1And he entride eftsoone in to the synagoge, and there was a man hauynge a drye hoond.

stylus

Jeremiah 6:6, Jeremiah 6:6, Isaiah 59:13, Isaiah 30:12, Isaiah 59:13

2And thei aspieden hym, if he helide in the sabatis, to accuse him.

stylus

Jeremiah 5:3, Jeremiah 22:21, Jeremiah 5:3, Jeremiah 22:21, Jeremiah 7:23

3And he seide to the man that hadde a drie hoond, Rise in to the myddil.

stylus

Habakkuk 1:8, Habakkuk 1:8, Ezekiel 22:25, Ezekiel 22:27, Jeremiah 5:6

4And he seith to hem, Is it leeueful to do wel in the sabatis, ether yuel? to make a soul saaf, ether to leese? And thei weren stille.

stylus

Ezekiel 22:26, Ezekiel 22:26, Malachi 2:8, Hosea 9:7, Malachi 2:8

5And he biheeld hem aboute with wraththe, and hadde sorewe on the blyndnesse of her herte, and seith to the man, Hold forth thin hoond. And he helde forth, and his hoond was restorid to hym.

stylus

Deuteronomy 32:4, Deuteronomy 32:4, Psalms 145:17, Lamentations 3:23, Psalms 145:17

6Sotheli Farisees yeden out anoon, and maden a counsel with Erodians ayens hym, hou thei schulden lese hym.

stylus

1 Corinthians 10:6, 1 Corinthians 10:6, Zephaniah 2:5, 1 Corinthians 10:11, Isaiah 37:24

7But Jhesus with hise disciplis wente to the see; and myche puple fro Galilee and Judee suede hym,

stylus

Hosea 9:9, Hosea 9:9, Jeremiah 36:3, Jeremiah 36:3, Zephaniah 3:2

8and fro Jerusalem, and fro Ydume, and fro biyondis Jordan, and thei that weren aboute Tire and Sidon, a greet multitude, heringe the thingis that he dide, and cam to hym.

stylus

Joel 3:2, Joel 3:2, Zephaniah 1:18, Zephaniah 1:18, Psalms 27:14

9And Jhesus seide to hise disciplis, that the boot schulde serue hym, for the puple, lest thei thristen hym;

stylus

Genesis 11:1, Genesis 11:1, Isaiah 19:18, Psalms 22:27, Isaiah 19:18

10for he heelide many, so that thei felden fast to hym, to touche hym. And hou many euer hadde syknessis, and vnclene spirits,

stylus

Psalms 68:31, Isaiah 11:11, Psalms 68:31, Isaiah 11:11, Isaiah 18:1

11whanne thei seyen hym, felden doun to hym, and crieden, seiynge, Thou art the sone of God.

stylus

Isaiah 54:4, Isaiah 54:4, Isaiah 11:9, Joel 2:26, Joel 2:27

12And greetli he manasside hem, that thei schulden not make hym knowun.

stylus

Isaiah 14:32, Isaiah 14:32, Nahum 1:7, Zechariah 13:8, Zechariah 13:9

13And he wente in to an hille, and clepide to hym whom he wolde; and thei camen to hym.

stylus

Isaiah 60:21, Revelation 14:5, Micah 4:7, Zephaniah 2:7, Isaiah 60:21

14And he made, that there weren twelue with hym, to sende hem to preche.

stylus

Isaiah 12:6, Isaiah 12:6, Zechariah 2:10, Zechariah 2:11, Micah 4:8

15And he yaf to hem pouwer to heele sijknessis, and to caste out feendis.

stylus

Isaiah 51:22, Isaiah 51:22, Ezekiel 39:29, Ezekiel 39:29, Zephaniah 3:5

16And to Symount he yaf a name Petre, and he clepide James of Zebede and Joon,

stylus

Isaiah 35:3, Isaiah 35:4, Isaiah 35:3, Isaiah 35:4, Hebrews 12:12

17the brother of James, and he yaf to hem names Boenarges, that is, sones of thundryng.

stylus

Psalms 149:4, Psalms 149:4, Psalms 147:11, Psalms 147:11, Isaiah 62:4

18And he clepide Andrew and Filip, and Bartholomew and Matheu, and Thomas and James Alfey, and Thadee,

stylus

Psalms 42:2, Psalms 42:4, Psalms 42:2, Psalms 42:4, Lamentations 1:4

19and Symount Cananee, and Judas Scarioth, that bitraiede hym.

stylus

Isaiah 49:25, Isaiah 49:26, Isaiah 49:25, Isaiah 49:26, Isaiah 60:14

20And thei camen to an hous, and the puple cam togidere eftsoone, so that thei miyten not ete breed.

stylus

Jeremiah 29:14, Jeremiah 29:14, Malachi 3:12, Malachi 3:12, Isaiah 56:5

21And whanne his kynnysmen hadden herd, thei wenten out `to holde him; for thei seiden, that he is turned in to woodnesse.

stylus

22And the scribis that camen doun fro Jerusalem, seiden, That he hath Belsabub, and that in the prince of deuelis he castith out fendis.

stylus

23And he clepide hem togidir, and he seide to hem in parablis, Hou may Sathanas caste out Sathanas?

stylus

24And if a rewme be departid ayens it silf, thilke rewme may not stonde.

stylus

25And if an hous be disparpoilid on it silf, thilke hous may not stonde.

stylus

26And if Sathanas hath risun ayens hym silf, he is departid, and he schal not mowe stonde, but hath an ende.

stylus

27No man may go in to a stronge mannus hous, and take awey hise vessels, but he bynde first the stronge man, and thanne he schal spoile his hous.

stylus

28Treuli Y seie to you, that alle synnes and blasfemyes, bi whiche thei han blasfemed, schulen be foryouun to the sones of men.

stylus

29But he that blasfemeth ayens the Hooli Goost, hath not remissioun in to with outen ende, but he schal be gilty of euerlastynge trespas.

stylus

30For thei seiden, He hath an vnclene spirit.

stylus

31And his modir and britheren camen, and thei stoden withoutforth, and senten to hym, and clepiden hym.

stylus

32And the puple sat aboute hym; and thei seien to hym, Lo! thi modir and thi britheren with outforth seken thee.

stylus

33And he answeride to hem, and seide, Who is my modir and my britheren?

stylus

34And he bihelde thilke that saten aboute hym, and seide, Lo! my modir and my britheren.

stylus

35For who that doith the wille of God, he is my brothir, and my sistir, and modir.

stylus