1And Agrippa seide to Poul, It is suffrid to thee, to speke for thi silf. Thanne Poul helde forth the hoond, and bigan to yelde resoun.

stylus

2Of alle thingis, in whiche Y am accusid of the Jewis, thou king Agrippa, Y gesse me blessid at thee, whanne Y schal defende me this dai;

stylus

3moost for thou knowist alle thingis that ben among Jewis, customes and questiouns. For which thing, Y biseche, here me pacientli.

stylus

4For alle Jewis that bifor knewen me fro the bigynnyng, knewen my lijf fro yongthe; that fro the bigynnyng was in my folc in Jerusalem,

stylus

5if thei wolen bere witnessing, that bi the moost certeyn sect of oure religioun, Y lyuede a Farisee.

stylus

6And now for the hope of repromyssioun, that is maad to oure fadris of God, Y stonde suget in dom;

stylus

7in which hope oure twelue lynagis seruynge niyt and dai hopen to come; of which hope, sir king, Y am accusid of the Jewis.

stylus

8What vnbileueful thing is demed at you, if God reisith deed men?

stylus

9And sotheli Y gesside, that Y ouyte do many contrarie thingis ayens the name of Jhesu Nazarene.

stylus

10Which thing also Y dide in Jerusalem, and Y encloside manye of the seyntis in prisoun, whanne Y hadde take powere of the princis of preestis. And whanne thei weren slayn, Y brouyte the sentence.

stylus

11And bi alle synagogis ofte Y punyschide hem, and constreynede to blasfeme; and more Y wex wood ayens hem, and pursuede in to alien citees.

stylus

12In whiche, the while Y wente to Damask, with power and suffring of princis of preestis,

stylus

13at myddai, in the weie Y say, sir king, that fro heuene liyt schynede aboute me, passing the schynyng of the sunne, and aboute hem that weren togidir with me.

stylus

14And whanne we alle hadden falle doun in to the erthe, Y herde a vois seiynge to me in Ebrew tunge, Saul, Saul, what pursuest thou me? it is hard to thee, to kicke ayens the pricke.

stylus

15And Y seide, Who art thou, Lord? And the Lord seide, Y am Jhesus, whom thou pursuest.

stylus

16But rise vp, and stoond on thi feet. For whi to this thing Y apperide to thee, that Y ordeyne thee mynystre and witnesse of tho thingis that thou hast seyn, and of tho in whiche Y schal schewe to thee.

stylus

17And Y schal delyuere thee fro puplis and folkis, to whiche now Y sende thee,

stylus

18to opene the iyen of hem, that thei ben conuertid fro derknesse to liyt, and fro power of Sathnas to God, that thei take remyssioun of synnes, and part among seyntis, bi feith that is in me.

stylus

19Wherfor, sir kyng Agrippa, Y was not vnbileueful to the heuenli visioun;

stylus

20but Y tolde to hem that been at Damask first, and at Jerusalem, and bi al the cuntre of Judee, and to hethene men, that thei schulden do penaunce, and be conuertid to God, and do worthi werkis of penaunce.

stylus

21For this cause Jewis token me, whanne Y was in the temple, to sle me.

stylus

22But Y was holpun bi the helpe of God in to this dai, and stonde, witnessinge to lesse and to more. And Y seye no thing ellis than whiche thingis the prophetis and Moises spaken that schulen come,

stylus

23if Crist is to suffre, if he is the firste of the ayenrising of deed men, that schal schewe liyt to the puple and to hethene men.

stylus

24Whanne he spak these thingis, and yeldide resoun, Festus seide with greet vois, Poul, thou maddist; many lettris turnen thee to woodnesse.

stylus

25And Poul seide, Y madde not, thou beste Festus, but Y speke out the wordis of treuthe and of sobernesse.

stylus

26For also the king, to whom Y speke stidfastli, woot of these thingis; for Y deme, that no thing of these is hid fro hym; for nether in a cornere was ouyt of these thingis don.

stylus

27Bileuest thou, king Agrippa, `to prophetis? Y woot that thou bileuest.

stylus

28And Agrippa seide to Poul, In litil thing thou counseilist me to be maad a cristen man.

stylus

29And Poul seide, Y desire anentis God, bothe in litil and in greet, not oneli thee, but alle these that heren to dai, to be maad sich as Y am, outakun these boondis.

stylus

30And the kyng roos vp, and the president, and Beronyce, and thei that saten niy to hem.

stylus

31And whanne thei wenten awei, thei spaken togider, and seiden, That this man hath not don ony thing worthi deth, nether boondis.

stylus

32And Agrippa seide to Festus, This man miyt be delyuerid, if he hadde not appelid to the emperour.

stylus