1Preestis, here ye this, and the hous of Israel, perseyue ye, and the hous of the kyng, herkne ye; for whi doom is to you, for ye ben maad a snare to lokyng afer, and as a net spred abrood on Thabor.

stylus

Genesis 18:23, Genesis 18:32, Genesis 18:23, Genesis 18:32, Ezekiel 22:30

2And ye bowiden doun sacrifices in to depthe; and Y am the lernere of alle hem.

stylus

Titus 1:16, Titus 1:16, Jeremiah 4:2, Jeremiah 4:2, Isaiah 48:1

3Y knowe Effraym, and Israel is not hid fro me; for now Effraym dide fornicacioun, Israel is defoulid.

stylus

Jeremiah 2:30, Jeremiah 7:28, Jeremiah 2:30, Jeremiah 7:28, 2 Chronicles 16:9

4Thei schulen not yiue her thouytis, that thei turne ayen to her God; for the spirit of fornicacioun is in the myddis of hem, and thei knewen not the Lord.

stylus

Jeremiah 8:7, Hosea 4:6, Jeremiah 8:7, Hosea 4:6, Matthew 11:5

5And the boost of Israel schal answere in to the face therof, and Israel and Effraym schulen falle in her wickidnesse; also Judas schal falle with hem.

stylus

Jeremiah 2:20, Jeremiah 2:20, James 2:5, James 2:7, James 2:5

6In her flockis, and in her droues thei schulen go to seke the Lord, and thei schulen not fynde; he is takun awei fro hem.

stylus

Jeremiah 4:7, Zephaniah 3:3, Habakkuk 1:8, Jeremiah 4:7, Zephaniah 3:3

7Thei trespassiden ayens the Lord, for thei gendriden alien sones; now the monethe schal deuoure hem with her partis.

stylus

Galatians 4:8, Galatians 4:8, Joshua 23:7, Deuteronomy 32:21, Jeremiah 2:11

8Sowne ye with a clarioun in Gabaa, with a trumpe in Rama; yelle ye in Bethauen, after thi bak, Beniamyn.

stylus

Jeremiah 13:27, Jeremiah 13:27, Ezekiel 22:11, Ezekiel 22:11, Genesis 39:9

9Effraym schal be in to desolacioun, in the dai of amendyng, and in the lynagis of Israel Y schewide feith.

stylus

Jeremiah 9:9, Jeremiah 9:9, Jeremiah 5:29, Jeremiah 5:29, Ezekiel 5:13

10The princes of Juda ben maad as takynge terme; Y schal schede out on hem my wraththe as watir.

stylus

Jeremiah 4:27, Jeremiah 4:27, Psalms 78:61, Psalms 78:62, Matthew 22:7

11Effraym suffrith fals chalenge, and is brokun bi doom; for he bigan to go after filthis.

stylus

Jeremiah 3:20, Jeremiah 3:20, Isaiah 48:8, Isaiah 48:8, Hosea 6:7

12And Y am as a mouyte to Effraym, and as rot to the hous of Juda.

stylus

2 Chronicles 36:16, 2 Chronicles 36:16, Deuteronomy 29:19, 1 Samuel 6:9, Isaiah 28:14

13And Effraym siy his sikenesse, and Judas siy his boond. And Effraym yede to Assur, and sente to the kyng veniere. And he mai not saue you, nether he mai vnbynde the boond fro you.

stylus

Jeremiah 14:15, Jeremiah 14:15, Jeremiah 14:13, Job 8:2, Jeremiah 14:13

14For Y am as a lionesse to Effraym, and as a whelp of a lioun to the hous of Juda.

stylus

Jeremiah 23:29, Jeremiah 1:9, Jeremiah 23:29, Jeremiah 1:9, Hosea 6:5

15Y my silf schal take, and go, and take awei, and noon is that schal delyuere. I schal go, and turne ayen to my place, til ye failen, and seken my face.

stylus

Deuteronomy 28:49, Deuteronomy 28:49, Jeremiah 4:16, Jeremiah 4:16, Isaiah 5:26