1And Jhesus `goynge yn, walkide thorou Jericho.

stylus

2And lo! a man, Sache bi name, and this was a prince of pupplicans, and he was riche.

stylus

3And he souyte to se Jhesu, who he was, and he myyte not, for the puple, for he was litil in stature.

stylus

4And he ran bifore, and stiyede in to a sicomoure tree, to se hym; for he was to passe fro thennus.

stylus

5And Jhesus biheld vp, whanne he cam to the place, and saiy hym, and seide to hym, Sache, haste thee, and come doun, for to dai Y mot dwelle in thin hous.

stylus

6And he hiyynge cam doun, and ioiynge resseyuede hym.

stylus

7And whanne alle men sayn, thei grutchiden seiynge, For he hadde turned to a synful man.

stylus

8But Sache stood, and seide to the Lord, Lo! Lord, Y yyue the half of my good to pore men; and if Y haue ony thing defraudid ony man, Y yelde foure so myche.

stylus

9Jhesus seith to hym, For to dai heelthe is maad to this hous, for that he is Abrahams sone;

stylus

10for mannus sone cam to seke, and make saaf that thing that perischide.

stylus

11Whanne thei herden these thingis, he addide, and seide a parable, for that he was nyy Jerusalem, `and for thei gessiden, that anoon the kyngdom of God schulde be schewid.

stylus

12Therfor he seide, A worthi man wente in to a fer cuntre, to take to hym a kyngdom, and to turne ayen.

stylus

13And whanne hise ten seruauntis weren clepid, he yaf to hem ten besauntis; and seide to hem, Chaffare ye, til Y come.

stylus

14But hise citeseyns hatiden hym, and senten a messanger aftir hym, and seiden, We wolen not, that he regne on vs.

stylus

15And it was don, that he turnede ayen, whan he hadde take the kyngdom; and he comaundide hise seruauntis to be clepid, to whiche he hadde yyue monei, to wite, hou myche ech hadde wonne bi chaffaryng.

stylus

16And the firste cam, and seide, Lord, thi besaunt hath wonne ten besauntis.

stylus

17He seide to hym, Wel be, thou good seruaunt; for in litil thing thou hast be trewe, thou schalt be hauynge power on ten citees.

stylus

18And the tother cam, and seide, Lord, thi besaunt hath maad fyue besauntis.

stylus

19And to this he seide, And be thou on fyue citees.

stylus

20And the thridde cam, and seide, Lord, lo! thi besaunt, that Y hadde, put vp in a sudarie.

stylus

21For Y dredde thee, for thou art `a sterne man; thou takist awey that that thou settidist not, and thou repist that that thou hast not sowun.

stylus

22He seith to hym, Wickid seruaunt, of thi mouth Y deme thee. Wistist thou, that Y am `a sterne man, takynge awei that thing that Y settide not, and repyng ethat thing that Y sewe not?

stylus

23and whi hast thou not youun my money to the bord, and Y comynge schulde haue axid it with vsuris?

stylus

24And he seide to men stondynge nyy, Take ye awei fro hym the besaunt, and yyue ye to hym that hath ten beyauntis:

stylus

25And thei seiden to hym, Lord, he hath ten besauntis.

stylus

26And Y seie to you, to ech man that hath, it schal be youun, and he schal encreese; but fro him that hath not, also that thing that he hath, schal be takun of hym.

stylus

27Netheles brynge ye hidur tho myn enemyes, that wolden not that Y regnede on hem, and sle ye bifor me.

stylus

28And whanne these thingis weren seid, he wente bifore, and yede vp to Jerusalem.

stylus

29And it was don, whanne Jhesus cam nyy to Bethfage and Betanye, at the mount, that is clepid of Olyuete, he sente hise twei disciplis, and seide,

stylus

30Go ye in to the castel, that is ayens you; in to which as ye entren, ye schulen fynde a colt of an asse tied, on which neuer man sat; vntye ye hym, and brynge ye to me.

stylus

31And if ony man axe you, whi ye vntien, thus ye schulen seie to hym, For the Lord desirith his werk.

stylus

32And thei that weren sent, wenten forth, and fonden as he seide to hem, a colt stondynge.

stylus

33And whanne thei vntieden the colt, the lordis of hym seiden to hem, What vntien ye the colt?

stylus

34And thei seiden, For the Lord hath nede to hym.

stylus

35And thei ledden hym to Jhesu; and thei castynge her clothis on the colt, setten Jhesu on hym.

stylus

36And whanne he wente, thei strowiden her clothis in the weie.

stylus

37And whanne he cam nyy to the comyng doun of the mount of Olyuete, al the puple that cam doun bygunnen to ioye, and to herie God with greet vois on alle the vertues, that thei hadden sayn,

stylus

38and seiden, Blessid be the king, that cometh in the name of the Lord; pees in heuene, and glorie in hiye thingis.

stylus

39And sum of the Farisees of the puple seiden to hym, Maister, blame thi disciplis.

stylus

40And he seide to hem, Y seie to you, for if these ben stille, stoonus schulen crye.

stylus

41And whanne he neiyede, `he seiy the citee,

stylus

42and wepte on it, and seide, For if thou haddist knowun, thou schuldist wepe also; for in this dai the thingis ben in pees to thee, but now thei ben hid fro thin iyen.

stylus

43But daies schulen come in thee, and thin enemyes schulen enuyroun thee with a pale, and thei schulen go aboute thee, and make thee streit on alle sidis,

stylus

44and caste thee doun to the erthe, and thi sones that ben in thee; and thei schulen not leeue in thee a stoon on a stoon, for thou hast not knowun the tyme of thi visitacioun.

stylus

45And he entride in to the temple, and bigan to caste out men sellynge ther inne and biynge,

stylus

46and seide to hem, It is writun, That myn hous is an hous of preyer, but ye han maad it a den of theues.

stylus

47And he was techynge euerydai in the temple. And the princis of prestis, and the scribis, and the princis of the puple souyten to lese hym;

stylus

48and thei founden not, what thei schulden do to hym, for al the puple was ocupied, and herde hym.

stylus