1Ye heuenes, here what thingis Y schal speke; the erthe here the wordis of my mouth.

stylus

Isaiah 1:2, Isaiah 1:2, Deuteronomy 4:26, Deuteronomy 4:26, Jeremiah 22:29

2My techyng wexe togidere as reyn; my speche flete out as dew, as lytil reyn on eerbe, and as dropis on gras.

stylus

Isaiah 55:10, Isaiah 55:11, Isaiah 55:10, Isaiah 55:11, Psalms 72:6

3For Y schal inwardli clepe the name of the Lord; yyue ye glorie to oure God.

stylus

Jeremiah 10:6, Jeremiah 10:6, Psalms 150:2, Psalms 150:2, Deuteronomy 5:24

4The werkis of God ben perfit, and alle hise weies ben domes; God is feithful, and without ony wickidnesse; God is iust and riytful.

stylus

Psalms 18:30, Psalms 18:31, Psalms 18:30, Psalms 18:31, Psalms 92:15

5Thei synneden ayens hym, and not hise sones in filthis, `that is, of idolatrie; schrewid and waiward generacioun.

stylus

Philippians 2:15, Isaiah 1:4, Philippians 2:15, Isaiah 1:4, Deuteronomy 31:29

6Whether thou yeldist these thingis to the Lord, thou fonned puple and vnwijs? Whether he is not thi fadir, that weldide thee, and made, `and made thee of nouyt?

stylus

Isaiah 63:16, Isaiah 63:16, 1 John 3:1, 1 John 3:1, Isaiah 64:8

7Haue thou minde of elde daies, thenke thou alle generaciouns; axe thi fadir, and he schal telle to thee, axe thi grettere men, and thei schulen seie to thee.

stylus

Psalms 78:3, Psalms 78:4, Psalms 78:3, Psalms 78:4, Job 8:8

8Whanne the hiyeste departide folkis, whanne he departide the sones of Adam, he ordeynede the termes of puplis bi the noumbre of the sones of Israel .

stylus

Acts 17:26, Acts 17:26, Genesis 11:8, Genesis 11:9, Genesis 11:8

9Forsothe the part of the Lord is his puple; Jacob is the litil part of his eritage.

stylus

Jeremiah 10:16, Jeremiah 10:16, 1 Peter 2:9, 1 Peter 2:10, 1 Peter 2:9

10The Lord foond hym in a deseert lond, `that is, priued of Goddis religioun, in the place of orrour `ethir hidousnesse, and of wast wildirnesse; the Lord ledde hym aboute, and tauyte hym, and kepte as the apple of his iye.

stylus

Hosea 13:5, Deuteronomy 8:15, Deuteronomy 8:16, Hosea 13:5, Deuteronomy 8:15

11As an egle stirynge his briddis to fle, and fleynge on hem, he spredde forth his wyngis, and took hem, and bar in hise schuldris.

stylus

Exodus 19:4, Exodus 19:4, Isaiah 46:4, Isaiah 46:4, Isaiah 63:9

12The Lord aloone was his ledere, and noon alien god was with hym.

stylus

Psalms 78:52, Psalms 78:53, Isaiah 46:4, Psalms 78:52, Psalms 78:53

13The Lord ordeynede hym on an hiy lond, that he schulde ete the fruytis of feeldis, that he schulde souke hony of a stoon, and oile of the hardeste roche;

stylus

Isaiah 58:14, Job 29:6, Isaiah 58:14, Job 29:6, Psalms 81:16

14botere of the droue, and mylke of scheep, with the fatnesse of lambren and of rammes, of the sones of Basan; and that he schulde ete kydis with the merowe of wheete, and schulde drynke the cleereste blood of grape.

stylus

Genesis 49:11, Genesis 49:11, Psalms 81:16, Psalms 147:14, Psalms 81:16

15The louede puple was `maad fat, and kikide ayen ; maad fat withoutforth, maad fat with ynne, and alargid; he forsook God his makere, and yede awei fro `God his helthe.

stylus

Deuteronomy 31:20, Deuteronomy 31:20, Hosea 13:6, Hosea 13:6, Psalms 89:26

16Thei terriden hym to ire in alien goddis, and thei excitiden to wrathfulnesse in abhomynaciouns.

stylus

Psalms 78:58, Psalms 78:58, 1 Corinthians 10:22, 1 Corinthians 10:22, Nahum 1:1

17Thei offriden to feendis, and not to God, to goddis whiche thei knewen not, newe goddis, and freische camen, whiche `the fadris of hem worschipiden not.

stylus

Judges 5:8, Judges 5:8, Leviticus 17:7, Deuteronomy 28:64, Leviticus 17:7

18Thou hast forsake God that gendride thee, and thou hast foryete `thi Lord creatour.

stylus

Isaiah 17:10, Isaiah 17:10, Jeremiah 2:32, Jeremiah 2:32, Psalms 106:21

19The Lord siy, and was stirid to wrathfulnesse; for hise sones and douytris terriden hym.

stylus

Psalms 106:40, Psalms 106:40, Judges 2:14, Isaiah 1:2, Psalms 5:4

20And the Lord seide, Y schal hyde my face fro hem, and Y schal biholde `the laste thingis of hem; for it is a waiward generacioun, and vnfeithful sones.

stylus

Deuteronomy 31:17, Deuteronomy 31:18, Deuteronomy 31:17, Deuteronomy 31:18, Deuteronomy 32:5

21Thei terriden me in hym that was not God, and thei `terriden to ire in her vanytees; and Y schal terre hem in hym, that is not a puple, and Y schal terre hem `to yre in a fonned folk.

stylus

Romans 10:19, Romans 10:19, Romans 9:25, Romans 9:25, Romans 11:11

22Fier, that is, peyne maad redi to hem, is kyndlid in my stronge veniaunce, and it schal brenne `til to the laste thingis of helle; and it schal deuoure the lond with his fruyt, and it schal brenne the foundementis of hillis.

stylus

Lamentations 4:11, Lamentations 4:11, Jeremiah 15:14, Jeremiah 15:14, Micah 1:4

23Y schal gadere `yuels on hem, and Y schal fille myn arewis in hem.

stylus

Ezekiel 5:16, Ezekiel 5:16, Isaiah 24:17, Isaiah 24:18, Psalms 7:12

24Thei schulen be waastid with hungur, and briddis schulen deuoure hem with bitteriste bityng; Y schal sende in to hem the teeth of beestis, with the woodnesse of wormes drawynge on erthe, and of serpentis.

stylus

Leviticus 26:22, Leviticus 26:22, Ezekiel 5:17, Ezekiel 5:17, Amos 9:3

25Swerd with outforth and drede with ynne schal waaste hem; a yong man and a virgyn togidre, a soukynge child with an elde man.

stylus

Ezekiel 7:15, Ezekiel 7:15, Lamentations 1:20, Lamentations 1:20, Lamentations 4:4

26And Y seide, Where ben thei? Y schal make the mynde of hem to ceesse of men.

stylus

Deuteronomy 28:64, Deuteronomy 28:64, Deuteronomy 28:37, Psalms 34:16, Leviticus 26:33

27But Y delayede for the yre of enemyes, lest perauenture `the enemyes of hem shulden be proude, and seie, Oure hiy hond, and not the Lord, dide alle these thingis.

stylus

Psalms 140:8, Numbers 14:15, Numbers 14:16, Exodus 32:12, 1 Samuel 12:22

28It is a folk with out counsel, and with out prudence;

stylus

Jeremiah 4:22, Jeremiah 4:22, Hosea 4:6, Isaiah 27:11, Job 28:28

29Y wolde that thei saueriden, and `vnderstoden, and purueiden the laste thingis.

stylus

Psalms 81:13, Psalms 81:13, Deuteronomy 5:29, Deuteronomy 5:29, Luke 19:41

30How pursuede oon of enemyes a thousynde of Jewis, and tweyne dryuen awey ten thousynde? Whether not therfore for her God selde hem, and the Lord closide hem togidere?

stylus

Leviticus 26:8, Leviticus 26:8, Joshua 23:10, Joshua 23:10, Isaiah 30:17

31For oure God is not as the goddis of hem, and oure enemyes ben iugis.

stylus

Exodus 14:25, 1 Samuel 4:8, Exodus 14:25, 1 Samuel 4:8, Daniel 2:47

32The vyner of hem is of the vyner of Sodom, and of the subarbis of Gomorre; the grape of hem is the grape of galle, and the clustre is most bittir.

stylus

Deuteronomy 29:18, Deuteronomy 29:18, Isaiah 1:10, Ezekiel 16:45, Ezekiel 16:51

33The galle of dragouns is the wyn of hem, and the venym of eddris, that may not be heelid.

stylus

Psalms 58:4, Psalms 58:4, Romans 3:13, Romans 3:13, Psalms 140:3

34Whether these thingis ben not hid at me, and ben seelid in myn tresouris?

stylus

Job 14:17, Hosea 13:12, Job 14:17, Hosea 13:12, Jeremiah 2:22

35Veniaunce is myn, and Y schal yelde to hem in tyme, that the foot of hem slide; the dai of perdicioun is nyy, and tymes hasten to be present.

stylus

Romans 12:19, Romans 12:19, Hebrews 10:30, Hebrews 10:30, Nahum 1:2

36The Lord schal deme his puple, and he schal do merci in hise seruauntis; the puple schal se that the hond of fiyteres is sijk, and also men closid failiden, and the residues ben waastid.

stylus

Psalms 135:14, Psalms 135:14, Psalms 106:45, Psalms 106:45, 2 Kings 14:26

37And thei schulen seie, Where ben `the goddis of hem, in whiche thei hadden trust?

stylus

Jeremiah 2:28, Jeremiah 2:28, Judges 10:14, Judges 10:14, 2 Kings 3:13

38Of whos sacrifices thei eeten fatnessis, and drunkun the wyn of fletynge sacrifices, rise thei and helpe you, and defende thei you in nede.

stylus

Leviticus 21:21, Ezekiel 16:18, Ezekiel 16:19, Psalms 50:13, Judges 10:14

39Se ye that Y am aloone, and noon other God is outakun me; Y schal sle, and Y schal make to lyue; Y schal smyte, and Y schal make hool; and noon is that may delyuere fro myn hond.

stylus

1 Samuel 2:6, 1 Samuel 2:6, Hosea 6:1, Hosea 6:1, Job 5:18

40And Y schal reise myn hond to heuene, and Y schal seie, Y lyue with outen ende.

stylus

Genesis 14:22, Hebrews 6:17, Hebrews 6:18, Genesis 14:22, Hebrews 6:17

41If Y schal whette my swerd as leit, and myn hond schal take doom, Y schal yelde veniaunce to myn enemyes, and Y schal quyte to hem that haten me.

stylus

Isaiah 66:16, Isaiah 66:16, Isaiah 34:5, Isaiah 34:6, Isaiah 34:5

42Y schal fille myn arewis with blood, and my swerd schal deuoure fleischis of the blood of hem that ben slayn, and of the caitifte of the heed of enemyes maad nakid .

stylus

Deuteronomy 32:23, Deuteronomy 32:23, Jeremiah 46:10, Ezekiel 38:21, Ezekiel 38:22

43Folkis, preise ye the puplis of hym, for he schal venie the blood of hise seruauntis, and he schal yelde veniaunce in to the enemyes of hem; and he schal be merciful to the lond of his puple.

stylus

Romans 12:19, Revelation 19:2, Romans 12:19, Revelation 19:2, Revelation 6:10

44Therfor Moises cam, and spak alle the wordis of this song in the eeris of the puple; bothe he and Josue, the sone of Nun.

stylus

Numbers 13:8, Numbers 13:16, Numbers 13:8, Numbers 13:16, Deuteronomy 31:22

45And `he fillide alle these wordis, and spak to alle Israel, and seide to hem,

stylus

46Putte ye youre hertis in to alle the wordis whiche Y witnesse to you to day, that ye comaunde to youre sones, to kepe, and do tho, and to fulfille alle thingis that ben writun in the book of this lawe;

stylus

1 Chronicles 22:19, 1 Chronicles 22:19, Ezekiel 40:4, Ezekiel 40:4, Deuteronomy 11:18

47for not in veyn tho ben comaundid to you, but that alle men schulden lyue in tho; whiche wordis ye schulen do, and schulen contynue in long tyme in the lond, to which ye schulen entre to welde, whanne Jordan is passid.

stylus

Proverbs 4:22, Proverbs 4:22, Leviticus 18:5, Leviticus 18:5, 2 Peter 1:16

48And the Lord spak to Moises in the same day,

stylus

Numbers 27:12, Numbers 27:13, Numbers 27:12, Numbers 27:13

49and seide, Stie thou in to this hil Abirym, that is, passyng, in to the hil of Nebo, which is in the lond of Moab, ayens Jerico; and se thou the lond of Canaan, which Y schal yyue to the sones of Israel to holde, and die thou in the hil.

stylus

Numbers 27:12, Numbers 27:12, 2 Corinthians 5:1, Isaiah 33:17, Numbers 33:47

50In to which hil thou schalt stie, and schalt be ioyned to thi puplis, as Aaron, thi brother, was deed in the hil of Hor, and was put to his puplis.

stylus

Genesis 25:8, Genesis 25:8, Numbers 33:38, Numbers 33:38, Genesis 49:33

51For ye trespassiden ayens me, in the myddis of the sones of Israel, at the Watris of Ayenseiyng, in Cades of deseert of Syn; and ye halewiden not me among the sones of Israel.

stylus

Numbers 27:14, Numbers 27:14, Numbers 20:11, Numbers 20:14, Numbers 20:11

52Ayenward thou schalt se the lond, and schalt not entre in to it, which Y schal yyue to the sones of Israel.

stylus

Deuteronomy 34:1, Deuteronomy 34:4, Deuteronomy 34:1, Deuteronomy 34:4, Deuteronomy 32:49