1And now, thou Israel, here the comaundementis and domes whiche Y teche thee, that thou do tho, and lyue, and that thow entre and welde the lond which the Lord God of youre fadris schal yyue to you.

stylus

Romans 10:5, Romans 10:5, Deuteronomy 8:1, Deuteronomy 8:1, Ezekiel 20:11

2Ye schulen not adde to the word which Y speke to you , nether ye schulen take awei `fro it; kepe ye the comaundementis of youre Lord God, which Y comaunde to you.

stylus

Deuteronomy 12:32, Deuteronomy 12:32, Proverbs 30:6, Proverbs 30:6, Revelation 22:18

3Youre iyen sien alle thingis whiche the Lord dide ayens Belphegor; how he alto brak alle the worschiperis `of hym fro the myddis of you.

stylus

Numbers 25:1, Numbers 25:9, Numbers 25:1, Numbers 25:9, Psalms 106:28

4Forsothe ye that cleuen to youre Lord God lyuen alle `til in to present day.

stylus

Deuteronomy 10:20, John 6:67, John 6:69, Deuteronomy 10:20, John 6:67

5Ye witen that Y tauyte you the comaundementis and riytfulnessis, as my Lord God comaundide to me; so ye schulen do tho in the lond whiche ye schulen welde,

stylus

1 Thessalonians 4:1, 1 Thessalonians 4:2, Matthew 28:20, 1 Thessalonians 4:1, 1 Thessalonians 4:2

6and ye schulen kepe, and schulen fille in werk. For this is youre wisdom and vndurstondyng bifor puplis, that alle men here these comaundementis, and seie, Lo! a wise puple and vnderstondynge! a greet folk!

stylus

Job 28:28, Job 28:28, Psalms 111:10, Psalms 111:10, 2 Timothy 3:15

7Noon other nacioun is so greet, `not in noumbre ether in bodili quantite, but in dignite, that hath Goddis neiyynge to it silf, as oure God is redi to alle oure bisechyngis.

stylus

Psalms 145:18, Psalms 145:18, Psalms 34:18, Psalms 34:18, Psalms 73:28

8For whi what other folk is so noble, that it hath cerymonyes and iust domes, and al the lawe which Y schal `sette forth to dai bifor youre iyen?

stylus

Psalms 147:19, Psalms 147:20, Psalms 147:19, Psalms 147:20, Romans 7:12

9Therfor kepe thi silf, and thi soule bisili; foryete thou not the wordis whiche thin iyen sien, and falle tho not doun fro thin herte, in alle the daies of thi lijf. Thou schalt teche tho thi sones and thi sones sones.

stylus

Deuteronomy 6:7, Deuteronomy 6:7, Deuteronomy 11:19, Deuteronomy 11:19, Psalms 78:3

10Telle thou the day in which thou stodist bifor thi Lord God in Oreb, whanne the Lord spak to me, and seide, Gadere thou the puple to me, that it here my wordis, and lerne for to drede me in al tyme in which it lyueth in erthe, and teche hise sones.

stylus

Exodus 19:9, Exodus 19:9, Deuteronomy 17:19, Hebrews 12:18, Hebrews 12:19

11And ye neiyiden to the `roote of the hille, that brente `til to heuene; and derknessis, and cloude, and myist weren therynne.

stylus

Deuteronomy 5:23, Deuteronomy 5:23, Exodus 19:16, Exodus 19:18, Hebrews 12:18

12And the Lord spak to you fro the myddis of fier; ye herden the vois of hise wordis, and outirli ye sien no fourme.

stylus

Deuteronomy 5:4, Deuteronomy 5:22, Deuteronomy 4:15, Deuteronomy 5:4, Deuteronomy 5:22

13And he schewide to you his couenaunt, which he comaundide, that ye schulden do, and `he schewide ten wordis, whiche he wroot in two tablis of stoon.

stylus

Exodus 34:28, Exodus 34:28, Exodus 24:12, Exodus 31:18, Exodus 24:12

14And he comaundide to me in that tyme, that Y schulde teche you cerymonyes and domes, whiche ye owen to do in the lond whiche ye schulen welde.

stylus

Psalms 105:44, Psalms 105:45, Ezekiel 21:1, Ezekiel 21:23, Psalms 105:44

15Therfor kepe ye bisili youre soulis; ye sien not ony licnesse in the dai in which the Lord spak to you in Oreb, fro the myddis of the fier;

stylus

Isaiah 40:18, Isaiah 40:18, 1 Chronicles 28:9, 1 Chronicles 28:10, Deuteronomy 4:12

16lest perauenture ye be disseyued and make to you a grauun licnesse, ether an ymage of male, ether of female;

stylus

Acts 17:29, Acts 17:29, Romans 1:22, Romans 1:24, Deuteronomy 4:23

17a licnesse of alle beestis that ben on erthe, ether of bridis fleynge vndur heuene,

stylus

Romans 1:23, Romans 1:23

18and of crepynge beestis that ben moued in erthe, ether of fischis that dwellen vndur the erthe in watris; lest perauenture,

stylus

19whanne thin iyen ben reisid to heuene, thou se the sonne, and moone, and alle the sterris of heuene, and be disseyued bi errour, and worschipe tho, `bi outermer reuerence, and onour, `bi ynner reuerence, `tho thingis whiche thi Lord God made of nouyt, in to seruyce to alle folkis that ben vndur heuene.

stylus

Romans 1:25, Romans 1:25, Deuteronomy 17:3, Deuteronomy 17:3, 2 Kings 21:3

20Forsothe the Lord took you, and ledde out of the yrun furneys of Egipt, that he schulde haue a puple of eritage , as it is in `present dai.

stylus

1 Kings 8:51, 1 Kings 8:51, Jeremiah 11:4, Jeremiah 11:4, Deuteronomy 9:29

21And the Lord was wrooth ayens me for youre wordis, and swoor that Y schulde not passe Jordan, and schulde not entre in to the beeste lond, which he schal yyue to you.

stylus

Deuteronomy 1:37, Numbers 20:12, Deuteronomy 1:37, Numbers 20:12, Psalms 106:32

22Lo! Y die in this erthe; Y schal not passe Jordan; ye schulen passe, and schulen welde the noble lond.

stylus

Deuteronomy 3:25, Deuteronomy 3:25, Deuteronomy 3:27, Deuteronomy 3:27, Hebrews 12:6

23Be thou war, lest ony tyme thou foryete the couenaunt of thi Lord God, which he made with thee, and lest thou make to thee a grauun licness of tho thingis whiche the Lord forbeed to make.

stylus

Deuteronomy 4:9, Deuteronomy 4:9, Matthew 24:4, Deuteronomy 29:25, Ezekiel 16:59

24For thi Lord God is fier wastynge ; `God, a feruent louyere.

stylus

Hebrews 12:29, Hebrews 12:29, Nahum 1:6, Nahum 1:6, Deuteronomy 9:3

25If ye gendren sones, and sones of sones, and ye dwellen in the lond, and ye be disceyued, and make to you ony licnesse, and doen yuel bifor youre Lord God, that ye terren hym to greet wrathe,

stylus

Deuteronomy 4:16, Deuteronomy 4:16, Hosea 9:9, 1 Corinthians 10:22, Hosea 9:9

26Y clepe witnesses to dai heuene and erthe, `that is, ech resonable creature beynge in heuene and in erthe, that ye schulen perische soone fro the lond, which ye schulen welde, whanne ye han passid Jordan; ye schulen not dwelle long tyme therynne, but the Lord schal do awey you,

stylus

Deuteronomy 32:1, Deuteronomy 32:1, Micah 6:2, Micah 6:2, Jeremiah 2:12

27and schal scatere `in to alle hethen men, and ye schulen leeue fewe among naciouns, to whiche the Lord schal lede you.

stylus

Deuteronomy 28:62, Deuteronomy 28:64, Deuteronomy 28:62, Deuteronomy 28:64, Leviticus 26:33

28And there ye schulen serue to goddis, that ben maad bi `the hond of men, to a tre and a stoon, that `seen not, nether heren, nether eten, nether smellen.

stylus

Deuteronomy 28:64, Deuteronomy 28:64, Jeremiah 16:13, Jeremiah 16:13, Deuteronomy 28:36

29And whanne thou hast souyt there thi Lord God, thou schalt fynde hym; if netheles thou sekist with al the herte, and with al the tribulacioun of thi soule.

stylus

Psalms 119:2, Jeremiah 29:12, Jeremiah 29:14, Psalms 119:2, Jeremiah 29:12

30Aftir that alle thingis han founde thee, that ben biforseid , forsothe in the laste tyme, thou schalt turne ayen to thi Lord God, and thou schalt here his vois.

stylus

Joel 2:12, Joel 2:13, Joel 2:12, Joel 2:13, Jeremiah 23:20

31For thi Lord God is merciful God; he schal not forsake thee, nethir he schal do awey outirli, nethir he schal foryete the couenaunt, in which he swoor to thi fadris.

stylus

Psalms 116:5, Deuteronomy 31:8, Psalms 116:5, Deuteronomy 31:8, Jonah 4:2

32Axe thou of elde daies that weren bifor thee, fro the day in which thi Lord God made of nouyt man on erthe, axe thou fro that oon ende of heuene `til to the tother ende therof , if sich a thing was doon ony tyme, ether if it was euere knowun,

stylus

Job 8:8, Job 8:8, Deuteronomy 32:7, Psalms 44:1, Matthew 24:31

33that a puple herde the vois of God spekynge fro the myddis of the fier, as thou herdist, and siest;

stylus

Deuteronomy 5:24, Judges 6:22, Deuteronomy 5:24, Judges 6:22, Exodus 33:20

34if God `dide, that he entride, and took to him silf a folc fro the middis of naciouns, bi temptaciouns, myraclis, and grete wondris, bi batel, and strong hond, and arm holdun forth, and orrible siytis, bi alle thingis whiche youre Lord God dide for you in Egipt, `while thin iyen sien;

stylus

Deuteronomy 26:8, Deuteronomy 26:8, Deuteronomy 5:15, Deuteronomy 5:15, Exodus 6:6

35that thou schuldist wite, that the Lord hym silf is God, and noon other is, outakun oon.

stylus

Isaiah 45:18, Isaiah 45:18, 1 Samuel 2:2, 1 Samuel 2:2, Isaiah 45:5

36Fro heuene he made thee to here his vois, that he schulde teche thee; and in erthe he schewide to thee his grettiste fier, and thou herdist the wordis `of hym fro the myddis of the fier;

stylus

Exodus 19:19, Exodus 19:9, Exodus 19:19, Exodus 19:9, Nehemiah 9:13

37for he louyde thi fadris, and chees her seed aftir hem. And he ledde thee out of Egipt, and yede bifore in his greet vertu,

stylus

Deuteronomy 10:15, Deuteronomy 10:15, Exodus 33:14, Isaiah 63:11, Isaiah 63:12

38that he schulde do awei grettiste naciouns, and strongere than thou, in thin entryng, and that he schulde lede thee ynne, and schulde yyue to thee the lond `of hem in to possessioun, as thou seest in `present day.

stylus

Deuteronomy 7:1, Deuteronomy 7:1, Exodus 23:27, Exodus 23:28, Deuteronomy 2:31

39Therfor wite thou to dai, and thenke in thin herte, that the Lord him silfe is God in heuene aboue, and in erthe bynethe, and noon other is.

stylus

Joshua 2:11, Joshua 2:11, Deuteronomy 4:35, Deuteronomy 4:35, 2 Chronicles 20:6

40Kepe thou hise heestis, and comaundementis , whiche Y comaunde to thee, that it be wel to thee, and to thi sones after thee, and that thou dwelle mych tyme on the lond, which thi Lord God schal yyue to thee.

stylus

Deuteronomy 6:3, Deuteronomy 6:3, Ephesians 6:3, Ephesians 6:3, Leviticus 22:31

41Thanne Moises departide thre citees biyende Jordan at the eest coost,

stylus

Numbers 35:6, Numbers 35:6, Numbers 35:14, Numbers 35:15, Numbers 35:14

42that he fle to tho, that sleeth his neighbore not wilfuli, and was not enemy bifore oon and `the tother dai, and that he mai fle to summe of these citees;

stylus

Numbers 35:15, Numbers 35:28, Numbers 35:11, Numbers 35:12, Hebrews 6:18

43Bosor in the wildirnesse, which is set in the feeldi lond, of the lynage of Ruben; and Ramoth in Galaad, which is in the lynage of Gad; and Golan in Basan, which is in the lynage of Manasses.

stylus

Joshua 20:8, Joshua 20:8, Joshua 21:27, Joshua 21:38, 1 Chronicles 6:71

44This is the lawe which Moises `settide forth bifor the sones of Israel,

stylus

Deuteronomy 27:26, Deuteronomy 27:3, Deuteronomy 1:5, Leviticus 27:34, Malachi 4:4

45and these ben the witnessyngis, and cerymonyes, and domes, whiche he spak to the sones of Israel, whanne thei yeden out of Egipt,

stylus

Psalms 119:7, Psalms 119:24, Psalms 119:14, Deuteronomy 4:1, Psalms 119:2

46biyende Jordan, in the valey ayens the temple of Phegor, in the lond of Seon, kyng of Ammorreis, that dwellide in Esebon, whom Moises killide. And the sones of Israel yeden out of Egipt, and weldiden `the lond of him,

stylus

Deuteronomy 3:29, Deuteronomy 3:29, Deuteronomy 1:4, Deuteronomy 1:5, Numbers 32:19

47and the lond of Og, kyng of Basan, twei kyngis of Ammoreis, that weren biyende Jordan, at the rysyng of the sunne;

stylus

Deuteronomy 29:7, Deuteronomy 29:8, Numbers 21:33, Numbers 21:35, Deuteronomy 3:1

48fro Aroer which is set on the brenke of the stronde of Arnon, `til to the hil of Seon, which is Hermon;

stylus

Deuteronomy 3:9, Deuteronomy 3:9, Deuteronomy 2:36, Deuteronomy 2:36, Psalms 133:3

49thei weldiden al the pleyn biyende Jordan, at the eest coost, `til to the see of wildirnesse, and `til to the rootis of the hil of Phasga.

stylus

Deuteronomy 3:17, Deuteronomy 3:17, Deuteronomy 34:1, Joshua 13:20, Deuteronomy 34:1