1And Moises clepide al Israel, and seide to hym, Here, thou Israel, the cerymonyes and domes, whiche Y speke to dai in youre eeris; lerne ye tho, and `fille ye in werk.

stylus

Deuteronomy 4:1, Deuteronomy 4:1, Matthew 23:3, Matthew 23:3, Deuteronomy 29:10

2Oure Lord God made a boond of pees with vs in Oreb;

stylus

Deuteronomy 4:23, Deuteronomy 4:23, Exodus 19:5, Exodus 19:8, Exodus 19:5

3he made not couenaunt, `that is, of lawe writun, with oure fadris, but with vs that ben present, and lyuen.

stylus

Deuteronomy 29:10, Deuteronomy 29:15, Deuteronomy 29:10, Deuteronomy 29:15, Psalms 105:8

4Face to face he spak to vs in the hil, fro the myddis of the fier.

stylus

Exodus 19:18, Exodus 19:19, Exodus 19:18, Exodus 19:19, Deuteronomy 34:10

5Y was recouncelere and mediatour bitwixe God and you in that tyme, that Y schulde telle to you the wordis `of hym, for ye dredden the fier, and `stieden not in to the hil. And `the Lord seide,

stylus

Galatians 3:19, Galatians 3:19, Exodus 20:18, Exodus 20:21, Exodus 19:16

6Y am thi Lord God, that ladde thee out of the lond of Egipt, fro the hows of seruage.

stylus

Exodus 20:2, Exodus 20:17, Exodus 20:2, Exodus 20:17, Psalms 81:5

7Thou schalt not haue alien Goddis in my siyt.

stylus

Exodus 20:3, Exodus 20:3, Matthew 4:10, Matthew 4:10, 1 John 5:21

8Thou schalt not make to thee a grauun ymage, nether a licnesse of alle thingis that ben in heuene aboue, and that ben in erthe bynethe, and that lyuen in watris vndur erthe;

stylus

Exodus 20:4, Exodus 20:4, Deuteronomy 4:15, Deuteronomy 4:19, Deuteronomy 4:15

9thou schalt not herie tho, `and thou schalt not worschipe tho; for Y am thi Lord God, `God a feruent louyer; and Y yelde the wickidnesse of fadris, in to sones in to the thridde and the fourthe generacioun to hem that haten me,

stylus

Exodus 20:4, Exodus 20:6, Exodus 20:4, Exodus 20:6, Exodus 34:7

10and Y do mersy in to many thousyndis to hem that louen me, and kepen myn heestis.

stylus

Romans 8:28, Romans 8:28, 1 John 1:7, 1 John 1:7, Jeremiah 32:18

11Thou schalt not mystake the name of thi Lord God in veyn, for he schal not be vnpunyschid, that takith the name of God on a veyn thing.

stylus

Exodus 20:7, Exodus 20:7, Leviticus 19:12, Deuteronomy 6:13, Leviticus 19:12

12Kepe thou the `day of sabat that thou halewe it, as thi Lord God comaundide to thee.

stylus

Exodus 20:8, Exodus 20:11, Exodus 20:8, Exodus 20:11, Isaiah 58:13

13In sixe daies thou schalt worche, and thou schalt do alle thi werkis;

stylus

Ezekiel 20:12, Ezekiel 20:12, Exodus 35:2, Exodus 35:3, Luke 13:14

14the seventhe day is `of sabat, that is the reste of thi Lord God. Thou schalt not do therynne ony thing of werk ; thou, and thi sone, and douyter, seruaunt, and handmaide, and oxe, and asse, and `al thi werk beeste, and the pilgrym which is with ynne thi yatis; that thi seruaunt reste and thin handmaide, as also thou.

stylus

Hebrews 4:4, Hebrews 4:4, Genesis 2:2, Genesis 2:2, Exodus 23:12

15Bithenke thou, that also thou seruedist in Egipt, and thi Lord God ledde thee out fro thennus, in a strong hond, and arm holdun forth; therfor he comaundide to thee, that thou schuldist kepe the `dai of sabat.

stylus

Deuteronomy 5:6, Deuteronomy 5:6, Deuteronomy 15:15, Deuteronomy 15:15, Deuteronomy 16:12

16Onoure thi fadir and thi modir, as thi Lord God comaundide to thee, that thou lyue in long tyme, and that it be wel to thee, in the lond which thi Lord God schal yyue to thee.

stylus

Exodus 20:12, Exodus 20:12, Colossians 3:20, Ephesians 6:1, Ephesians 6:3

17Thou schalt not sle.

stylus

Exodus 20:13, Exodus 20:13, Romans 13:9, Romans 13:9, Matthew 5:21

18Thou schalt not do letcherie.

stylus

Exodus 20:14, Exodus 20:14, Luke 18:20, Luke 18:20, Leviticus 20:10

19And thou schalt not do thefte.

stylus

Exodus 20:15, Exodus 20:15, Romans 13:9, Romans 13:9, Ephesians 4:28

20Thou schalt not speke fals witnessyng ayens thi neiybore.

stylus

Exodus 20:16, Exodus 20:16, Exodus 23:1, Exodus 23:1, Proverbs 19:9

21Thou schalt not coueite `the wijf of thi neiybore, not hows, not feeld, not seruaunt, not handmayde, not oxe, not asse, and alle thingis that ben hise.

stylus

Exodus 20:17, Exodus 20:17, Romans 13:9, Romans 13:9, Luke 12:15

22The Lord spak these wordis to al youre multitude, in the hil, fro the myddis of fier and of cloude and of myist, with greet vois, and addide no thing more; and he wroot tho wordis in two tablis of stoon, whiche he yaf to me.

stylus

Exodus 31:18, Exodus 24:12, Exodus 31:18, Exodus 24:12, Deuteronomy 4:36

23Forsothe after that ye herden the vois fro the myddis of the derknessis, and sien the hil brenne, alle ye princis of lynagis, and the grettere men in birthe, neiyiden to me, and seiden, Lo!

stylus

Exodus 20:18, Exodus 20:19, Exodus 20:18, Exodus 20:19, Hebrews 12:18

24oure Lord God schewide to vs his maieste and greetnesse; we herden his vois fro the myddis of fier, and we preueden to day that a man lyuede, `while God spak with man.

stylus

Exodus 19:19, Deuteronomy 4:33, Exodus 19:19, Deuteronomy 4:33, Exodus 33:20

25Whi therfor schulen we die, and schal this gretteste fier deuoure vs? For if we heren more the vois of oure Lord God, we schulen die.

stylus

Deuteronomy 18:16, Deuteronomy 18:16, Galatians 3:21, Galatians 3:22, Galatians 3:10

26What is ech man, that he here the vois of God lyuynge, that spekith fro the myddis of fier, as we herden, and that he may lyue?

stylus

Deuteronomy 4:33, Deuteronomy 4:33, Romans 3:20, Romans 3:20, Psalms 84:2

27Rathere neiye thou, and here thou alle thingis whiche oure Lord God schal seie to thee; and thou schalt speke to vs, and we schulen here, and schulen do tho wordis.

stylus

Exodus 20:19, Exodus 20:19, Hebrews 12:19, Hebrews 12:19

28And whanne the Lord hadde herd this, he seide to me, Y herde the vois of the wordis of this puple, whiche thei spaken to thee; thei spaken wel alle thingis.

stylus

Deuteronomy 18:17, Deuteronomy 18:17, Numbers 36:5, Numbers 27:7, Numbers 36:5

29Who schal yyue `that thei haue siche soule, that thei drede me, and kepe alle my comaundementis in al tyme, that it be wel to hem and to the sones `of hem, with outen ende?

stylus

Isaiah 48:18, Isaiah 48:18, Ezekiel 33:31, Ezekiel 33:32, Deuteronomy 11:1

30Go thou, and seye to hem, Turne ye ayen in to youre tentis.

stylus

31Sotheli stonde thou here with me, and Y schal speke to thee alle comaundementis, and cerymonyes, and domes, whiche thou schalt teche hem, that thei do tho in the lond which Y schal yyue to hem in to possessioun.

stylus

Galatians 3:19, Galatians 3:19, Deuteronomy 4:1, Ezekiel 20:11, Exodus 24:12

32Therfor kepe ye, and `do ye tho thingis, whiche the Lord God comaundide to you; ye schulen not bowe awey, nether to the riyt side nether to the left side,

stylus

Proverbs 4:27, Joshua 23:6, Proverbs 4:27, Joshua 23:6, Joshua 1:7

33but ye schulen go bi the weie whiche youre Lord God comaundide, that ye lyue, and that it be wel to you, and that youre daies be lengthid in the lond of youre possessioun.

stylus

Jeremiah 7:23, Jeremiah 7:23, Deuteronomy 4:40, Deuteronomy 4:40, Deuteronomy 10:12