1And Josue gaderide alle the lynagis of Israel in to Sechem; and he clepide the grettere men in birthe, and the princes, and iugis, and maistris; and thei stoden in the siyt of the Lord.

stylus

Joshua 23:2, Joshua 23:2, 1 Samuel 10:19, 1 Samuel 10:19, Acts 10:33

2And he spak thus to the puple, The Lord God of Israel seith these thingis, Youre fadris dwelliden at the bigynnyng biyende the flood Eufrates, Thare, the fadir of Abraham, and Nachor, and thei serueden alien goddis.

stylus

Genesis 31:30, Joshua 24:15, Genesis 31:30, Joshua 24:15, Genesis 31:32

3Therfor Y took youre fadir Abraham fro the coostis of Mesopotanye, and Y brouyte hym in to the lond of Canaan; and Y multipliede `the seed of hym,

stylus

Genesis 12:1, Genesis 12:4, Genesis 12:1, Genesis 12:4, Genesis 21:2

4and Y yaf Isaac to hym; and eft Y yaf to Isaac, Jacob, and Esau, of whiche Y yaf to Esau the hil of Seir, to `haue in possessioun; forsothe Jacob and hise sones yeden doun in to Egipt.

stylus

Genesis 36:8, Deuteronomy 2:5, Genesis 36:8, Deuteronomy 2:5, Acts 7:15

5And Y sente Moises and Aaron, and Y smoot Egipt with many signes and wondris,

stylus

Exodus 3:10, Exodus 3:10, Exodus 7:1, Exodus 7:12, Exodus 7:1

6and Y ledde you and youre fadris out of Egipt. And ye camen to the see, and Egipcians pursueden youre fadris with charis, and multitude of knyytis, `til to the Reed See.

stylus

Nehemiah 9:11, Exodus 12:51, Hebrews 11:29, Exodus 14:1, Exodus 14:15

7Forsothe the sones of Israel crieden to the Lord, and he settide derknessis bitwixe you and Egipcians; and he brouyte the see on hem, and hilide hem. Youre iyen sien alle thingis, whiche Y dide in Egipt. And ye dwelliden in wildirnesse in myche tyme.

stylus

Exodus 14:10, Exodus 14:20, Deuteronomy 4:34, Exodus 14:10, Exodus 14:20

8And Y brouyte you in to the lond of Ammorrei, that dwellide biyende Jordan; and whanne thei fouyten ayens you, Y bitook hem in to youre hondis, and ye hadden in possessioun `the lond of hem, and ye killiden hem.

stylus

Numbers 21:21, Numbers 21:35, Numbers 21:21, Numbers 21:35, Psalms 135:10

9Sotheli Balach, the sone of Sephor, the king of Moab, roos, and fauyt ayens Israel; and he sente, and clepide Balaam, the sone of Beor, that he schulde curse you.

stylus

Judges 11:25, Numbers 22:2, Micah 6:5, Judges 11:25, Numbers 22:2

10And Y nolde here hym, but ayenward bi hym Y blesside you, and delyuerede you fro hise hondis.

stylus

Numbers 22:11, Numbers 22:12, Numbers 23:3, Numbers 23:12, Deuteronomy 23:5

11And ye passiden Jordan, and camen to Jerico; and men of that citee fouyten ayens you, Ammorrei, and Feresei, and Cananei, Ethei, and Gergesei, and Euei, and Jebusei; and Y bitook hem in to youre hondis.

stylus

Joshua 3:14, Joshua 3:17, Joshua 4:10, Joshua 4:12, Joshua 3:14

12And Y sente flies with venemouse tongis bifor you, and Y castide hem out of her places; Y kyllide twei kyngis of Ammorreis, not in thi swerd and bowe.

stylus

Deuteronomy 7:20, Exodus 23:28, Deuteronomy 7:20, Exodus 23:28, Psalms 44:3

13And Y yaf to you the lond in which ye traueiliden not, and citees whiche ye bildiden not, that ye schulden dwelle in tho, and vyneris, and places of olyue trees, whiche ye plauntiden not.

stylus

Deuteronomy 6:10, Deuteronomy 6:12, Deuteronomy 6:10, Deuteronomy 6:12, Deuteronomy 8:7

14Now therfor drede ye the Lord, and serue ye hym with perfite herte and moost trewe; and do ye awei the goddis, to whiche youre fadris seruyden in Mesopotanye, and in Egipt; and serue ye the Lord.

stylus

1 Samuel 12:24, 1 Samuel 12:24, Deuteronomy 10:12, Deuteronomy 10:12, Genesis 35:2

15But if it semeth yuel to you, `that ye serue the Lord, chesyng is youun to you; chese ye to you to dai that, that plesith, whom ye owen most to serue; whether to goddis, whiche youre fadris serueden in Mesopotanye, whether to the goddis of Ammorreis, in whose lond ye dwellen; forsothe Y, and myn hows schulen serue the Lord.

stylus

1 Kings 18:21, 1 Kings 18:21, John 6:67, John 6:68, John 6:67

16And al the puple answeride and seide, Fer be it fro vs that we forsake the Lord, and serue alien goddis.

stylus

Hebrews 10:38, Hebrews 10:39, Hebrews 10:38, Hebrews 10:39, 1 Samuel 12:23

17`Oure Lord God hym silf ledde vs and oure fadris out of the lond of Egipt, fro the hows of seruage, and dide grete signes in oure siyt; and he kepte vs in al the weie, bi which we yeden, and in alle puplis, bi whiche we passiden; and he castide out alle folkis,

stylus

Exodus 19:4, Exodus 19:4, Deuteronomy 32:11, Deuteronomy 32:12, Isaiah 46:4

18Ammorrei, the dwellere of the lond, in to which we entriden. Therfor we schulen serue the Lord, for he is `oure Lord God.

stylus

Micah 4:2, Luke 1:73, Luke 1:75, Exodus 10:2, Exodus 15:2

19And Josue seide to the puple, Ye moun not serue the Lord; for God is hooli, and a strong feruent louyere, and he foryyueth not youre trespassis and synnes.

stylus

Isaiah 5:16, Exodus 23:21, Isaiah 5:16, Exodus 23:21, Psalms 99:5

20If ye forsaken the Lord, and seruen alien goddis, the Lord schal turne `hym silf, and schal turment you, and schal distrie, after that he hath youe goodis to you.

stylus

Hebrews 10:26, Hebrews 10:27, Hebrews 10:26, Hebrews 10:27, Acts 7:42

21And the puple seide to Josue, It schal not be so, as thou spekist, but we schulen serue the Lord.

stylus

Exodus 19:8, Deuteronomy 5:27, Deuteronomy 5:28, Isaiah 44:5, Exodus 20:19

22And Josue seide to the puple, Ye ben witnessis, that ye han chose the Lord to you, that ye serue him. And thei answeriden, We ben witnessis.

stylus

Psalms 119:173, Psalms 119:173, Psalms 119:11, Psalms 119:11, Job 15:6

23Therfor, he seide, Now do ye awei alien goddis fro the myddis of you, and bowe ye youre hertis to the Lord God of Israel.

stylus

2 Corinthians 6:16, 2 Corinthians 6:18, Joshua 24:14, 2 Corinthians 6:16, 2 Corinthians 6:18

24And the puple seide to Josue, We schulen serue `oure Lord God, and we schulen be obedient to hise heestis.

stylus

Exodus 24:7, Exodus 24:7, Exodus 24:3, Exodus 24:3, Deuteronomy 5:27

25Therfor Josue smoot a boond of pees in that dai, and settide forth to the puple comaundementis and domes in Sichen.

stylus

Exodus 15:25, Exodus 15:25, 2 Chronicles 23:16, 2 Kings 11:17, Nehemiah 9:38

26And he wroot alle these wordis in the book of Goddis lawe. And he took a greet stoon, and puttide it vndur an ook, that was in the seyntuarie of the Lord.

stylus

Judges 9:6, Judges 9:6, Genesis 35:4, Genesis 35:4, Deuteronomy 31:24

27And he seide to al the puple, Lo! this stoon schal be to you in to witnessing, that ye herden alle the wordis of the Lord, whiche he spak to you, lest perauenture ye wolden denye aftirward, and lye to youre Lord God.

stylus

Luke 19:40, Luke 19:40, Joshua 22:34, Joshua 22:34, Matthew 10:33

28And he lefte the puple, ech man in to his possessioun.

stylus

Judges 2:6, Judges 2:6

29And after these thingis Josue, the sone of Nun, the `seruaunt of the Lord, diede, an hundride yeer eld and ten.

stylus

Judges 2:8, Judges 2:8, 2 Timothy 4:7, 2 Timothy 4:8, Revelation 14:13

30And thei birieden hym in the costis of his possessioun, in Thannath of Sare, which is set in the hil of Effraym, fro the north part of the hil Gaas.

stylus

Joshua 19:50, Joshua 19:50, 2 Samuel 23:30, Judges 2:9, 2 Samuel 23:30

31And Israel seruede the Lord in alle the daies of Josue, and of the eldre men, that lyueden in long tyme aftir Josue, and whiche eldre men knewen alle the werkis of the Lord, whiche he hadde do in Israel.

stylus

Deuteronomy 31:13, Judges 2:7, Deuteronomy 31:13, Judges 2:7, Deuteronomy 31:29

32Also `the sones of Israel birieden the boonys of Joseph, whiche thei baren fro Egipt in Sichen, in the part of the feeld, which feeld Jacob bouyte of the sones of Emor, fadir of Sichen, for an hundrid yonge scheep; and it was in to possessioun of the sones of Joseph.

stylus

Genesis 50:25, Genesis 33:19, Genesis 50:25, Genesis 33:19, Exodus 13:19

33Also Eliazar, sone of Aaron, preest, diede; and Fynees and hise sones biryden hym in Gabaa, which was youun to hym in the hil of Efraym.

stylus

Exodus 6:25, Joshua 22:13, Exodus 6:25, Joshua 22:13, Isaiah 57:1