1Preestis and dekenes, and alle men that ben of the same lynage, schulen `not haue part and eritage with the tother puple of Israel, for thei schulen ete the sacrifices of the Lord, and the offryngis of hym;

stylus

Deuteronomy 10:9, Numbers 18:8, Numbers 18:9, 1 Corinthians 9:13, 1 Corinthians 9:14

2and thei schulen not take ony othir thing of the possessioun of her britheren; for the Lord hym silf is the `eritage of hem, as he spak to hem.

stylus

Genesis 15:1, Psalms 16:5, Psalms 84:11, Lamentations 3:24, Revelation 1:5

3This schal be the doom of preestis of the puple, and of hem that offren sacrifices; whether `thei offren an oxe, ether a scheep, thei schulen yyue to the preest the schuldre, and the paunche, the firste fruytis of wheete,

stylus

Leviticus 7:30, Leviticus 7:34, Leviticus 7:30, Leviticus 7:34, Deuteronomy 12:27

4and of wyn, and of oile, and a part of wollis of the scheryng of scheep.

stylus

Exodus 22:29, Leviticus 23:17, Leviticus 23:10, Exodus 23:19, Exodus 22:29

5For thi Lord God chees hym of alle thi lynagis, that he stonde and mynystre to `the name of the Lord, he and hise sones, with outen ende.

stylus

Deuteronomy 10:8, Deuteronomy 10:8, Numbers 3:10, Numbers 3:10, Numbers 16:5

6If a dekene goith out of oon of thi citees of al Israel, in which he dwellith, `and wole come and desirith the place which the Lord chees,

stylus

Numbers 35:2, Numbers 35:3, Numbers 35:2, Numbers 35:3, Deuteronomy 12:5

7he schal mynystre in the name of his Lord God as alle hise britheren dekenes, that schulen stonde in that tyme byfore the Lord.

stylus

2 Chronicles 31:2, 2 Chronicles 31:4, 2 Chronicles 31:2, 2 Chronicles 31:4

8He schal take the same part of meetis, `which and othere dekenes schulen take; outakun that that is due to hym in his citee, bi `successioun ethir eritage `of fadir.

stylus

Nehemiah 12:44, Nehemiah 12:44, Nehemiah 12:47, Nehemiah 12:47, Luke 10:7

9Whanne thou hast entrid in to the lond which thi Lord God schal yyue to thee, be thou war lest thou wole sue abhomynaciouns of tho folkis;

stylus

Deuteronomy 12:29, Deuteronomy 12:31, Deuteronomy 12:29, Deuteronomy 12:31, Leviticus 18:26

10noon be foundun in thee that clensith his sone, ether his douytir, `and ledith bi the fier, ethir that axith questiouns of dyuynouris `that dyuynen aboute the auteris, and that taketh hede to dremes and chiteryng of bryddis; nethir ony wicche be,

stylus

Leviticus 19:31, Leviticus 19:31, Leviticus 19:26, Exodus 22:18, Leviticus 19:26

11nethir an enchauntere, `that is, that disseyueth mennus iyen that a thing seme that is not; nether a man take counsel at hem that han a feend spekynge `in the wombe, nether take counsel at false dyuynouris nethir seke of deed men the treuthe.

stylus

Leviticus 19:31, 1 Samuel 28:11, 1 Samuel 28:14, Leviticus 19:31, 1 Samuel 28:11

12For the Lord hath abhomynacioun of alle these thingis, and for siche wickidnessis he schal do awei hem in thin entryng.

stylus

Leviticus 18:24, Leviticus 18:24, Deuteronomy 9:4, Deuteronomy 9:4, Leviticus 18:27

13Thou schalt be perfit and without filthe, with thi Lord God.

stylus

Matthew 5:48, Matthew 5:48, Genesis 17:1, Genesis 17:1, Genesis 6:9

14These hethen men, `the lond of whiche thou schalt welde, heren hem that worchen bi chiteryng of briddis, and false dyuynouris; forsothe thou art tauyt in other maner of thi Lord God.

stylus

Acts 14:16, Acts 14:16, Genesis 20:6, Deuteronomy 18:10, Psalms 147:19

15Thi Lord God schal reise a prophete of thi folk and of thi britheren as me, thou schalt here hym;

stylus

Acts 3:22, Acts 3:23, Acts 3:22, Acts 3:23, Acts 7:37

16as thou axidist of thi Lord God in Oreb, whanne the cumpany was gaderid, and thou seidist, Y schal no more here the vois of my Lord God, and Y schal no more se `this grettiste fier, lest Y die.

stylus

Exodus 20:19, Exodus 20:19, Deuteronomy 9:10, Deuteronomy 5:23, Deuteronomy 5:28

17And the Lord seide to me, Thei spaken wel alle thingis.

stylus

Deuteronomy 5:28, Deuteronomy 5:28

18Y schal reise to hem a prophete, lijk thee, of the myddis of her britheren, and Y schal putte my wordis in his mouth, and he schal speke to hem alle thingis, whiche I schal comaunde to him.

stylus

Deuteronomy 18:15, John 8:28, Deuteronomy 18:15, John 8:28, John 12:49

19Forsothe Y schal be vengere of `that man, that nyle here the wordis `of hym, whiche he schal speke in my name.

stylus

Acts 3:22, Acts 3:23, Acts 3:22, Acts 3:23, Hebrews 2:3

20`Sotheli a prophete `schal be slayn, which is bischrewid with pride, and wole speke in my name tho thingis, whiche Y comaundide not to hym, that he schulde seie, ethir bi the name of alien goddis.

stylus

Jeremiah 27:15, Deuteronomy 13:1, Deuteronomy 13:5, Jeremiah 27:15, Deuteronomy 13:1

21That if thou answerist bi pryuy thouyt, Hou may Y vndirstonde the word, which the Lord spak not? thou schalt haue this signe ,

stylus

1 John 4:1, 1 John 4:3, 1 John 4:1, 1 John 4:3, 1 Thessalonians 5:24

22`The Lord spak not this thing which thilke prophete biforseid in the name of the Lord, `and it bifallith not, but `the prophete feynede bi the pride of his soule, and therfor thou schalt not drede hym.

stylus

Deuteronomy 18:20, Deuteronomy 18:20, 2 Kings 20:1, 2 Kings 20:1, Jeremiah 28:1