1The word of the Lord is this, that was maad to Joel, the sone of Phatuel.

stylus

Ezra 4:20, 1 Kings 4:21, Isaiah 3:26, Ezra 4:20, 1 Kings 4:21

2Elde men, here ye this, and alle dwelleris of the lond, perseyue ye with eeris. If this thing was don in youre daies, ether in the daies of youre fadris.

stylus

Psalms 6:6, Psalms 6:6, Micah 7:5, Micah 7:5, Lamentations 1:16

3Of this thing telle ye to your sones, and your sones telle to her sones, and the sones of hem telle to another generacioun.

stylus

Deuteronomy 28:64, Deuteronomy 28:67, Lamentations 2:9, Deuteronomy 28:64, Deuteronomy 28:67

4A locuste eet the residue of a worte worm, and a bruke eet the residue of a locuste, and rust eet the residue of a bruke.

stylus

Joel 1:8, Joel 1:13, Jeremiah 9:11, Joel 1:8, Joel 1:13

5Drunken men, wake ye, and wepe; and yelle ye, alle that drynken wyn in swetnesse; for it perischide fro youre mouth.

stylus

Ezekiel 8:17, Ezekiel 8:18, Deuteronomy 32:15, Deuteronomy 32:27, Ezekiel 9:9

6For whi a folc strong and vnnoumbrable stiede on my lond. The teeth therof ben as the teeth of a lioun, and the cheek teeth therof ben as of a whelp of a lioun.

stylus

Ezekiel 24:25, Ezekiel 24:25, Jeremiah 14:5, Jeremiah 14:6, Jeremiah 52:7

7It settide my vyner in to desert, and took awei the riynde of my fige tre. It made nakid and spuylide that vyner, and castide forth; the braunchis therof ben maad white.

stylus

Psalms 79:4, Psalms 79:4, Deuteronomy 4:34, Deuteronomy 4:37, Psalms 77:5

8Weile thou, as a virgyn gird with a sak on the hosebonde of hir tyme of mariage.

stylus

Lamentations 1:20, Lamentations 1:22, Isaiah 59:2, Isaiah 59:13, Lamentations 1:20

9Sacrifice and moist sacrifice perischide fro the hous of the Lord; and preestis, the mynystris of the Lord, moureneden.

stylus

Deuteronomy 32:29, Deuteronomy 32:29, Isaiah 47:7, Isaiah 47:7, Psalms 25:18

10The cuntrey is maad bare of puple. The erthe mourenyde; for whete is distried. Wyn is schent, and oile was sijk, ether failide.

stylus

Deuteronomy 23:3, Deuteronomy 23:3, Jeremiah 51:51, Jeremiah 51:51, Psalms 74:4

11The erthe tilieris ben schent, the vyn tilieris yelliden on wheete and barli; for the ripe corn of the feeld is perischid.

stylus

Jeremiah 52:6, Jeremiah 52:6, Jeremiah 38:9, Jeremiah 38:9, Lamentations 2:12

12The vyner is schent; and the fige tre was sijk. The pomgarnate tre, and the palm tre, and the fir tre, and alle trees of the feeld drieden vp; for ioie is schent fro the sones of men.

stylus

Luke 23:28, Luke 23:31, Daniel 9:12, Luke 23:28, Luke 23:31

13Ye prestis, girde you, and weile; ye mynystris of the auter, yelle. Mynystris of my God, entre ye, ligge ye in sak; for whi sacrifice and moist sacrifice perischide fro the hous of youre God.

stylus

Job 30:30, Habakkuk 3:16, Job 30:30, Habakkuk 3:16, Job 19:6

14Halewe ye fastyng, clepe ye cumpeny, gadere ye togidere elde men, and alle dwelleris of the erthe in to the hous of youre God; and crie ye to the Lord, A!

stylus

Isaiah 47:6, Deuteronomy 28:48, Isaiah 47:6, Deuteronomy 28:48, Jeremiah 28:14

15A! A! to the dai; for the dai of the Lord is niy, and schal come as a tempest fro the myyti.

stylus

Isaiah 63:3, Isaiah 28:18, Malachi 4:3, Isaiah 63:3, Isaiah 28:18

16Whether foodis perischiden not bifore youre iyen; gladnesse and ful out ioie perischide fro the hous of youre God?

stylus

Lamentations 1:2, Lamentations 1:2, Lamentations 2:18, Lamentations 3:48, Lamentations 3:49

17Beestis wexen rotun in her drit. Bernes ben distried, celeris ben distried, for wheete is schent.

stylus

Isaiah 1:15, Jeremiah 4:31, Isaiah 1:15, Jeremiah 4:31, Lamentations 1:9

18Whi weilide a beeste? whi lowiden the flockis of oxun and kien? for no lesewe is to hem; but also the flockis of scheep perischiden.

stylus

Psalms 119:75, 1 Samuel 12:14, 1 Samuel 12:15, Zephaniah 3:5, Psalms 119:75

19Lord, Y schal crye to thee, for fier eet the faire thingis of desert, and flawme brente all the trees of the cuntrei.

stylus

Lamentations 2:20, Lamentations 1:2, Lamentations 1:11, Lamentations 2:20, Lamentations 1:2

20But also beestis of the feeld, as a corn floor thirstynge reyn, bihelden to thee; for the wellis of watris ben dried vp, and fier deuouride the faire thingis of desert.

stylus

Lamentations 2:11, Lamentations 2:11, Deuteronomy 32:25, Isaiah 16:11, Ezekiel 7:15