1And the sones of Israel addiden to do yuel in the `siyt of the Lord, aftir the deeth of Aioth.

stylus

Judges 2:19, Judges 2:20, Leviticus 26:23, Leviticus 26:25, Jeremiah 5:3

2And the Lord bitook hem in to the hondis of Jabyn, kyng of Canaan, that regnede in Asor; and he hadde a duyk of his oost, Sisara bi name; and he dwellide in Aroseth of hethene men.

stylus

Joshua 11:1, Judges 4:13, Judges 4:16, Joshua 11:1, Judges 4:13

3And the sones of Israel crieden to the Lord; for he hadde nyn hundrid yrone charis, keruynge as sithis, and twenti yeer he oppresside hem greetli.

stylus

Judges 1:19, Judges 1:19, Judges 3:9, Psalms 106:42, Judges 3:9

4Forsothe Delbora was a prophetesse, the wijf of Lapidoth, which Delbora demyde the puple in that tyme;

stylus

Exodus 15:20, Luke 2:36, 2 Kings 22:14, Exodus 15:20, Luke 2:36

5and sche sat vndur a palm tree, that was clepid bi her name, bitwixe Rama and Bethel, in the hil of Effraym; and the sones of Israel stieden to hir at ech dom. And sche sente, and clepide Barach, the sone of Abynoen, of Cedes of Neptalym, and sche seide to hym, The Lord God of Israel comaundide to thee, Go thou, and lede an oost in to the hil of Thabor, and thou schalt take with thee ten thousande `of fiyteris of the sones of Neptalym and of the sones of Zabulon.

stylus

Genesis 35:8, Deuteronomy 17:8, Deuteronomy 17:12, Joshua 18:25, 1 Samuel 1:1

7Sotheli Y schal brynge to thee, in the place of the stronde of Cison, Sisara, prince of `the oost of Jabyn, and his charis, and al the multitude; and Y schal bitake hem in thin hond.

stylus

Psalms 83:9, Psalms 83:10, 1 Kings 18:40, Ezekiel 38:10, Ezekiel 38:16

8And Barach seide to hir, If thou comest with me, Y schal go; if thou nylt come with me, Y schal not go.

stylus

Exodus 4:10, Exodus 4:14, Exodus 4:10, Exodus 4:14, Matthew 14:30

9And sche seyde to hym, Sotheli Y schal go with thee; but in this tyme the victorie schal not be arettide to thee; for Sisara schal be bitakun in the hond of a womman. Therfor Delbora roos, and yede with Barach in to Cedes.

stylus

Judges 2:14, 1 Samuel 2:30, Judges 4:17, Judges 4:22, Judges 5:24

10And whanne Zabulon and Neptalym weren clepid, he stiede with ten thousynde of fiyteris, and hadde Delbora in his felouschipe.

stylus

Judges 5:18, Judges 5:18, Judges 5:15, Judges 5:15, Judges 4:14

11Forsothe Aber of Cyneth hadde departid sum tyme fro othere Cyneys hise britheren, sones of Obab, `alie of Moises; and he hadde set forth tabernaclis `til to the valei, which is clepid Sennym, and was bisidis Cedes.

stylus

Judges 1:16, Joshua 19:33, Numbers 10:29, Judges 1:16, Joshua 19:33

12And it was teld to Sisara, that Barach, sone of Abynoen, hadde stiede in to the hil of Thabor.

stylus

Joshua 19:34, Psalms 89:12, Jeremiah 46:18, Joshua 19:12, Joshua 19:34

13And he gaderide nyn hundrid yronne charis, keruynge as sithis, and al the oost fro Aroseth of hethene men to the stronde of Cison.

stylus

Judges 4:2, Judges 4:3, Judges 4:2, Judges 4:3, Judges 4:7

14And Delbora seide to Barach, Rise thou, for this is the day, in which the Lord bitook Sisara in to thin hondis; lo! the Lord is thi ledere. And so Barach cam doun fro the hil of Thabor, and ten thousynde of fyyteris with hym.

stylus

2 Samuel 5:24, Deuteronomy 9:3, 2 Samuel 5:24, Deuteronomy 9:3, Isaiah 52:12

15And the Lord made aferd Sisara, and alle `the charis of hym, and al the multitude, bi the scharpnesse of swerd, at the siyt of Barach, in so myche that Sisara lippide doun of the chare, and fledde `a foote. And Barach pursuede the charis fleynge and the oost `til to Aroseth of hethene men; and al the multitude of enemyes felde doun `til to deeth.

stylus

Joshua 10:10, Joshua 10:10, Psalms 83:9, Psalms 83:10, Psalms 83:9

17Sotheli Sisara fledde, and cam to the tente of Jahel, the wijf of Aber Cyney; forsothe pees waas bitwixe Jabyn, kyng of Asor, and bitwixe the hows of Aber Cyney.

stylus

Isaiah 57:21, Psalms 69:22, Isaiah 57:21, Psalms 69:22, Psalms 37:35

18Therfor Jahel yede out in to the comyng of Sisara, and seide to hym, My lord, entre thou to me, entre thou to me; drede thou not. And he entride in to `the tabernacle of hir, and was hilid of hir with a mentil.

stylus

2 Kings 6:19, 2 Kings 6:19

19And he seide to hir, Y biseche, yyue `thou to me a litil of watir, for Y thirste greetli. And sche openyde a `botel of mylk, and yaf to hym to drynke, and hilide hym.

stylus

Judges 5:25, Judges 5:26, Judges 5:25, Judges 5:26, Genesis 24:43

20And Sisara seide to hir, Stonde thou bifor the dore of the tabernacle, and whanne ony man cometh, and axith thee, and seith, Whether ony man is here? thou schalt answere, No man is here.

stylus

2 Samuel 17:20, Joshua 2:3, Joshua 2:5, 2 Samuel 17:20, Joshua 2:3

21And so Jahel, the wijf of Aber, took a nayl of the tabernacle, and sche took also an hamer; and sche entride pryueli, and puttide with silence the nail on the temple of his heed, and sche fastnede the nail smytun with the hamer in to the brayn, `til to the erthe; and he slepte, and diede to gidere, and failide, and was deed.

stylus

Judges 5:26, Judges 5:27, Judges 5:26, Judges 5:27, Psalms 3:7

22And lo! Barach suede Sisara, `and cam; and Jahel yede out in to his comyng, and seide to hym, Come, and Y schal schewe to thee the man, whom thou sekist. And whanne he hadde entrid to hir, he siy Sisara liggynge deed, and a nail fastnede in to hise templis.

stylus

2 Samuel 17:10, 2 Samuel 17:15, 2 Samuel 17:10, 2 Samuel 17:15, 2 Samuel 17:3

23Therfor in that day God `made low Jabyn, the kyng of Canaan, bifor the sones of Israel; whiche encresiden ech dai, and with strong hond oppressiden Jabyn, the kyng of Canaan, til thei diden hym awey.

stylus

Psalms 18:47, Nehemiah 9:24, Psalms 18:47, Nehemiah 9:24, 1 Corinthians 15:28