1But as it was demed hym to schippe into Ytalie, thei bitoken Poul with othere kepers to a centurien, bi name Julius, of the cumpeny of knyytis of the emperoure.

stylus

2And we wenten vp in to the schip of Adrymetis, and bigunnen to seile, and weren borun aboute the placis of Asie, while Aristark of Macedonye, Tessalonycence, dwellide stille with vs.

stylus

3And in the dai suynge, we camen to Sydon; and Julius tretyde curteisli Poul, and suffride to go to frendis, and do his nedis.

stylus

4And whanne we remouede fro thennus, we vndurseiliden to Cipre, for that wyndis weren contrarie.

stylus

5And we seiliden in the see of Silicie and Pamfilie, and camen to Listris, that is Licie.

stylus

6And there the centurien foond a schip of Alisaundre, seilinge in to Ytalie, and puttide vs ouer in to it.

stylus

7And whanne in many daies we seilden slowli, and vnnethe camen ayens Guydum, for the winde lettide vs, we seiliden to Crete, bisidis Salomona.

stylus

8And vnnethe we seilden bisidis, and camen into a place, that is clepid of good hauen, to whom the cite Tessala was niy.

stylus

9And whanne miche time was passid, and whanne seiling thanne was not sikir, for that fasting was passid, Poul coumfortide hem,

stylus

10and seide to hem, Men, Y se that seiling bigynneth to be with wrong and myche harm, not oonli of charge and of the schip, but also of oure lyues.

stylus

11But the centurien bileuede more to the gouernour, and to the lord of the schip, thanne to these thingis that weren seid of Poul.

stylus

12And whanne the hauene was not able to dwelle in wynter, ful many ordeyneden counsel to seile fro thennus, if on ony maner thei miyten come to Fenyce, to dwelle in wynter at the hauene of Crete, which biholdith to Affrik, and to Corum.

stylus

13And whanne the south blew, thei gessiden hem to holde purpos; and whanne thei hadden removed fro Asson, thei seiliden to Crete.

stylus

14And not aftir miche, the wynde Tifonyk, that is clepid north eest, was ayens it.

stylus

15And whanne the schip was rauyschid, and myyte not enforse ayens the wynde, whanne the schip was youun to the blowynges of the wynde, we weren borun with cours into an ile,

stylus

16that is clepid Canda; and vnethe we miyten gete a litil boot.

stylus

17And whanne this was takun vp, thei vsiden helpis, girdinge togidere the schippe; and dredden, lest thei schulden falle into sondi placis. And whanne the vessel was vndur set, so thei weren borun.

stylus

18And for we weren throwun with strong tempest, in the dai suynge thei maden casting out.

stylus

19And the thridde dai with her hoondis thei castiden awei the instrumentis of the schip.

stylus

20And whanne the sunne nether the sterris weren seie bi many daies, and tempest not a litil neiyede, now al the hope of oure helthe was don awei.

stylus

21And whanne myche fasting hadde be, thanne Poul stood in the myddil of hem, and seide, A! men, it bihofte, whanne ye herden me, not to haue take awei the schip fro Crete, and gete this wronge and casting out.

stylus

22And now Y counsel you to be of good coumfort, for los of no persoone of you schal be, outakun of the schip.

stylus

23For an aungel of God, whos Y am, and to whom Y serue, stood niy to me in this niyt, and seide, Poul, drede thou not;

stylus

24it bihoueth thee to stonde bifore the emperour. And lo! God hath youun to thee alle that ben in the schip with thee.

stylus

25For which thing, ye men, be ye of good coumfort; for Y bileue to my God, that so it schal be, as it is seid to me.

stylus

26And it bihoueth vs to come into sum yle.

stylus

27But aftirward that in the fourtenthe dai the niyt cam on vs seilinge in the stony see, aboute mydniyt the schipmen supposiden sum cuntre to appere to hem.

stylus

28And thei kesten doun a plommet, and founden twenti pasis of depnesse. And aftir a litil thei weren departid fro thennus, and foundun fiftene pasis.

stylus

29And thei dredden, lest we schulden haue fallun in to scharp placis; and fro the last parti of the schip thei senten foure ankeris, and desiriden that the dai hadde be come.

stylus

30And whanne the schipmen souyten to fle fro the schip, whanne thei hadden sent a litil boot in to the see, vndur colour as thei schulden bigynne to stretche forth the ankeris fro the formere part of the schip,

stylus

31Poul seide to the centurien and to the knyytis, But these dwellen in the schip, ye moun not be maad saaf.

stylus

32Thanne knyytis kittiden awei the cordis of the litil boot, and suffriden it to falle awei.

stylus

33And whanne the dai was come, Poul preiede alle men to take mete, and seide, The fourtenthe dai this dai ye `abiden, and dwellen fastinge, and taken no thing.

stylus

34Wherfor Y preie you to take mete, for youre helthe; for of noon of you the heer of the heed schal perische.

stylus

35And whanne he hadde seid these thingis, Poul took breed, and dide thankyngis to God in the siyt of alle men; and whanne he hadde brokun, he bigan to eete.

stylus

36And alle weren maad of betere coumfort, and thei token mete.

stylus

37And we weren alle men in the schip, two hundrid seuenti and sexe.

stylus

38And thei weren fillid with mete, and dischargiden the schip, and castiden whete in to the see.

stylus

39And whanne the dai was comun, thei knewen no lond; and thei bihelden an hauene that hadde a watir bank, in to which thei thouyten, if thei miyten, to bringe vp the schip.

stylus

40And whanne thei hadden take vp the ankeris, thei bitoken hem to the see, and slakiden togidir the ioyntours of gouernails. And with a litil seil lift vp, bi blowyng of the wynde thei wenten to the bank.

stylus

41And whanne we felden into a place of grauel gon al aboute with the see, thei hurtliden the schip. And whanne the formere part was fitchid, it dwellide vnmouable, and the last part was brokun of strengthe of the see.

stylus

42And counsel of the kniytis was, to sle men that weren in warde, lest ony schulde ascape, whanne he hadde swymmed out.

stylus

43But the centurien wolde kepe Poul, and forbede it to be don. And he comaundide hem that miyte swymme, to go in to the see, and scape, and go out to the loond.

stylus

44And thei baren summe othere on boordis, summe on tho thingis that weren of the schip. And so it was don, that alle men ascapiden to the lond.

stylus