1Therfor whanne alle these wordis comen on thee, blessyng ether cursing, which Y settide forth in thi siyt, and thou art led bi repentaunce of thin herte among alle folkis, in to whiche thi Lord God hath scaterid thee,

stylus

1 Kings 8:47, 1 Kings 8:48, Deuteronomy 30:15, 1 Kings 8:47, 1 Kings 8:48

2and turnest ayen to hym, and obeiest to hise comaundementis, as Y comaundide to thee to dai, with thi sones, in al thin herte and in al thi soule,

stylus

Joel 2:12, Joel 2:13, Joel 2:12, Joel 2:13, Nehemiah 1:9

3thi Lord God schal lede thee ayen fro thi caitifte, and schal haue mercy on thee, and eft he schal gadre thee from alle puplis, in to whiche he scateride the bifore.

stylus

Jeremiah 29:14, Jeremiah 29:14, Ezekiel 36:24, Ezekiel 36:24, Psalms 147:2

4If thou art scaterid to the endis of heuene, fro thennus thi Lord God schal withdrawe thee;

stylus

Nehemiah 1:9, Nehemiah 1:9, Ezekiel 39:25, Ezekiel 39:29, Ezekiel 39:25

5and he schal take and schal bringe thee in to the lond which thi fadris weldiden; and thou schalt holde it, and he schal blesse thee, and schal make thee to be of more noumbre than thi fadris weren.

stylus

Jeremiah 29:14, Jeremiah 29:14

6Thi Lord God schal circumcide thin herte, and the herte of thi seed, that thou loue thi Lord God in al thin herte and in al thi soule, and maist liue .

stylus

Deuteronomy 10:16, Deuteronomy 10:16, Ezekiel 36:26, Ezekiel 36:27, Ezekiel 36:26

7Forsothe the Lord schal turne alle these cursyngis on thin enemyes, and on hem that haten and pursuen thee.

stylus

Deuteronomy 7:15, Deuteronomy 7:15, Jeremiah 51:24, Jeremiah 51:26, Lamentations 4:21

8Sotheli thou schalt turne ayen, and schalt here the vois of thi Lord God, and schalt do alle the heestis whiche Y comaunde to thee to dai;

stylus

Ezekiel 36:27, Ephesians 2:16, Ezekiel 36:27, Ephesians 2:16, Jeremiah 32:39

9and thi Lord God schal make thee to be plenteuouse, in alle the workis of thin hondis, in the children of thi wombe, and in the fruyt of thi beestis, in abundaunce of thi lond, and in largenesse of alle thingis. For the Lord schal turne ayen, that he haue ioye on thee in alle goodis, as he ioyede in thi fadris;

stylus

Deuteronomy 28:11, Deuteronomy 28:14, Deuteronomy 28:11, Deuteronomy 28:14, Jeremiah 32:41

10if netheles thou herist the voys of thi Lord God, and kepist hise heestis and cerymonys, that ben writun in this lawe, and thou turne ayen to thi Lord God in al thin herte, and in al thi soule.

stylus

Lamentations 3:40, Lamentations 3:41, Lamentations 3:40, Lamentations 3:41, Deuteronomy 4:29

11This comaundement whiche Y comaunde to thee to day,

stylus

Psalms 147:19, Psalms 147:20, Isaiah 45:19, Psalms 147:19, Psalms 147:20

12is not aboue thee, nethir is set fer, nethir is set in heuene, that thou maist seie, Who of vs may stie to heuene, that he brynge it to vs, and we here, and fille in werk?

stylus

Romans 10:6, Romans 10:8, Romans 10:6, Romans 10:8, Proverbs 30:4

13nether it is set biyende the see, `that thou pleyne, and seye, Who of vs may passe ouer the see, and brynge it til to vs, that we moun here and do that that is comaundid?

stylus

Romans 10:14, Romans 10:15, Acts 10:22, Acts 8:27, Acts 8:40

14But the word is ful nyy thee, in thi mouth and in thin herte, that thou do it.

stylus

Romans 10:8, Romans 10:10, Romans 10:8, Romans 10:10, Jeremiah 12:2

15Biholde thou, that to day Y haue set forth in thi siyt lijf and good, and ayenward deeth and yuel;

stylus

Deuteronomy 11:26, Deuteronomy 11:26, Deuteronomy 30:19, Deuteronomy 30:19, 1 John 5:11

16that thou loue thi Lord God, and go in hise weies, and kepe hise heestis, and cerymonyes, and domes; and that thou lyue, and he multiplie thee, and blesse thee in the lond to which thou schalt entre to welde.

stylus

Deuteronomy 30:6, Matthew 22:37, Matthew 22:38, Deuteronomy 30:6, Matthew 22:37

17But if thin herte is turned awey, and thou nylt here, and thou art disseyued bi errour, and worschipist alien goddis,

stylus

Hebrews 3:12, Proverbs 1:32, 2 Timothy 4:4, Hebrews 3:12, Proverbs 1:32

18and seruest hem, Y biforseie to thee to dai, that thou schalt perische, and schalt dwelle litil tyme in the lond to which thou schalt entre to welde, whanne thou schalt passe Jordan.

stylus

Deuteronomy 8:19, Deuteronomy 8:20, Deuteronomy 8:19, Deuteronomy 8:20, Joshua 23:15

19Y clepe to day heuene and erthe witnesses, that is, aungels and men, that Y haue set forth to you lijf and deeth, good and yuel, blessyng and cursyng; therfor chese thou lijf, that bothe thou lyue and thi seed,

stylus

Deuteronomy 30:15, Deuteronomy 30:15, Deuteronomy 11:26, Deuteronomy 11:26, Psalms 119:30

20and that thou loue thi Lord God, and obeie to his vois, and cleue to hym, for he is thi lijf, and the lengthe of thi daies; that thou dwelle in the lond, for which the Lord swoor to thi fadris, to Abraham, Isaac, and Jacob, that he schulde yyue it to hem.

stylus

John 11:25, John 11:26, Deuteronomy 10:20, John 11:25, John 11:26