenkyng.

stylus

30And as sum tyme also ye bileueden not to God, but now ye han gete mercy for the vnbileue of hem;

stylus

31so and these now bileueden not in to youre merci, that also thei geten merci.

stylus

32For God closide alle thingis togidere in vnbileue, that he haue mercy on alle.

stylus

33O! the heiynesse of the ritchessis of the wisdom and of the kunnyng of God; hou incomprehensible ben hise domes, and hise weies ben vnserchable.

stylus

34For whi who knew the wit of the Lord, or who was his counselour? or who formere yaf to hym,

stylus

35and it schal be quyt to hym?

stylus

36For of hym, and bi hym, and in hym ben alle thingis. To hym be glorie in to worldis. Amen.

stylus