1In the same tyme Josue clepide men of Ruben, and men of Gad, and half the lynage of Manasses,

stylus

Numbers 32:18, Numbers 32:33, Numbers 32:18, Numbers 32:33, Deuteronomy 29:7

2and seide to hem, Ye han do alle thingis whiche Moises, `seruaunt of the Lord, comaundide to you, also ye obeieden to me in alle thingis;

stylus

Joshua 1:12, Joshua 1:18, Joshua 1:12, Joshua 1:18, Numbers 32:20

3nether ye han lefte youre britheren in mych tyme til in to present dai, and ye kepten the comaundement of youre Lord God.

stylus

Philippians 1:23, Philippians 1:27, Philippians 1:23, Philippians 1:27

4Therfor for youre Lord God yaf reste and pees to youre britheren, as he bihiyte, turne ye ayen, and go ye in to youre tabernaclis, and in to the loond of youre possessioun, which lond Moyses, the `seruaunt of the Lord, yaf to you biyende Jordan;

stylus

Numbers 32:18, Joshua 13:8, Numbers 32:18, Joshua 13:8, Deuteronomy 3:20

5so onely that ye kepe bisili, and fille in werk the comaundement and lawe, `which lawe Moises, the `seruaunt of the Lord, comaundide to you; that ye loue youre Lord God, and go in alle hise weies, and kepe hise heestis, and cleue to hym and serue him in al youre herte, and in al youre soule.

stylus

Matthew 22:37, Matthew 22:37, Exodus 20:6, Exodus 20:6, Romans 8:28

6And Josue blesside hem, and lefte hem, whiche turneden ayen in to her tabernaclis.

stylus

Joshua 14:13, Joshua 14:13, Luke 24:50, Luke 24:50, Exodus 39:43

7Sotheli Moyses hadde youe possessioun in Basan to the half lynage of Manasses; and therfor to the half lynage that lefte Josue yaf part among her othere britheren biyendis Jordan, at the west coost therof. And whanne Josue leet hem go in to her tabernaclis, and hadde blessid hem,

stylus

Joshua 17:1, Joshua 17:12, Joshua 17:1, Joshua 17:12, Numbers 32:33

8he seyde to hem, With myche catel and richessis turne ye ayen to youre seetis; with siluer and gold, and bras, and yrun, and myche clothing; departe ye the prey of enemyes with youre britheren.

stylus

Numbers 31:27, Numbers 31:27, Deuteronomy 8:17, Deuteronomy 8:18, Deuteronomy 8:9

9And the sones of Ruben, and the sones of Gad, and `half the lynage of Manasses turneden ayen, and yeden fro the sones of Israel fro Silo, which is set in the lond of Canaan, that thei schulden entre in to Galaad, the lond of her possessioun, which thei gaten bi `comaundement of the Lord in the hond of Moises.

stylus

Numbers 32:26, Numbers 32:29, Numbers 32:26, Numbers 32:29, Numbers 32:1

10And whanne thei hadden come to the litle hillis of Jordan, in to the lond of Canaan, thei bildiden bisidis Jordan an auter of greetnesse ouer comyn mesure.

stylus

Genesis 31:46, Genesis 31:52, Genesis 28:18, Joshua 4:5, Joshua 4:9

11And whanne the sones of Israel hadden herd this, and certeyn messangeris hadden teld to hem, that the sones of Ruben, and of Gad, and the half lynage of Manasses hadden bildid an auter in the lond of Canaan, on the heepis of Jordan, ayens the sones of Israel,

stylus

Deuteronomy 13:12, Deuteronomy 13:14, Deuteronomy 13:12, Deuteronomy 13:14, John 1:28

12alle camen togidir in Silo, that thei schulden stie, and fiyte ayens hem.

stylus

Romans 10:2, Judges 20:1, Judges 20:11, Deuteronomy 13:15, Galatians 4:17

13And in the meene tyme thei senten to hem in to the lond of Galaad, Fynees, preest,

stylus

Numbers 25:7, Numbers 25:7, Psalms 106:30, Psalms 106:31, Judges 20:28

14the sone of Eleazar, and ten princes with hym; of ech lynage o prince.

stylus

Numbers 1:4, Numbers 1:4, Exodus 18:25, Exodus 18:25

15Whiche camen to the sones of Ruben, and of Gad, and of the half lynage of Manasses, in to the lond of Galaad, and seiden to hem,

stylus

Ezra 9:15, Psalms 78:8, Joshua 22:18, 2 Chronicles 10:19, 2 Chronicles 25:27

16Al the puple of the Lord sendith these thingis; What is this trespassyng? Whi han ye forsake the Lord God of Israel, and han bildid a cursid auter, and han go awei fro the worschiping of hym?

stylus

Deuteronomy 12:13, Deuteronomy 12:14, Deuteronomy 12:13, Deuteronomy 12:14

17Whether it is litil to you that ye synneden in Belfegor, and the wem of this trespas dwellith in you til in to present dai, and many of the puple felden doun?

stylus

Psalms 106:28, Psalms 106:29, Psalms 106:28, Psalms 106:29, Numbers 25:1

18And to day ye han forsake the Lord, and to morewe, that is, in tyme to comynge, the ire of hym schal be feers ayens al Israel.

stylus

Numbers 16:22, Numbers 16:22, Joshua 22:16, Joshua 22:16, 1 Kings 9:6

19That if ye gessen, that the lond of youre possessioun is vncleene, passe to the lond, `in which the tabernacle of the Lord is, and dwelle ye among vs, oneli that ye go not awei fro the Lord, and fro oure felouschipe, bi an auter bildid outakun the auter of oure Lord God.

stylus

Joshua 18:1, Joshua 18:1, 2 Chronicles 11:13, Exodus 15:17, Acts 10:14

20Whether not Achar, the sone of Zare, passide the comaundement of the Lord, and his ire felde on al the puple of Israel? And he was o man; and we wolden that he aloone hadde perischid in his trespas.

stylus

Joshua 7:1, Joshua 7:1, Joshua 7:5, Joshua 7:5, Joshua 7:18

21And the sones of Ruben, and of Gad, and of half the lynage of Manasses, answeriden to the princes of the message of Israel,

stylus

Proverbs 15:1, Exodus 18:21, Exodus 18:25, 1 Peter 3:15, Proverbs 16:1

22The strongeste Lord God hym silf of Israel knowith, and Israel schal vndirstonde togidere; if we bildiden this auter for entent of trespassyng, `that is, of ydolatrye, he kepe not vs, but punysche in present time;

stylus

1 Kings 8:39, 1 Kings 8:39, Deuteronomy 10:17, Psalms 44:21, Deuteronomy 10:17

23and if we diden bi that mynde, that we schulden putte theronne brent sacrifice, and sacrifice, and pesible sacrifices, he seke, and deme;

stylus

1 Samuel 20:16, Deuteronomy 18:19, 1 Samuel 20:16, Deuteronomy 18:19, 2 Chronicles 24:22

24and not more `bi that thouyt and tretyng that we seiden, Youre sones schulen seie `to morew to oure sones, What is to you and to the Lord God of Israel? Ye sones of Ruben,

stylus

Joshua 4:6, Joshua 4:6, Genesis 18:19, Genesis 30:33, Exodus 13:14

25and ye sones of Gad, the Lord hath set a terme, the flood Jordan, bitwixe vs and you; and therfor ye han not part in the Lord; and bi this occasioun youre sones schulen turne awei oure sones fro the drede of the Lord. Therfor we gessiden betere,

stylus

1 Kings 12:27, 1 Kings 12:30, 1 Kings 15:30, Joshua 22:27, 1 Kings 14:16

26and seiden, Bilde we an auter to vs, not in to brent sacrifices, nethir to sacrifices to be offrid,

stylus

27but in to witnessyng bitwixe vs and you, and bitwixe oure children and youre generacioun, that we serue the Lord, and that it be of oure riyt to offre brent sacrifices, and sacrifices, and pesible sacrifices; and that youre sones seie not to morewe to oure sones, No part in the Lord is to you.

stylus

Joshua 24:27, Joshua 24:27, Genesis 31:48, Genesis 31:48, Deuteronomy 12:17

28And if `youre sones wolen seie this, `oure sones schulen answere hem, Lo! the auter of the Lord, which oure fadris maden, not in to brent sacrifices, nether in to sacrifice, but in to oure and your witnessing euerlastinge.

stylus

Exodus 25:40, Ezekiel 43:10, Ezekiel 43:11, Hebrews 8:5, Exodus 25:40

29Fer be this trespas fro vs, that we go awei fro the Lord, and forsake hise steppis, bi an auter bildid to brent sacrifices, and sacrifices, and sacrifices of preisyng to be offrid, outakun the auter of oure `Lord God, which is bildid bifore his tabernacle.

stylus

Deuteronomy 12:13, Deuteronomy 12:14, Joshua 24:16, Deuteronomy 12:13, Deuteronomy 12:14

30And whanne these thingis weren herd, Fynees, preest, and the princes of message of Israel, that weren with hym, weren plesyd; and thei resseyueden gladli the wordis of the sones of Ruben, and of Gad, and of the half lynage of Manasses.

stylus

Joshua 22:33, Joshua 22:33, Acts 11:18, 1 Samuel 25:32, 1 Samuel 25:33

31And Finees, preest, the sone of Eleazar, seide to hem, Now we wyten, that the Lord is with you; for ye ben alien fro this trespassyng, and ye han delyuered the sones of Israel fro the hond, `that is, punyschyng, of the Lord.

stylus

Leviticus 26:11, Leviticus 26:12, 2 Chronicles 15:2, Leviticus 26:11, Leviticus 26:12

32And Fynees turnede ayen with the princes fro the sones of Ruben and of Gad, fro the lond of Galaad to the coost of Canaan, to the sones of Israel; and he telde to hem.

stylus

Proverbs 25:13, Joshua 22:12, Joshua 22:14, Proverbs 25:13, Joshua 22:12

33And the word pleside to alle men herynge; and the sones of Israel preisiden God, and seiden, that no more `thei schulden stie ayens hem, and fiyte, and do awei the lond of her possessioun.

stylus

1 Chronicles 29:20, Luke 2:28, Daniel 2:19, 1 Chronicles 29:20, Luke 2:28

34And the sones of Ruben and the sones of Gad clepiden the auter, which thei hadden bildid, Oure Witnessyng, that the Lord hym silf is God.

stylus

Joshua 22:27, Joshua 22:27, Isaiah 43:10, Matthew 4:10, Isaiah 43:10