1Forsothe it was doon, after that Saul was deed, that Dauid turnede ayen fro the sleyng of Amalech, and dwellide twei daies in Sichelech.

stylus

1 Samuel 27:6, 1 Samuel 27:6, 1 Samuel 30:17, 1 Samuel 30:26, 1 Samuel 31:6

2Forsothe in the thridde dai a man apperide, comynge fro the castels of Saul with the cloth to-rent, and his heed spreynt with dust; and as he cam to Dauid, he felde on his face, and worschipide.

stylus

1 Samuel 4:12, 1 Samuel 4:12, 2 Samuel 4:10, 2 Samuel 4:10, 1 Samuel 25:23

3And Dauid seide to hym, Fro whennus comest thou? Which seide to Dauid, Y fledde fro the castels of Israel.

stylus

2 Kings 5:25, Job 1:15, Job 1:19, 2 Kings 5:25, Job 1:15

4And Dauid seide to hym, What is the word which is doon; schewe thou to me. And he seide, The puple fledde fro the batel, and many of the puple felden, and ben deed; but also Saul, and Jonathas, his sonne, perischyden.

stylus

1 Samuel 4:16, 1 Samuel 31:1, 1 Samuel 31:6, 1 Samuel 4:16, 1 Samuel 31:1

5And Dauid seide to the yong man, that telde to hym, Wherof woost thou, that Saul is deed, and Jonathas, his sonne?

stylus

Proverbs 25:2, Proverbs 14:15, Proverbs 25:2, Proverbs 14:15

6And the yong man seide, that telde to hym, Bi hap Y cam in to the hil of Gelboe, and Saul lenyde on his spere; forsothe charis and knyytis neiyiden to hym;

stylus

1 Samuel 28:4, 1 Samuel 28:4, 1 Samuel 6:9, Luke 10:31, 1 Chronicles 10:4

7and he turnede bihynde his bak, `and siy me, and clepide. To whom whanne Y hadde answeride, Y am present; he seide to me, Who art thou?

stylus

2 Samuel 9:6, 1 Samuel 22:12, Isaiah 6:8, Judges 9:54, Isaiah 65:1

8And Y seide to hym, Y am a man of Amalech.

stylus

1 Samuel 30:17, 1 Samuel 30:13, 1 Samuel 30:17, 1 Samuel 30:13, 1 Samuel 30:1

9And he spak to me, Stonde thou on me, and sle me; for angwischis holden me, and yit al my lijf is in me.

stylus

10And Y stood on hym, and Y killide hym; for Y wiste that he myyte not lyue aftir the fallyng; and Y took the diademe, that was in his heed, and the bye fro his arm, and Y brouyte hidur to thee, my lord.

stylus

Judges 9:54, Matthew 7:2, Judges 9:54, Matthew 7:2, 2 Kings 11:12

11Forsothe Dauid took and to-rente hise clothis, and the men that weren with hym;

stylus

2 Samuel 13:31, 2 Samuel 13:31, 2 Samuel 3:31, Genesis 37:29, 2 Samuel 3:31

12and thei weiliden, and wepten, and fastiden `til to euentid, on Saul, and Jonathas, his sone, and on the puple of the Lord, and on the hows of Israel, for thei hadden feld bi swerd.

stylus

Matthew 5:44, Proverbs 24:17, Psalms 35:13, Psalms 35:14, Matthew 5:44

13And Dauid seide to the yong man, that telde to him, Of whennus art thou? And he answeride, Y am the sone of a man comelyng, of a man of Amalech.

stylus

2 Samuel 1:8, 2 Samuel 1:8

14And Dauid seide to him, Whi dreddist thou not to sende thine hond, that thou schuldist sle the crist of the Lord?

stylus

1 Samuel 26:9, 1 Samuel 26:9, Psalms 105:15, 1 Samuel 24:6, 1 Samuel 31:4

15And Dauid clepide oon of hise children, and seide, Go thou, and falle on hym. Which smoot that yong man, and he was deed.

stylus

Job 5:12, 1 Samuel 22:17, 1 Samuel 22:18, Judges 8:20, 2 Samuel 4:10

16And Dauid seide to hym, Thi blood be on thin heed; for thi mouth spak ayens thee, and seide, Y killide the crist of the Lord.

stylus

Matthew 27:25, Matthew 27:25, Luke 19:22, Luke 19:22, Leviticus 20:9

17Forsooth Dauid biweilide sych a weilyng on Saul, and on Jonathas, his sone;

stylus

2 Chronicles 35:25, 2 Chronicles 35:25, 2 Samuel 1:19, 2 Samuel 1:19, Jeremiah 9:17

18and comaundide, that thei schulden teche the sones of Juda weilyng, as it is writun in the Book of Just Men. And Dauid seyde, Israel, biholde thou, for these men that ben deed, woundid on thin hiye placis;

stylus

Joshua 10:13, Joshua 10:13, Genesis 49:8, Deuteronomy 4:10, Genesis 49:8

19the noble men of Israel ben slayn on thin hillis.

stylus

2 Samuel 1:27, 2 Samuel 1:27, Deuteronomy 4:7, Deuteronomy 4:8, 2 Samuel 1:25

20Hou felden stronge men? nyle ye telle in Geth, nether telle ye in the weilottis of Ascolon; lest perauenture the douytris of Filisteis be glad, lest the douytris of vncircumcidid men `be glad.

stylus

Micah 1:10, Micah 1:10, 1 Samuel 18:6, 1 Samuel 18:6, Exodus 15:20

21Hillis of Gelboe, neither dew nethir reyn come on you, nether the feeldis of firste fruytis be; for the scheeld of stronge men was cast awey there, the scheeld of Saul, as `if he were not anoyntid with oile.

stylus

1 Samuel 31:1, 1 Samuel 31:1, Isaiah 21:5, Isaiah 21:5, 1 Samuel 10:1

22Of the blood of slayn men, of the fatnesse of strong men, the arewe of Jonathas yede neuer abak, and the swerd of Saul turnede not ayen void.

stylus

1 Samuel 18:4, 1 Samuel 18:4, Isaiah 34:6, Isaiah 34:7, Isaiah 34:6

23Saul and Jonathas amyable, and fair in her lijf, weren not departid also in deeth; thei weren swiftere than eglis, strongere than liouns.

stylus

Jeremiah 4:13, Jeremiah 4:13, Judges 14:18, Judges 14:18, Proverbs 30:30

24Douytris of Israel, wepe ye on Saul, that clothide you with fyn reed colourid in delicis, that yaf goldun ournementis to youre atyre.

stylus

Isaiah 3:16, Isaiah 3:26, Jeremiah 2:32, 1 Timothy 2:9, 1 Timothy 2:10

25Hou `felden doun stronge men in batel?

stylus

2 Samuel 1:19, 2 Samuel 1:19, 2 Samuel 1:27, 2 Samuel 1:27, Judges 5:18

26Jonathas was slayn in the hiye places. Y make sorewe on thee, my brother Jonathas, ful fair, `and amyable more than the loue of wymmen; as a modir loueth oon aloone sone, so Y louyde thee.

stylus

1 Samuel 20:17, 1 Samuel 20:17, 1 Samuel 23:16, 1 Samuel 20:41, 1 Samuel 18:1

27Hou therfor `felden doun stronge men, and armeris of batel perischide?

stylus

2 Samuel 1:25, 2 Samuel 1:25, 2 Samuel 1:19, 2 Samuel 1:19, 2 Kings 2:12