1And he biheeld, and saye tho riche men, that casten her yiftis in to the treserie;

stylus

2but he saye also a litil pore widewe castynge twei ferthingis.

stylus

3And he seide, Treuli Y seie to you, that this pore widewe keste more than alle men.

stylus

4For whi alle these of thing that was plenteuouse to hem casten in to the yiftis of God; but this widewe of that thing that failide to hir, caste al hir liflode, that sche hadde.

stylus

5And whanne sum men seiden of the temple, that it was apparailid with gode stoonus and yiftis,

stylus

6he seide, These thingis that ye seen, daies schulen come, in whiche a stoon schal not be left on a stoon, which schal not be destried.

stylus

7And thei axiden hym, and seiden, Comaundour, whanne schulen these thingis be? and what tokne schal be, whanne thei schulen bigynne to be don?

stylus

8And he seide, Se ye, that ye be not disseyued; for many schulen come in my name, seiynge, For Y am, and the tyme schal neiye; therfor nyle ye go aftir hem.

stylus

9And whanne ye schulen here batailis and stryues with ynne, nyle ye be aferd; it bihoueth first these thingis to be don, but not yit anoon is an ende.

stylus

10Thanne he seide to hem, Folk schal rise ayens folk, and rewme ayens rewme;

stylus

11grete mouyngis of erthe schulen be bi placis, and pestilencis, and hungris, and dredis fro heuene, and grete tokenes schulen be.

stylus

12But bifore alle these thingis thei schulen sette her hoondis on you, and schulen pursue, bitakynge in to synagogis and kepyngis, drawynge to kyngis and to iusticis, for my name;

stylus

13but it schal falle to you in to witnessyng.

stylus

14Therfor putte ye in youre hertis, not to thenke bifore, hou ye schulen answere; for Y schal yyue to you mouth and wisdom,

stylus

15to whiche alle youre aduersaries schulen not mowe ayenstonde, and ayenseie.

stylus

16And ye schulen be takun of fadir, and modir, and britheren, and cosyns, and freendis, and bi deeth thei schulen turmente of you;

stylus

17and ye schulen be in haate to alle men for my name.

stylus

18And an heere of youre heed schal not perische;

stylus

19in youre pacience ye schulen welde youre soulis.

stylus

20But whanne ye schulen se Jerusalem ben enuyround with an oost, thanne wite ye, that the desolacioun of it schal neiye.

stylus

21Thanne thei that ben in Judee, fle to the mountans; and thei that ben in the mydil of it, gon awei; and thei that ben in the cuntreis, entre not in to it.

stylus

22For these ben daies of veniaunce, that alle thingis that ben writun, be fulfillid.

stylus

23And wo to hem, that ben with child, and norischen in tho daies; for a greet diseese schal be on the erthe, and wraththe to this puple.

stylus

24And thei schulen falle bi the scharpnesse of swerd, and thei schulen be led prisoneris in to alle folkis; and Jerusalem schal be defoulid of hethene men, til the tymes of naciouns be fulfillid.

stylus

25And tokenes schulen be in the sunne, and the mone, and in the sterris; and in the erthe ouerleiyng of folkis, for confusioun of sown of the see and of floodis;

stylus

26for men schulen wexe drye for drede and abidyng that schulen come to al the world; for vertues of heuenes schulen be mouyd.

stylus

27And thanne thei schulen se mannys sone comynge in a cloude, with greet power and maieste.

stylus

28And whanne these thingis bigynnen to be maad, biholde ye, and reise ye youre heedis, for youre redempcioun neiyeth.

stylus

29And he seide to hem a liknesse, Se ye the fige tre, and alle trees,

stylus

30whanne thei bryngen forth now of hem silf fruyt, ye witen that somer is nyy;

stylus

31so ye, whanne ye seen these thingis to be don, wite ye, that the kyngdom of God is nyy.

stylus

32Treuli Y seie to you, that this generacioun schal not passe, til alle thingis be don.

stylus

33Heuene and erthe schulen passe, but my wordis schulen not passe.

stylus

34But take ye heede to you silf, lest perauenture youre hertis be greuyd with glotony, and drunkenesse, and bisynessis of this lijf, and thilke dai come sodein on you; for as a snare it schal come on alle men,

stylus

35that sitten on the face of al erthe.

stylus

36Therfor wake ye, preiynge in ech tyme, that ye be hadde worthi to fle alle these thingis that ben to come, and to stonde bifor mannus sone.

stylus

37And in daies he was techynge in the temple, but in nyytis he yede out, and dwellide in the mount, that is clepid of Olyuet.

stylus

38And al the puple roos eerli, to come to hym in the temple, and to here hym.

stylus