1`A man was of `Ramathym of Sophym, of the hil of Effraym, and his name was Elchana, the sone of Jeroboam, sone of Elyud, sone of Thau, sone of Suph, of Effraym.

stylus

1 Chronicles 6:25, 1 Chronicles 6:27, 1 Chronicles 6:25, 1 Chronicles 6:27, 1 Chronicles 6:34

2And Helchana hadde twei wyues; the name `to oon was Anna, and the `name of the secounde was Fenenna; and sones weren to Feuenna; forsothe fre children `weren not to Anna.

stylus

Genesis 4:23, Genesis 16:1, Genesis 16:2, Matthew 19:8, Judges 8:30

3And thilke man styede fro his citee in daies ordeyned, to worschipe and offre sacrifice to the Lord of oostis in Silo. Forsothe twei sones of Heli weren there, Ophym and Fynees, preestis of the Lord.

stylus

Luke 2:41, Luke 2:41, Joshua 18:1, Deuteronomy 12:5, Deuteronomy 12:7

4Therfor the dai cam, and Helcana offride, and yaf partis to Fenenna, his wijf, and to alle hise sones and douytris;

stylus

Deuteronomy 12:17, Deuteronomy 12:18, Deuteronomy 12:17, Deuteronomy 12:18, Deuteronomy 16:11

5forsothe he yaf soreufuly o part to Anna, for he louyde Anna; forsothe the Lord hadde closid hir wombe.

stylus

Genesis 30:2, Genesis 30:2, Genesis 29:30, Genesis 29:31, Genesis 29:30

6And hir enemy turmentide `hir, and angwischide greetly, in so myche that sche vpbreidide, that the Lord hadde closid hir wombe.

stylus

Job 6:14, Job 6:14, Job 24:21, Job 24:21, Leviticus 18:18

7And so sche dide `bi alle yeeris, whanne `in tyme comynge ayen, thei stieden in to the hows of the Lord; and so sche terride Anna. Forsothe Anna wepte, and took not mete.

stylus

1 Samuel 2:19, 1 Samuel 2:19

8Therfor Helcana, hir hosebonde, seide to hir, Anna, whi wepist thou, and whi etist thou not, and whi is thin herte turmentid? Whether Y am not betere to thee than ben ten sones?

stylus

Ruth 4:15, Ruth 4:15, Isaiah 54:6, Job 6:14, Isaiah 54:6

9`Sotheli Anna roos, aftir that sche hadde ete and drunke in Silo. `And the while Hely was on his greet seete, bifor the postis of the `hows of the Lord,

stylus

1 Samuel 3:3, 1 Samuel 3:3, Psalms 27:4, Psalms 27:4, 2 Samuel 7:2

10whanne Anna was in bittere soule, sche preyede the Lord, and wepte largeli;

stylus

Job 7:11, Job 7:11, Luke 22:44, Job 10:1, Luke 22:44

11and made a vow, and seide, Lord God of oostis, if thou biholdist, and seest the turment of thi seruauntesse, and hast mynde of me, and foryetis not thin handmayde, and yyuest to thi seruauntesse `a male kynde, Y schal yyue hym to the Lord in alle daies of his lijf, and a rasour schal not stie on his heed.

stylus

Judges 13:5, Judges 13:5, Numbers 6:5, Numbers 6:5, Ecclesiastes 5:4

12Forsothe it was doon, whanne sche multipliede preieris bifor the Lord, that Ely aspiede hir mouth.

stylus

1 Thessalonians 5:17, James 5:16, 1 Thessalonians 5:17, James 5:16, Luke 18:1

13Forsothe Anna spak in hir herte, and oneli hir lippis weren mouyd, and outerly hir vois was not herd. Therfor Hely gesside hir drunkun,

stylus

Romans 8:26, Romans 8:26, Genesis 24:42, Genesis 24:45, Acts 2:13

14and he seide to hyr, Hou longe schalt thou be drunkun? Difye thou a litil the wyn, `bi which thou art moist.

stylus

Job 22:23, Job 11:14, Matthew 7:1, Matthew 7:3, Job 8:2

15Anna answeride, and seide, Nay, my lord, for Y am `a wretchid womman greetli; Y `drank not wyn `and al thing that may make drunkun, but Y schedde out my soule in the `siyt of the Lord;

stylus

Psalms 62:8, Psalms 62:8, Lamentations 2:19, Lamentations 2:19, Psalms 42:4

16gesse thou not thin handmaide as oon of the douytris of Belyal, for of the multitude of my sorewe and morenyng Y spak `til in to present tyme.

stylus

1 Samuel 2:12, 1 Samuel 2:12, Job 10:1, Job 10:2, Matthew 12:34

17Thanne Hely seide to hir, Go thou in pees, and God of Israel yyue to thee the axyng which thou preiedist hym.

stylus

Mark 5:34, Mark 5:34, Psalms 20:3, Psalms 20:5, Judges 18:6

18And sche seide, `Y wolde that thin hondmayde fynde grace in thin iyen. And the womman yede in to hir weie, and eet; and hir cheris weren no more chaungid dyuersly.

stylus

Ruth 2:13, Ruth 2:13, Romans 15:13, Romans 15:13, Ecclesiastes 9:7

19And `thei ryseden eerly, and worschipiden bifore the Lord; and thei turneden ayen, and camen in to hir hows in Ramatha. Forsothe Helchana knew fleischli Anna, his wijf; and the Lord thouyte on hir.

stylus

Genesis 21:1, Genesis 21:1, Genesis 30:22, 1 Samuel 1:11, Genesis 30:22

20And it was doon after the cumpas of daies, Anna conseyuede, and childide a sone, and sche clepide his name Samuel; for sche hadde axid hym of the Lord.

stylus

Genesis 41:51, Genesis 41:52, Genesis 41:51, Genesis 41:52, Matthew 1:21

21Forsothe hir hosebonde Helcana stiede, and al his hows, to offre a solempne sacrifice, and his avow to the Lord.

stylus

1 Samuel 1:3, 1 Samuel 1:3, Deuteronomy 12:11, Deuteronomy 12:11, Joshua 24:15

22And Anna stiede not, for sche hadde seid to hir hosebonde, Y schal not go, til the yonge child be wenyd, and til Y lede hym, and he appere bifor the `siyt of the Lord, and dwelle there contynueli.

stylus

1 Samuel 1:11, 1 Samuel 1:28, 1 Samuel 1:11, 1 Samuel 1:28, Luke 2:22

23And Helcana, hir hosebonde, seide to hir, Do thou that that semeth good to thee, and dwelle thou til thou wene hym; and Y biseche, that the Lord fille his word. Therfor the womman dwellide, and yaf mylk to hir sone, til sche remouyde hym fro mylk.

stylus

2 Samuel 7:25, 2 Samuel 7:25, Matthew 24:19, 1 Samuel 1:17, Luke 11:27

24And sche brouyte hym with hir, aftir that sche hadde wened hym, with thre caluys, and thre buyschelis of mele, and amfore, `ether a pot, of wyn; and sche brouyte hym to the hows of the Lord in Silo. Forsothe the child was yit ful yonge.

stylus

Numbers 15:9, Numbers 15:10, Numbers 15:9, Numbers 15:10, Joshua 18:1

25And thei sacrifieden a calf, and thei offriden the child to Hely.

stylus

Luke 18:15, Luke 18:16, Luke 18:15, Luke 18:16, Luke 2:22

26And Anna seide, My lord, Y biseche, that is, that this child be thi `disciple and seruaunt, thi soule lyueth; Y am that womman, that stood bifor thee here, and preiede the Lord;

stylus

2 Kings 2:2, 2 Kings 2:4, 2 Kings 4:30, 2 Kings 2:6, 2 Kings 2:2

27for this child Y preiede, and the Lord yaf to me myn axyng which Y axide hym;

stylus

1 John 5:15, 1 John 5:15, Psalms 118:5, 1 Samuel 1:11, 1 Samuel 1:13

28therfor Y haue youe hym to the Lord `in alle daies, in whiche he is youun to the Lord. And thei worschypiden there the Lord.

stylus

Genesis 24:26, Genesis 24:26, Genesis 24:52, Genesis 24:52, 2 Timothy 3:15