1And so we turneden, and stieden bi the weie of Basan; and Og, the kyng of Basan, yede out ayens vs with his puple, to fiyte in Edrai.

stylus

Deuteronomy 1:4, Numbers 21:33, Numbers 21:35, Deuteronomy 29:7, Deuteronomy 1:4

2And the Lord seide to me, Drede thou not hym, for he is bitakun in thin hond, with al his puple, and his lond; and thou schalt do to hym, as thou didist to Seon, kyng of Ammoreis, that dwellide in Esebon.

stylus

Revelation 2:10, Numbers 21:23, Numbers 21:25, 2 Chronicles 20:17, Revelation 2:10

3Therfor oure Lord God bitook in oure hondis also Og, kyng of Basan, and al his puple; and we han smyte hym `til to deeth,

stylus

Numbers 21:35, Numbers 21:35, Deuteronomy 2:33, Deuteronomy 2:34, Joshua 13:30

4and wastiden alle the citees `of him in o tyme; no town was that ascapide vs; `we destrieden sixti citees, al the cuntrei of Argob, of the rewme of Og in Basan.

stylus

1 Kings 4:13, 1 Kings 4:13, Joshua 12:4, Joshua 13:30, Joshua 13:31

5Alle the citees weren strengthid with hiyest wallis, and with yatis and barris; with out townes vnnoumbrable, that hadden not wallis.

stylus

Hebrews 11:30, Deuteronomy 1:28, Numbers 13:28, Hebrews 11:30, Deuteronomy 1:28

6And we diden awey thilke men, as we diden to Seon, kyng of Esebon; and we losten ech citee, and men, and wymmen, and litle children;

stylus

Deuteronomy 2:34, Deuteronomy 2:34, Psalms 135:10, Psalms 135:12, Deuteronomy 2:24

7forsothe we token bi prey beestis, and the spuylis of citees.

stylus

Deuteronomy 2:35, Deuteronomy 2:35, Joshua 8:27, Joshua 11:11, Joshua 11:14

8And we token in that tyme the lond fro the hond of twey kyngis of Ammorreis, that weren biyonde Jordan, fro the stronde of Arnon `til to the hil of Hermon,

stylus

Joshua 13:9, Joshua 13:12, Joshua 12:2, Joshua 12:6, Joshua 13:9

9`which hil Sidonyes clepen Sarion, and Ammorreis clepen Sanyr.

stylus

Psalms 29:6, 1 Chronicles 5:23, Psalms 29:6, 1 Chronicles 5:23, Psalms 133:3

10We tooken alle the citees that weren set in the pleyn, and al the lond of Galaad, and of Basan, `til to Selcha and Edray, citees of the rewme of Og, in Basan.

stylus

Joshua 13:31, Joshua 13:11, Joshua 13:12, Numbers 21:33, Joshua 12:4

11For Og aloone, kyng of Basan, was left of the generacioun of giauntis; and his yrun bed is schewid, which is in Rabath, of the sones of Amon, and hath nyne cubitis of lengthe, and foure cubitis of breede, at the mesure of a cubit of mannus hond.

stylus

Genesis 14:5, Genesis 14:5, Jeremiah 49:2, 2 Samuel 12:26, Jeremiah 49:2

12And we weldiden in that tyme the lond, fro Aroer, which is on the `brynke of the stronde of Arnon, `til to the myddil paart of the hil of Galaad; and Y yaf the citees `of hym to Ruben and Gad.

stylus

Deuteronomy 2:36, Deuteronomy 2:36, Numbers 32:32, Numbers 32:38, Numbers 32:32

13Forsothe Y yaf the tother part of Galaad, and al Basan, of the rewme of Og, to the half lynage of Manasses, and al the cuntrei of Argob. Al Basan was clepid the lond of giauntis.

stylus

Numbers 32:39, Numbers 32:42, Numbers 32:39, Numbers 32:42, 1 Chronicles 5:23

14Jair, `sone of Manasses, weldide al the cuntrey of Argob, `til to the lond of Gesuri and of Machati; and he clepide bi his name Basan Anothiair, that is, the townes of Jair, til in to present dai.

stylus

Numbers 32:41, Numbers 32:41, 2 Samuel 13:37, 2 Samuel 10:6, 2 Samuel 3:3

15Also Y yaf Galaad to Machir; and to the lynagis of Ruben and of Gad Y yaf the lond of Galaad, `til to the strond of Arnon, the myddil of the stronde,

stylus

Numbers 32:39, Numbers 32:40, Numbers 32:39, Numbers 32:40, Genesis 50:23

16and of the endis `til to the stronde of Jeboth, which is the terme of `the sones of Amon.

stylus

Numbers 21:24, Numbers 21:24, 2 Samuel 24:5, Deuteronomy 2:37, 2 Samuel 24:5

17And Y yaf the pleyn of the wildernesse `til to Jordan, and the termes of Cenereth `til to the see of deseert, which see is moost salt, at the rotis of the hil of Phasga, ayens the eest.

stylus

Joshua 12:3, Joshua 12:3, Genesis 14:3, Genesis 14:3, Joshua 3:16

18And Y comaundide to you in that tyme, and seide, Youre Lord God yyueth to you this lond in to erytage;

stylus

Numbers 32:20, Numbers 32:24, Numbers 32:20, Numbers 32:24, Joshua 4:12

19alle ye stronge men, without wyues and litle children and beestis, be maad redi, and `go ye bifor youre brithren, the sones of Israel. For Y knowe that ye han many beestis, and tho schulen dwelle in citees whiche Y yaf to you,

stylus

20til the Lord yyue reste to youre brithren, as he yaf to you, and til thei also welden the lond `which the Lord schal yyue to hem biyonde Jordan; thanne ech man schal turne ayen in to his possessioun which Y yaf to you.

stylus

Joshua 22:4, Joshua 22:4, Joshua 22:8, Joshua 22:8

21Also Y comaundid to Josue in that tyme, and seide, Thin iyen sien what thingis youre Lord God dide to these twei kyngis; so he schal do to alle rewmes, to whiche thou schalt go; drede thou not hem.

stylus

2 Timothy 4:17, 2 Timothy 4:18, 2 Corinthians 1:10, Joshua 10:25, Numbers 27:18

22And Y preiede the Lord in that tyme,

stylus

Deuteronomy 20:4, Exodus 14:14, Deuteronomy 20:4, Exodus 14:14, Deuteronomy 1:30

23and seide, Lord God, thou hast bigunne to schewe to thi seruaunt thi greetnesse, and strongeste hond,

stylus

2 Corinthians 12:8, 2 Corinthians 12:9, 2 Corinthians 12:8, 2 Corinthians 12:9

24for noon other God is ether in heuene, ether in erthe, that mai do thi werkis, and may be comparisound to thi strengthe.

stylus

Exodus 15:11, Exodus 15:11, Psalms 71:19, Deuteronomy 11:2, Psalms 71:19

25Therfor Y schal passe, and schal se this beeste lond biyende Jordan, and this noble hil and Liban.

stylus

Deuteronomy 4:21, Deuteronomy 4:22, Deuteronomy 4:21, Deuteronomy 4:22, Ezekiel 20:6

26And the Lord was wrooth to me for you, nethir he herde me, but seide to me, It suffisith to thee; speke thou no more of this thing to me.

stylus

Deuteronomy 1:37, Deuteronomy 1:37, Deuteronomy 31:2, Deuteronomy 31:2, 1 Chronicles 28:2

27`Stye thou in to the hiynesse of Phasga, and caste aboute thin iyen to the west, and north, and south, and eest, and biholde, for thou schalt not passe this Jordan.

stylus

Numbers 27:12, Numbers 27:12, Genesis 13:14, Genesis 13:15, Deuteronomy 34:1

28Comaunde thou to Josue, and strengthe thou and coumforte hym; for he schal go bifore this puple, and he schal departe to hem the lond, which thou schalt se.

stylus

Deuteronomy 31:3, Deuteronomy 31:3, Deuteronomy 31:23, Deuteronomy 31:7, Deuteronomy 1:38

29And we dwelliden in the valey ayens the temple of Phegor.

stylus

Deuteronomy 34:6, Deuteronomy 4:46, Deuteronomy 34:6, Deuteronomy 4:46, Numbers 25:3