1And eft he entride in to Cafarnaum, aftir eiyte daies.

stylus

Joel 1:14, Joel 1:14, 2 Chronicles 20:4, 2 Chronicles 20:4, Nehemiah 8:1

2And it was herd, that he was in an hous, and many camen to gidir, so that thei miyten not be in the hous, ne at the yate. And he spak to hem the word.

stylus

Hosea 13:3, Nahum 1:6, Psalms 1:4, Isaiah 17:13, Lamentations 4:11

3And there camen to hym men that brouyten a man sijk in palesie, which was borun of foure.

stylus

Amos 5:14, Amos 5:15, Amos 5:14, Amos 5:15, Isaiah 26:20

4And whanne thei myyten not brynge hym to Jhesu for the puple, thei vnhileden the roof where he was, and openede it, and thei leten doun the bed in which the sijk man in palesie laye.

stylus

Zechariah 9:5, Zechariah 9:7, Zechariah 9:5, Zechariah 9:7, Jeremiah 47:1

5And whanne Jhesus hadde seyn the feith of hem, he seide to the sijk man in palesie, Sone, thi synnes ben foryouun to thee.

stylus

Ezekiel 25:16, Ezekiel 25:16, Jeremiah 47:7, Jeremiah 47:7, Joshua 13:3

6But there weren summe of the scribis sittynge, and thenkynge in her hertis,

stylus

Isaiah 17:2, Ezekiel 25:5, Zephaniah 2:14, Zephaniah 2:15, Isaiah 5:17

7What spekith he thus? He blasfemeth; who may foryyue synnes, but God aloone?

stylus

Ezekiel 39:25, Exodus 4:31, Zephaniah 3:20, Micah 5:3, Micah 5:8

8And whanne Jhesus hadde knowe this bi the Hooli Goost, that thei thouyten so with ynne hem silf, he seith to hem, What thenken ye these thingis in youre hertis?

stylus

Amos 1:13, Amos 1:13, Psalms 83:4, Psalms 83:7, Ezekiel 25:3

9What is liyter to seie to the sijk man in palesie, Synnes ben foryouun to thee, or to seie, Ryse, take thi bed, and walke?

stylus

Isaiah 15:1, Isaiah 15:9, Isaiah 15:1, Isaiah 15:9, Isaiah 11:14

10But that ye wite that mannus sone hath power in erthe to foryyue synnes, he seide to the sijk man in palesie, Y seie to thee,

stylus

Isaiah 16:6, Isaiah 16:6, Jeremiah 48:29, Jeremiah 48:29, Zephaniah 2:8

11ryse vp, take thi bed, and go in to thin hous.

stylus

Zechariah 13:2, Zechariah 13:2, Zechariah 2:11, Genesis 10:5, Psalms 138:4

12And anoon he roos vp, and whanne he hadde take the bed, he wente bifor alle men, so that alle men wondriden, and onoureden God, and seiden, For we seien neuer so.

stylus

Ezekiel 30:4, Ezekiel 30:9, Ezekiel 30:4, Ezekiel 30:9, Isaiah 18:1

13And he wente out eftsoone to the see, and al the puple cam to hym; and he tauyte hem.

stylus

Nahum 3:7, Nahum 3:7, Nahum 1:1, Isaiah 10:16, Nahum 3:18

14And whanne he passide, he saiy Leuy `of Alfei sittynge at the tolbothe, and he seide to hym, Sue me. And he roos, and suede hym.

stylus

Isaiah 13:19, Isaiah 13:22, Amos 9:1, Isaiah 34:11, Isaiah 34:17

15And it was doon, whanne he sat at the mete in his hous, many pupplicans and synful men saten togidere at the mete with Jhesu and hise disciplis; for there weren many that folewiden hym.

stylus

Ezekiel 28:2, Ezekiel 28:2, Isaiah 47:7, Isaiah 47:8, Isaiah 22:2

16And scribis and Farisees seynge, that he eet with pupplicans and synful men, seiden to hise disciplis, Whi etith and drynkith youre maystir with pupplicans and synneris?

stylus

17Whanne this was herd, Jhesus seide to hem, Hoole men han no nede to a leche, but thei that ben yuel at eese; for Y cam not to clepe iust men, but synneris.

stylus

18And the disciplis of Joon and the Farisees weren fastynge; and thei camen, and seien to hym, Whi fasten the disciplis of Joon, and the Farisees fasten, but thi disciplis fasten not?

stylus

19And Jhesus seide to hem, Whether the sones of sposailis moun faste, as longe as the spouse is with hem? As long tyme as thei haue the spouse with hem, thei moun not faste.

stylus

20But daies schulen come, whanne the spouse schal be takun awei fro hem, and thanne thei schulen faste in tho daies.

stylus

21No man sewith a patche of newe clooth to an elde clooth, ellis he takith awei the newe patche fro the elde, and a more brekyng is maad.

stylus

22And no man puttith newe wyn in to elde botelis, ellis the wyn schal breste the botels, and the wyn schal be sched out, and the botels schulen perische. But newe wyn schal be put into newe botels.

stylus

23And it was doon eftsoones, whanne the Lord walkid in the sabotis bi the cornes, and hise disciplis bigunnen to passe forth, and plucke eeris of the corn.

stylus

24And the Farisees seiden to hym, Lo! what thi disciplis doon in sabotis, that is not leeueful.

stylus

25And he seide to hem, Radden ye neuer what Dauid dide, whanne he hadde nede, and he hungride, and thei that weren with hym?

stylus

26Hou he wente in to the hous of God, vndur Abiathar, prince of prestis, and eete looues of proposicioun, which it was not leeueful to ete, but to preestis aloone, and he yaf to hem that weren with hym.

stylus

27And he seide to hem, The sabat is maad for man, and not a man for the sabat; and so mannus sone is lord also of the sabat.

stylus