1These ben the folkis whiche the Lord lefte, that in hem he schulde teche Israel, and alle men that knewen not the batels of Cananeis;

stylus

Judges 2:21, Judges 2:22, Judges 2:21, Judges 2:22, Proverbs 17:3

2and that aftirward `the sones of hem schulden lerne to fiyte with enemyes,

stylus

Genesis 3:7, Genesis 2:17, 2 Timothy 2:3, 2 Chronicles 12:8, 1 Corinthians 9:26

3and to haue custom of batel He lefte fyue princes of Filistees, and al Cananei, and the puple of Sidon, and Euey that dwelliden in the hil Liban, fro the hil Baal Hermon `til to the entryng of Emath.

stylus

Joshua 13:3, Joshua 13:3, Joshua 13:5, Joshua 13:5, Joshua 19:28

4And he lefte hem, that in hem he schulde asaie Israel, whethir thei wolden here the `heestis of the Lord, whiche he comaundide to her fadris bi the hond of Moises, ethir nai.

stylus

1 Corinthians 11:19, Judges 2:22, Judges 3:1, 1 Corinthians 11:19, Judges 2:22

5And so the sones of Israel dwelliden in the myddis of Cananei, of Ethei, and of Ammorrei, and of Feresei, and of Euey,

stylus

Exodus 3:8, Genesis 10:15, Genesis 10:18, Psalms 106:34, Psalms 106:38

6and of Jebusey, and weddiden wyues, the douytris of hem; and the sones of Israel yauen her douytris to `the sones of hem, and serueden `the goddis of hem.

stylus

Deuteronomy 7:3, Deuteronomy 7:4, Exodus 34:16, Deuteronomy 7:3, Deuteronomy 7:4

7And the sones of Israel diden yuel in the `siyt of the Lord, and foryaten her Lord God, and serueden Baalym, and Astaroth.

stylus

Exodus 34:13, Exodus 34:13, 2 Kings 23:6, 2 Kings 23:6, 2 Chronicles 33:19

8And the Lord was wrooth ayens Israel, and bitook hem in to the hondis of Cusanrasathaym, kyng of Mesopotanye, and thei serueden hym eiyte yeer.

stylus

Judges 2:14, Judges 2:14, Habakkuk 3:7, Judges 4:9, Habakkuk 3:7

9And thei crieden to the Lord, and he reiside to hem a sauyour, and delyuerede hem, that is, Othonyel, sone of Ceneth, `the lesse brothir of Caleph.

stylus

Judges 3:15, Judges 3:15, Judges 1:13, Judges 1:13, Psalms 22:5

10And the spirit of the Lord was in hym, and he demyde Israel. And he yede out to batel, and the Lord bitook in to hise hondis Cusanrathaym, kyng of Sirie; and Othonyel oppresside hym.

stylus

Judges 14:19, Judges 13:25, Judges 6:34, Judges 14:6, Judges 11:29

11And the lond restide fourti yeer; and Othonyel, sone of Ceneth, diede.

stylus

Judges 8:28, Joshua 11:23, Judges 5:31, Judges 3:30, Judges 8:28

12Forsothe the sones of Israel addiden to do yuel in the `siyt of the Lord; and he coumfortide ayens hem Eglon, the kyng of Moab, for `thei diden yuel in the `siyt of the Lord.

stylus

1 Samuel 12:9, 1 Samuel 12:9, Judges 2:19, Judges 2:19, Isaiah 10:15

13And the Lord couplide to hym the sones of Amon and Amalech; and he yede, and smoot Israel, and hadde in possessioun the citee of Palmes.

stylus

Judges 1:16, Judges 1:16, Deuteronomy 34:3, Deuteronomy 34:3, Psalms 83:6

14And the sones of Israel serueden Eglon, kyng of Moab, eiytene yeer.

stylus

Leviticus 26:23, Leviticus 26:25, Deuteronomy 28:40, Deuteronomy 28:47, Deuteronomy 28:48

15And aftirward thei crieden to the Lord; and he reiside to hem a sauyour, Aioth bi name, the sone of Gera, sone of Gemyny, which Aioth vside euer either hond for the riyt hond. And the sones of Israel senten bi him yiftis, `that is, tribute, to Eglon, kyng of Moab;

stylus

Judges 3:9, Judges 3:9, Psalms 78:34, Psalms 78:34, Judges 20:16

16which Aioth made to hym a swerd keruynge on euer either side, hauynge in the myddis a pomel of the lengthe of the pawm of an hond; and he was gird therwith vndir `the sai, `that is, a knyytis mentil, `in the riyt hipe.

stylus

Song of Solomon 3:8, Judges 3:21, Revelation 1:16, Revelation 2:12, Hebrews 4:12

17And he brouyte yiftis to Eglon, the kyng of Moab; forsothe Eglon was ful fat.

stylus

Jeremiah 5:28, Ezekiel 34:20, Jeremiah 50:11, Psalms 73:19, Job 15:27

18And whanne he hadde youe yiftis to the kyng, he pursuede felowis that camen with hym; and he turnede ayen fro Galgalis,

stylus

19where idolis weren, and he seide to the kyng, A kyng, Y haue a priuei word to thee. And he comaundide silence. And whanne alle men weren goon out, that weren aboute hym, Aioth entride to hym;

stylus

Joshua 4:20, Joshua 4:20, Acts 23:18, Acts 23:19, Judges 3:20

20forsothe he sat aloone in a somer parlour. And Aioth seide, Y haue the word of God to thee.

stylus

Amos 3:15, Jeremiah 10:7, Amos 3:15, Jeremiah 10:7, Judges 3:19

21Which roos anoon fro the trone. And Aioth helde forth the left hond, and took the swerd fro his riyt hype; and he

stylus

Job 20:25, Zechariah 13:3, 2 Corinthians 5:16, 1 Samuel 15:33, Numbers 25:7

22fastnede in to the `wombe of the kyng so strongli, that the pomel, `ether hilte, suede the yrun in the wounde, and was holdun streite `in the thickeste fatnesse with ynne; and he drow not out the swerd, but so as he hadde smyte, he lefte in the bodi; and anoon bi the priuetees of kynde the tordis of the wombe braste out.

stylus

23Forsothe whanne the doris of the parlour weren closid moost diligentli, and fastned with lok,

stylus

24Aioth yede out bi a posterne. And the `seruauntis of the king entriden, not in the parlour, but in the porche, and thei sien the doris of the parlour closid, and seiden, In hap he purgith the wombe in the somer parlour.

stylus

1 Samuel 24:3, 1 Samuel 24:3

25And thei abididen longe, til thei weren aschamed; and thei sien that no man openede, and thei token the keie, and thei openyden, and founden her lord liggynge deed in the erthe.

stylus

26Sotheli while thei weren disturblid, Aioth fledde out, and passide the place of idols, fro whennus he turnede ayen; and he cam in to Seirath.

stylus

27And anoon he sownede with a clarioun in the hil of Effraym; and the sones of Israel camen doun with hym, and he yede in the frount.

stylus

1 Samuel 13:3, Judges 6:34, 1 Samuel 13:3, Judges 6:34, 2 Samuel 20:22

28Which seide to hem, Sue ye me, for the Lord hath bitake oure enemyes, Moabitis, in to oure hondis. And thei camen doun after hym, and ocupieden the forthis of Jordan, that ledde ouer in to Moab.

stylus

Judges 12:5, Judges 12:5, Joshua 2:7, Judges 7:9, Judges 7:15

29And thei suffriden not ony man to passe, but thei smytiden Moabitis in that tyme aboute ten thousande, alle myyti men and stronge; no man of hem myyte ascape.

stylus

Psalms 17:10, Deuteronomy 32:15, Judges 3:17, Job 15:27, Psalms 17:10

30And Moab was maad low in that dai vndur the hond of Israel, and the lond restide fourescoor yeer.

stylus

Judges 3:11, Judges 3:11, Judges 5:31, Judges 5:31

31Aftir hym was Samgar, the sone of Anath, that smoot of Filisteis sixe hundrid men with a schar; and he also defendide Israel.

stylus

Judges 5:6, Judges 5:6, 1 Samuel 17:47, 1 Corinthians 1:17, 1 Samuel 17:50