1Visioun of Abdias. The Lord God seith these thingis to Edom. We herden an heryng of the Lord, and he sente a messanger to hethene men. Rise ye, and togidere rise we ayens hym in to batel.

stylus

Ezekiel 11:24, Matthew 3:16, Revelation 19:11, Acts 7:56, Ezekiel 11:24

2Lo! Y yaf thee litil in hethene men, thou art ful myche `worthi to be dispisid.

stylus

2 Kings 24:12, 2 Kings 24:15, 2 Kings 24:12, 2 Kings 24:15, Ezekiel 20:1

3The pride of thin herte enhaunside thee, dwellynge in crasyngis of stoonys, areisynge thi seete. Whiche seist in thin herte, Who schal drawe me doun in to erthe?

stylus

Ezekiel 3:22, Ezekiel 3:14, Ezekiel 3:22, Ezekiel 3:14, 1 Kings 18:46

4Thouy thou schalt be reisid as an egle, and thouy thou schalt putte thi nest among sterris, fro thennus Y schal drawe thee doun, seith the Lord.

stylus

Ezekiel 1:27, Ezekiel 1:27, Jeremiah 23:19, Ezekiel 8:2, Jeremiah 23:19

5If niyt theuys hadden entrid to thee, if outlawis bi niyt, hou schuldist thou haue be stille? whether thei schulden not haue stole thingis ynow to hem? If gadereris of grapis hadden entrid to thee, whether thei schulden haue left nameli clustris to thee?

stylus

Revelation 4:6, Revelation 4:8, Revelation 4:6, Revelation 4:8, Ezekiel 1:26

6Hou souyten thei Esau, serchiden the hid thingis of him?

stylus

Ezekiel 10:14, Ezekiel 10:14, 1 Kings 6:24, 1 Kings 6:27, Ezekiel 1:15

7Til to the termes thei senten out thee; and alle men of thi couenaunt of pees scorneden thee, men of thi pees wexiden stronge ayens thee; thei that schulen ete with thee, schulen put aspies, ether tresouns, vndur thee; ther is no prudence in hym.

stylus

Revelation 1:15, Revelation 1:15, Daniel 10:6, Daniel 10:6, Ezekiel 1:13

8Whether not in that dai, seith the Lord, Y schal lese the wise men of Idumee, and prudence of the mount of Esau?

stylus

Ezekiel 10:21, Ezekiel 10:21, Ezekiel 10:18, Ezekiel 8:3, Ezekiel 10:11

9And thi stronge men schulen drede of myddai, that a man of the hil of Esau perische.

stylus

Ezekiel 10:22, Ezekiel 10:22, Luke 9:51, Ezekiel 1:11, Ezekiel 1:12

10For sleyng and for wickidnesse ayens thi brother Jacob, confusioun schal hile thee, and thou schalt perische with outen ende.

stylus

Ezekiel 10:14, Ezekiel 10:14, Revelation 4:7, Revelation 4:7, 1 Corinthians 9:9

11In the dai whanne thou stodist ayens hym, whanne aliens token the oost of hym, and straungeris entriden the yatis of hym, and senten lot on Jerusalem, thou were also as oon of hem.

stylus

Isaiah 6:2, Isaiah 6:2, Ezekiel 1:23, Ezekiel 1:23, Ezekiel 10:16

12And thou schalt not dispise in the dai of thi brother, in the dai of his pilgrimage, and thou schalt not be glad on the sones of Juda, in the dai of perdicioun of hem; and thou schalt not magnefie thi mouth in the dai of angwisch,

stylus

Ezekiel 1:9, Ezekiel 1:9, Ezekiel 10:22, Ezekiel 1:20, Ezekiel 1:21

13nether schalt entre in to the yate of my puple, in the dai of fallyng of hem; and thou schalt not dispise in the yuels of hym, in the dai of his distriyng; and thou schalt not be sent out ayens his oost, in the day of his distriyng;

stylus

Psalms 104:4, Revelation 4:5, Psalms 104:4, Revelation 4:5, Genesis 15:17

14nether thou schalt stonde in the goynges out, that thou sle hem that fledden; and thou schalt not close togidere the residues, ether left men, of hym, in the day of tribulacioun,

stylus

Zechariah 4:10, Matthew 24:27, Zechariah 4:10, Matthew 24:27, Daniel 9:21

15for the dai of the Lord is niy on alle `hethene men. As thou hast doon, it schal be doon to thee; he schal conuerte thi yeldyng in to thin heed.

stylus

Daniel 7:9, Ezekiel 10:9, Daniel 7:9, Ezekiel 10:9, Ezekiel 1:6

16For as ye drunken on myn hooli hil, alle hethene men schulen drynke bisili, and thei schulen drynke, and schulen soupe vp; and thei schulen be as if thei ben not.

stylus

Daniel 10:6, Daniel 10:6, Ezekiel 10:9, Ezekiel 10:11, Ezekiel 10:9

17And saluacioun schal be in the hil of Sion, and it schal be hooli; and the hous of Jacob schal welde hem whiche weldiden hem.

stylus

Ezekiel 1:9, Ezekiel 1:9, Ezekiel 1:12, Ezekiel 1:12, Ezekiel 10:1

18And the hous of Jacob schal be fier, and the hous of Joseph schal be flawme, and the hous of Esau schal be stobil; and `thei schulen be kyndlid in hem, and thei schulen deuoure hem; and relifs schulen not be of the hous of Esau, for the Lord spak.

stylus

Ezekiel 10:12, Ezekiel 10:12, Revelation 4:6, Revelation 4:8, Revelation 4:6

19And these that ben at the south, schulen enherite the hil of Esau; and thei that ben in the lowe feeldis, schulen enherite Filistiym; and thei schulen welde the cuntrei of Effraym, and cuntrei of Samarie; and Beniamyn schal welde Galaad.

stylus

Ezekiel 10:16, Ezekiel 10:16, Ezekiel 10:19, Psalms 103:20, Ezekiel 10:19

20And ouerpassyng of this oost of sones of Israel schal welde alle places of Cananeis, til to Sarepta; and the transmygracioun of Jerusalem, that is in Bosphoro, schal welde citees of the south.

stylus

Ezekiel 1:12, Ezekiel 1:12, Ezekiel 10:17, Ezekiel 10:17, 1 Corinthians 14:32

21And sauyours schulen stie in to the hil of Sion, for to deme the hil of Esau, and a rewme schal be to the Lord.

stylus

Ezekiel 10:17, Ezekiel 10:17, Ezekiel 1:19, Ezekiel 1:20, Ezekiel 1:19