1The word of the Lord, which was maad to `Mychee of Morasti, in the daies of Joathan, Achas, Ezechie, kyngis of Juda; which word he sai on Samarie, and Jerusalem.

stylus

Romans 9:25, Romans 9:25, Micah 1:1, Micah 1:1, Isaiah 1:1

2Here ye, alle puplis, and the erthe perseyue, and plentee therof, and be the Lord God to you in to a witnesse, the Lord fro his hooli temple.

stylus

Hosea 2:4, Hosea 2:5, Hosea 3:1, Hosea 2:4, Hosea 2:5

3For lo! the Lord schal go out of his place, and schal come doun, and schal trede on hiy thingis of erthe.

stylus

Isaiah 8:1, Isaiah 8:3, Isaiah 8:1, Isaiah 8:3

4And mounteyns schulen be waastid vndur hym, and valeis schulen be kit, as wex fro the face of fier, as watirs that rennen in to a pit.

stylus

2 Kings 10:7, 2 Kings 10:8, 2 Kings 10:7, 2 Kings 10:8, 2 Kings 10:10

5In the grete trespas of Jacob is al this thing, and in the synnes of the hous of Israel. Which is the greet trespas of Jacob? whether not Samarie? and whiche ben the hiy thingis of Juda? whether not Jerusalem?

stylus

Joshua 17:16, Judges 6:33, Joshua 17:16, Judges 6:33, 2 Kings 15:29

6And Y schal put Samarie as an heep of stoonys in the feeld, whanne a vynyerd is plauntid; and Y schal drawe awei the stoonys therof in to a valei, and Y schal schewe the foundementis therof.

stylus

1 Peter 2:10, Hosea 2:23, 1 Peter 2:10, Hosea 2:23, Hosea 2:4

7And alle `grauun ymagis therof schulen be betun togidere, and alle hiris therof schulen be brent in fier; and Y schal putte alle idols therof in to perdicioun; for of hiris of an hoore tho ben gaderid, and `til to hire of an hoore tho schulen turne ayen.

stylus

Zechariah 4:6, Zechariah 4:6, Isaiah 12:2, Isaiah 12:2, 2 Kings 19:35

8On this thing Y schal weile and yelle, Y schal go spuylid and nakid; Y schal make weilyng of dragouns, and mournyng as of ostrigis.

stylus

9For wounde therof is dispeirid; for it cam til to Juda, it touchide the yate of my puple, til to Jerusalem.

stylus

Jeremiah 15:1, Jeremiah 15:1

10In Geth nyle ye telle, bi teeris wepe ye not; in the hous of dust with dust togidere sprynge you.

stylus

2 Corinthians 6:18, 2 Corinthians 6:18, Galatians 4:6, Galatians 4:7, Galatians 4:6

11And ye a fair dwellyng passe, which is confoundid with yuel fame; it is not goon out, which dwellith in the goyng out; a niy hous schal take of you weilyng, which stood to it silf.

stylus

Jeremiah 50:4, Jeremiah 50:5, Isaiah 11:12, Isaiah 11:13, Hosea 3:5

12For it is maad sijk to good, which dwellith in bitternessis. For yuel cam doun fro the Lord in to the yate of Jerusalem, noise of foure horsid cart,

stylus

13of drede to the puple dwellynge at Lachis. It is the bigynnyng of synne of the douyter of Sion, for the grete trespassis of Israel ben foundun in thee.

stylus

14Therfor he schal yyue werriours on the eritage of Geth, on housis of leesyng in to deseit to kyngis of Israel.

stylus

15Yit Y schal brynge an eir to thee, that dwellist in Maresa; the glorie of Israel schal come til to Odolla.

stylus

16Be thou maad ballid, and be thou clippid on the sones of thi delices; alarge thi ballidnesse as an egle, for thei ben lad caitif fro thee.

stylus