1Forsothe whanne myche tyme was passid after that the Lord had youe pees to Israel, for alle naciouns `in cumpas weren suget; and whanne Josue was thanne of long lijf, and `of ful eld age, Josue clepide al Israel,

stylus

Joshua 13:1, Joshua 13:1, Joshua 21:44, Joshua 21:44, Joshua 11:23

2and the grettere men in birthe, and the princes, and dukis, and maistris, and seide to hem, Y `wexide elde, and Y am of grettere age;

stylus

Joshua 24:1, Joshua 24:1, 1 Chronicles 28:1, Deuteronomy 31:28, 1 Chronicles 28:1

3and ye seen alle thingis whiche youre Lord God hath do to alle naciouns `bi cumpas, hou he fauyt for you.

stylus

Exodus 14:14, Exodus 14:14, Joshua 10:14, Joshua 10:42, Joshua 10:14

4And now for he departide to you bi lot al the lond, fro the eest part of Jordan `til to the grete see, and many naciouns ben left yit,

stylus

Joshua 13:2, Joshua 18:10, Joshua 13:6, Joshua 13:7, Joshua 13:2

5youre Lord God `schal distrie hem, and schal take awei fro youre face; and ye schulen welde the lond, as he bihiyte to you.

stylus

Joshua 13:6, Exodus 33:2, Exodus 34:11, Deuteronomy 11:23, Joshua 13:6

6Oneli be ye coumfortid, and be ye bisy, that ye kepe alle thingis that ben writun in the book of Moises lawe, and bowe not awei fro tho, nether to the riyt side nether to the left side,

stylus

Deuteronomy 28:14, Deuteronomy 5:32, Deuteronomy 28:14, Deuteronomy 5:32, Hebrews 12:4

7lest aftir that ye han entrid to the hethene men, that schulen be among you, ye swere in the name of `the goddis of hem, and ye serue tho goddis, and worschipe hem.

stylus

Exodus 23:13, Exodus 23:13, Jeremiah 5:7, Deuteronomy 7:2, Deuteronomy 7:3

8But cleue ye to youre Lord God, which thing ye han do `til in to this dai;

stylus

Deuteronomy 10:20, Deuteronomy 10:20, Joshua 22:5, Joshua 22:5, Deuteronomy 13:4

9and thanne the Lord God schal do awei in youre siyt grete folkis, and strongeste; and noon schal mow ayenstonde you.

stylus

Joshua 1:5, Joshua 1:5, Deuteronomy 11:23, Deuteronomy 11:23, Exodus 23:30

10Oon of you schal pursue a thousynde men of enemyes, for youre Lord God schal fiyte for you, as he bihiyte.

stylus

Deuteronomy 32:30, Deuteronomy 32:30, Leviticus 26:8, Leviticus 26:8, Deuteronomy 3:22

11Be ye war bifore moost diligentli of this thing oneli, that ye loue youre Lord God.

stylus

Joshua 22:5, Joshua 22:5, Deuteronomy 6:5, Deuteronomy 6:12, Deuteronomy 6:5

12That if ye wolen cleue to the errouris of these folkis that dwellen among you, and wolen medle mariagis with hem, and couple frenschipis,

stylus

Deuteronomy 7:3, Deuteronomy 7:3, Zephaniah 1:6, Ezekiel 18:24, Zephaniah 1:6

13wite ye riyt now, that `youre Lord God schal not do awei hem bifor youre face, but thei schulen be to you in to a dich, and a snare, and in to hirtyng of youre side, and in to stakis in youre iyen, til youre Lord God take awei you, and distrie fro this beste loond, which he yaf to you.

stylus

Deuteronomy 7:16, Numbers 33:55, Deuteronomy 7:16, Numbers 33:55, Exodus 23:33

14Lo! Y entre to dai in to the weye of al erthe; and ye schulen knowe `with al soule, that of al wordis whiche the Lord bihiyte hym silf to yyue to you, not oon passide in veyn.

stylus

Luke 21:33, Luke 21:33, 1 Kings 2:2, 1 Kings 2:2, Leviticus 26:3

15Therfor as he fillide in werk that, that he bihiyte, and alle thingis bifelden `bi prosperite, so he schal brynge on you whateuer thing of yuelis he manaasside, til he take awei you, and distrie fro this beste lond, which he yaf to you.

stylus

Deuteronomy 28:15, Deuteronomy 28:68, Deuteronomy 28:15, Deuteronomy 28:68, 1 Thessalonians 2:16

16For ye braken the couenaunt of `youre Lord God, which he made with you, and serueden alien goddis, and worschipeden hem, sone and swiftli the strong veniaunce of the Lord schal rise `on to you; and ye schulen be takun awei fro this beste lond, which he yaf to you.

stylus

2 Kings 24:20, Deuteronomy 4:25, Deuteronomy 4:26, 2 Kings 24:20, Deuteronomy 4:25