1And so Moises yede, and spak alle these wordis to al Israel,

stylus

2and seide to hem, Y am to dai of an hundrid and twenti yeer, Y may no ferthere go out and go yn, moost sithen also the Lord seide to me, Thou schalt not passe this Jordan.

stylus

Deuteronomy 34:7, Deuteronomy 34:7, Numbers 27:17, Numbers 27:17, 1 Kings 3:7

3Therfor thi Lord God schal passe bifore thee; he schal do awei these folkis in thi siyt, and thou schalt welde hem; and this Josue schal go bifor thee, as the Lord spak.

stylus

Deuteronomy 9:3, Deuteronomy 9:3, Deuteronomy 31:23, Deuteronomy 3:28, Joshua 1:2

4And the Lord schal do to hem as he dide to Seon, and Og kyng of Ammorreis, and to `the lond of hem; and he schal do hem awey.

stylus

Exodus 23:28, Exodus 23:31, Deuteronomy 3:21, Numbers 21:24, Numbers 21:35

5Therfor whanne the Lord hath bitake to you also hem, ye schulen do in lijk maner to hem, as Y comaundide to you.

stylus

Deuteronomy 7:2, Deuteronomy 7:2, Deuteronomy 20:16, Deuteronomy 20:17, Exodus 23:32

6Do ye manli, and be ye coumfortid; nyle ye drede in herte, nethir drede ye at the siyt of hem, for thi Lord God hym silf is thi ledere, and he schal not leeue, nether schal forsake thee.

stylus

Joshua 1:9, Joshua 1:9, Ephesians 6:10, Ephesians 6:10, Psalms 27:14

7And Moyses clepid Josue, and seide to hym bifor al the multitude of the sones of Israel, Be thou coumfortid, and be thou strong; for thou schalt lede this puple in to the lond which the Lord swoor that he schal yyue to `the fadris of hem; and thou schalt departe it bi lot.

stylus

Deuteronomy 3:28, Deuteronomy 3:28, Deuteronomy 31:6, Deuteronomy 31:6, Deuteronomy 1:38

8And the Lord hym silf whiche is youre ledere, schal be with thee, he schal not leeue, nether schal forsake thee; nyle thou drede, nether drede thou in herte.

stylus

Exodus 33:14, Exodus 33:14, Deuteronomy 31:6, Deuteronomy 31:6, Joshua 1:9

9Therfor Moyses wroot this lawe, and bitook it to the preestis, sones of Leuy, that baren the arke of the bond of pees of the Lord, and to alle the eldere men of Israel.

stylus

Numbers 4:15, Numbers 4:15, Joshua 3:3, Joshua 3:3, Deuteronomy 31:22

10And Moyses comaundide to hem, and seide, Aftir seuen yeer, in the yeer of remyssioun, in the solempnete of tabernaclis,

stylus

Leviticus 23:34, Leviticus 23:43, Deuteronomy 15:1, Deuteronomy 15:2, Leviticus 23:34

11whanne alle men of Israel schulen come togidere, that thei appere in the siyt of her Lord God, in the place `which the Lord chees, thou schalt rede the wordis of this lawe bifor al Israel,

stylus

2 Kings 23:2, 2 Kings 23:2, Joshua 8:34, Joshua 8:35, Joshua 8:34

12while thei heren, and while al the puple is gaderid to gidere, as wel to men, as to wymmen, to litle children, and comelyngis that ben with ynne thi yatis; that thei here, and lerne, and drede youre Lord God, and kepe and fille alle the wordis of this lawe;

stylus

Deuteronomy 4:10, Deuteronomy 4:10, Psalms 19:7, Psalms 19:11, Psalms 34:11

13also that the sones of hem, that now knowen not, moun here, and that thei drede her Lord God in alle daies in whiche thei lyuen in the lond to whiche ye schulen go to gete, whanne Jordan is passid.

stylus

Deuteronomy 11:2, Deuteronomy 11:2, Deuteronomy 6:7, Deuteronomy 6:7, Proverbs 22:6

14And the Lord seide to Moises, Lo! the daies of thi deeth ben nyy; clepe thou Josue, and stonde ye in the tabernacle of witnessyng, that Y comaunde to hym. Therfor Moises and Josue yeden, and stooden in the tabernacle of witnessyng;

stylus

Numbers 27:13, Numbers 27:13, Deuteronomy 31:23, Deuteronomy 31:23, Joshua 24:1

15and the Lord apperide there in a pilere of cloude, that stood in the entryng of the tabernacle.

stylus

Exodus 40:38, Exodus 33:9, Exodus 33:10, Psalms 99:7, Exodus 40:38

16And the Lord seide to Moises, Lo! thou schalt slepe with thi fadris, and this puple schal rise, and schal do fornycacioun aftir alien goddis in the lond, to which lond it schal entre, that it dwelle ther ynne; there it schal forsake me, and schal make void the boond of pees, which Y couenauntide with it.

stylus

Judges 10:6, Judges 10:6, Judges 2:12, Judges 10:13, Judges 2:12

17And my strong veniaunce schal be wrooth ayens that puple in that dai, and Y schal forsake it, and Y schal hide my face fro it, and it schal be in to deuouryng; alle yuels and turmentyngis schulen fynde it, so that it seie in that dai, Verili for the Lord is not with me, these yuelis han founde me.

stylus

Judges 6:13, Psalms 104:29, 2 Chronicles 15:2, Isaiah 8:17, Numbers 14:42

18Forsothe Y schal hide, and schal hile `my face in that dai, for alle the yuels `whiche it dide, for it suede alien goddis.

stylus

Deuteronomy 31:16, Deuteronomy 31:17, Deuteronomy 31:16, Deuteronomy 31:17

19Now therfor write ye to you this song, and `teche ye the sones of Israel, that thei holde it in mynde, and synge bi mouth; and that this song be to me for a witnessyng among the sones of Israel.

stylus

Deuteronomy 6:7, Deuteronomy 31:21, Deuteronomy 31:22, Deuteronomy 6:7, Deuteronomy 31:21

20For Y schal lede hym in to the lond, for which Y swoor to hise fadris, flowynge with mylk and hony; and whanne thei han ete, and ben fillid, and ben maad fat, thei schulen turne to alien goddis, and thei schulen serue hem; and thei schulen bacbite me, and schulen make voide my couenaunt.

stylus

Hosea 13:6, Hosea 13:6, Deuteronomy 6:10, Deuteronomy 6:12, Nehemiah 9:25

21Aftir that many yuels and turmentyngis han founde hym, this song schal answere hym for witnessing, which song no foryetyng schal do awey fro the mouth of thi seed. For Y knowe the thouytis therof to day, what thingis it schal do, bifore that Y bringe it in to the lond which Y bihiyte to it.

stylus

Hosea 5:3, Hosea 5:3, John 2:24, John 2:25, John 2:24

22Therfor Moises wroot the song, and tauyte the sones of Israel.

stylus

Deuteronomy 31:19, Deuteronomy 31:19, Deuteronomy 31:9, Deuteronomy 31:9

23And the Lord comaundide to Josue, the sone of Nun, and seide, Be thou coumfortid, and be thou strong; for thou schalt lede the sones of Israel in to the lond which Y bihiyte, and Y schal be with thee.

stylus

Deuteronomy 31:14, Deuteronomy 31:7, Deuteronomy 31:8, Deuteronomy 31:14, Deuteronomy 31:7

24Therfor aftir that Moises wroot the wordis of this lawe in a book, and fillide,

stylus

Deuteronomy 31:9, Deuteronomy 31:9, Deuteronomy 17:18, Deuteronomy 17:18

25he comaundide to Leuytis that baren the ark of boond of pees of the Lord,

stylus

Deuteronomy 31:9, Deuteronomy 31:9

26and seide, Take ye this book, and putte ye it in the side of the arke of boond of pees of youre Lord God, that it be there ayens thee in to witnessyng.

stylus

Deuteronomy 31:19, Deuteronomy 31:19, Romans 3:19, Romans 3:20, Galatians 2:19

27For Y knowe thi stryuyng, and thin hardest nol; yit while Y lyuede and entride with you, ye diden euere stryuyngli ayens the Lord; hou myche more whanne Y schal be deed.

stylus

Deuteronomy 9:24, Deuteronomy 32:20, Deuteronomy 9:24, Deuteronomy 32:20, Exodus 32:8

28Gadere ye to me all the grettere men in birthe, and techeris, bi youre lynagis, and Y schal speke to hem, herynge these wordis, and Y schal clepe ayens hem heuene and erthe.

stylus

Deuteronomy 32:1, Deuteronomy 4:26, Deuteronomy 32:1, Deuteronomy 4:26, Deuteronomy 30:19

29For Y knowe, that aftir my deeth ye schulen do wickidli, and schulen bowe awei soone fro the weie which Y comaundide to you; and yuels schulen come to you in the laste tyme, whanne ye `han do yuel in the siyt of the Lord, that ye terre hym to ire bi the werkis of youre hondis.

stylus

Judges 2:19, Judges 2:19, Deuteronomy 32:5, Deuteronomy 32:5, Isaiah 1:4

30Therfor while al the cumpeny of the sones of Israel herde, Moises spak the wordis of this song, and fillide `til to the ende.

stylus

John 12:49, Hebrews 3:2, Deuteronomy 4:5, John 12:49, Hebrews 3:2