1Whanne thi Lord God hath distried the folkis, whose lond he schal yyue to thee, and thou hast weldid it, and hast dwellid in the citees and housis therof;

stylus

Deuteronomy 12:29, Deuteronomy 12:29, Deuteronomy 6:10, Deuteronomy 6:10, Deuteronomy 7:1

2thou schalt departe thre citees to thee `in the myddis of the lond which thi Lord God schal yyue to thee into possessioun.

stylus

Exodus 21:13, Exodus 21:13, Joshua 20:2, Joshua 20:7, Numbers 35:10

3Thou schalt make redi diligentli the weye, and thou schalt departe euenly in to thre partis al the prouynce of thi lond, that he that is exilid for mansleyng, haue `of nyy whidur he may ascape.

stylus

Isaiah 57:14, Isaiah 57:14, Isaiah 35:8, Hebrews 12:13, Isaiah 62:10

4This schal be the lawe of a mansleere fleynge, whos lijf schal be kept. If a man smytith vnwityngli his neiybore, and which is preuyd to haue not had ony hatered ayens hym yistirdai and the thridde dai agoon,

stylus

Numbers 35:15, Numbers 35:24, Numbers 35:15, Numbers 35:24, Deuteronomy 4:42

5but to haue go sympli with hym in to the wode to hewe doun trees, and in the fellyng doun of trees the axe fleeth fro the hond, and the yrun slidith fro the helue, and smytith, and sleeth his freend; this man schal flee to oon of the forseid citees, and schal lyue;

stylus

2 Kings 6:5, 2 Kings 6:7, Proverbs 27:12, Isaiah 32:2, Numbers 35:25

6lest perauenture the next kynesman of hym, whos blood is sched out, be prickid with sorewe, and `pursue, and take hym, if the weie is lengere, and smyte `the lijf of hym which is not gilti of deeth; for it is schewid that he hadde not ony hatered bifore ayens hym that is slayn.

stylus

Numbers 35:12, Numbers 35:12, Jeremiah 26:15, Jeremiah 26:16, 2 Samuel 14:7

7Therfor Y comaunde to thee, that thou departe thre citees of euene space bitwixe hem silf.

stylus

8Forsothe whanne thi Lord God hath alargid thi termes, as he swoor to thi fadris, and hath youe to thee al the lond which he bihiyte to hem; if netheles thou kepist hise comaundementis,

stylus

Genesis 15:18, Genesis 15:21, Deuteronomy 12:20, Exodus 23:31, Exodus 34:24

9and doist tho thingis whiche Y comaunde to thee to day, that thou loue thi Lord God, and go in hise weies in al tyme, thou schalt adde to thee thre othere citees, and thou schalt double the noumbre of the forseid citees,

stylus

Joshua 20:7, Joshua 20:8, Joshua 20:7, Joshua 20:8, Deuteronomy 11:22

10that gilteles blood be not sched out in the myddis of the lond which thi Lord God schal yyue to thee to haue in possessioun, lest thou be gilti of blood.

stylus

Proverbs 6:17, Isaiah 59:7, Proverbs 6:17, Isaiah 59:7, Matthew 27:4

11Forsothe if ony man hatith his neiybore, and settith aspies, `ether tresouns, to his lijf, and risith, and smytith him, and he is deed, and he fleeth to oon of the forseid citees,

stylus

Numbers 35:16, Numbers 35:21, Deuteronomy 27:24, Numbers 35:16, Numbers 35:21

12the eldere men of that citee schulen sende, and `thei schulen take hym fro the place of refuyt; and thei schulen bitake hym in to the hond of the nexte kynesman of hym, whos blood is sched out,

stylus

1 Kings 2:28, 1 Kings 2:34, 1 Kings 2:5, 1 Kings 2:6, 1 Kings 2:28

13and he schal die, and thou schalt not haue mercy on hym; and thou schalt do awey gilti blood fro Israel, that it be wel to thee.

stylus

1 Kings 2:31, 1 Kings 2:31, Deuteronomy 21:9, Deuteronomy 7:2, Deuteronomy 7:16

14Thou schalt not take, and turne ouer the termes of thi neiybore, which the formere men settiden in thi possessioun, which thi Lord God schal yyue to thee in the lond, `which lond thou schalt take `to be weldid.

stylus

Deuteronomy 27:17, Proverbs 22:28, Deuteronomy 27:17, Proverbs 22:28, Job 24:2

15O witnesse schal not stonde ayens ony man, what euer thing it is of synne and of wickidnesse; but ech word schal stonde in the mouth of tweyne ethir of thre witnessis.

stylus

Numbers 35:30, Numbers 35:30, Deuteronomy 17:6, 2 Corinthians 13:1, Deuteronomy 17:6

16If a fals witnesse stondith ayens a man, and accusith hym of brekyng of the lawe, bothe,

stylus

Psalms 27:12, Psalms 27:12, Psalms 35:11, Psalms 35:11, Exodus 23:1

17of whiche the cause is, schulen stonde bifor the Lord, in the siyt of preestis, and of iugis, that ben in tho daies.

stylus

Deuteronomy 17:9, Deuteronomy 17:9, Deuteronomy 21:5, Deuteronomy 21:5, Malachi 2:7

18And whanne thei sekynge moost diligentli han founde that the fals witnesse seide a leesyng ayens his brothir,

stylus

Deuteronomy 13:14, Deuteronomy 17:4, Deuteronomy 13:14, Deuteronomy 17:4, Job 19:16

19thei schulen yelde to hym, as he thouyte to do to his brother; and thou schalt do awey yuel fro the myddis of thee, that othere men here,

stylus

Proverbs 19:5, Proverbs 19:5, Proverbs 19:9, Proverbs 19:9, Daniel 6:24

20and haue drede, and be no more hardi to do siche thingis.

stylus

Deuteronomy 17:13, Deuteronomy 21:21, Deuteronomy 17:13, Deuteronomy 21:21, Deuteronomy 13:11

21Thou schalt not haue mercy on hym, but thou schalt axe lijf for lijf, iye for iye, tooth for tooth, hond for hond, foot for foot.

stylus

Matthew 5:38, Matthew 5:39, Matthew 5:38, Matthew 5:39, Exodus 21:23