1Thou schalt not offre to thi Lord God an oxe and a scheep in which is a wem, ether ony thing of vice, for it is abhominacioun to thi Lord God.

stylus

Deuteronomy 15:21, Deuteronomy 15:21, Deuteronomy 23:18, Malachi 1:8, Deuteronomy 23:18

2And whanne a man ether a womman, that doon yuel in the siyte of thi Lord God, ben foundun at thee, with ynne oon of thi yatis whiche thi Lord God schal yyue to thee, and thei breken the couenaunt of God,

stylus

Hosea 8:1, Judges 2:20, Hosea 8:1, Judges 2:20, Joshua 23:16

3that thei go and serue alien goddis, and worschipe hem, the sunne, and moone, and al the knyythod of heuene, whiche thingis Y comaundide not;

stylus

Jeremiah 7:31, Jeremiah 7:31, Job 31:26, Job 31:27, Jeremiah 19:5

4and this is teld to thee, and thou herist, and `enquerist diligentli, and fyndist that it is soth, and abhomynacioun is doon in Israel;

stylus

Deuteronomy 19:18, John 7:51, Deuteronomy 13:12, Deuteronomy 13:14, Deuteronomy 19:18

5thou schalt lede out the man and the womman, that diden a moost cursid thing, to the yatis of thy citee, and thei schulen be oppressid with stoonus.

stylus

Leviticus 24:14, Leviticus 24:14, Joshua 7:25, Joshua 7:25, Leviticus 24:16

6He that schal be slayn, schal perische in the mouth of tweyne, ethir of thre witnessis; no man be slayn, for o man seith witnessyng ayens hym.

stylus

Numbers 35:30, Numbers 35:30, 1 Timothy 5:19, Hebrews 10:28, Matthew 18:16

7The hond of witnessis schal first sle hym, and the last hond of the tothir puple schal be sent, that thou do awei yuel fro the myddis of thee.

stylus

Deuteronomy 13:9, Deuteronomy 13:9, 1 Corinthians 5:13, 1 Corinthians 5:13, Deuteronomy 17:12

8If thou perseyuest, that hard and douteful doom is at thee, bitwixe blood and blood, cause and cause, lepre and not lepre, and thou seest that the wordis of iugis with ynne thi yatis ben dyuerse; rise thou, and stie to the place which thi Lord God hath choose;

stylus

Deuteronomy 12:5, Deuteronomy 12:5, Haggai 2:11, Haggai 2:11, Deuteronomy 1:17

9and thou schalt come to the preestis of the kyn of Leuy, and to the iuge which is in that tyme, and thou schalt axe of hem, whiche schulen schewe to thee the treuthe of doom.

stylus

Ezekiel 44:24, Ezekiel 44:24, Haggai 2:11, Malachi 2:7, Haggai 2:11

10And thou schalt do, what euer thing thei seien, that ben souereyns in the place which the Lord chees, and techen thee bi the lawe of the Lord;

stylus

Matthew 22:2, Matthew 22:3, Matthew 22:2, Matthew 22:3

11thou schalt sue the sentence of hem; thou schalt not bowe to the riyt side, ether to the lefte.

stylus

Joshua 1:7, Joshua 1:7, Titus 3:1, Jude 1:8, 2 Peter 2:10

12Forsothe that man schal die, which is proud, and nyle obeie to the comaundement of the preest, `that mynystrith in that tyme to thi Lord God, and to the sentence of iuge, and thou schalt do awei yuel fro the myddis of Israel;

stylus

Numbers 15:30, Deuteronomy 13:5, Numbers 15:30, Deuteronomy 13:5, 1 Timothy 5:20

13and al the puple schal here, and drede, that no man fro thennus forth bolne with pride.

stylus

Deuteronomy 13:11, Deuteronomy 13:11, Deuteronomy 19:20, Deuteronomy 19:20, Numbers 15:30

14Whanne thou hast entrid in to the lond, which thi Lord God schal yyue to thee, and weldist it, and dwellist therynne, and seist, Y schal ordeyne a kyng on me, as alle naciouns `bi cumpas han;

stylus

1 Samuel 8:19, 1 Samuel 8:20, 1 Samuel 8:19, 1 Samuel 8:20, Joshua 1:13

15thou schalt ordeyne hym , whom thi Lord God chesith of the noumbre of thi brethren. Thou schalt not mow make king a man of anothir folk, which man is not thi brother.

stylus

Jeremiah 30:21, Jeremiah 30:21, 1 Chronicles 22:10, 1 Chronicles 22:10, 1 Chronicles 12:23

16And whanne the king is ordeyned, he schal not multiplie horsis to hym, nethir he schal lede ayen the puple in to Egipt, nethir he schal be reisid bi the noumbre of knyytis, moost sithen the Lord comaundide to you, that ye turne no more ayen bi the same weie.

stylus

Isaiah 31:1, Isaiah 31:3, Isaiah 31:1, Isaiah 31:3, Deuteronomy 28:68

17The kyng schal not haue ful many wyues, that drawen his soule `to ouer myche fleischlynesse, nether `he schal haue grete burthuns of siluer and of gold.

stylus

Nehemiah 13:26, Nehemiah 13:26, Proverbs 30:8, Proverbs 30:9, Matthew 19:5

18Forsothe after that he hath sete in the trone of his rewme, he schal write to himsilf the deuteronomy of this lawe in a `volym ether book, and he schal take `a saumpler at preestis of `the kyn of Leuy;

stylus

2 Kings 11:12, Deuteronomy 31:9, 2 Kings 11:12, Deuteronomy 31:9, 2 Chronicles 34:15

19and he schal haue it with hym , and he schal rede it in alle the daies of his lijf, that he lerne to drede his Lord God, and to kepe hise wordis and cerymonyes, that ben comaundid in the lawe;

stylus

Joshua 1:8, Joshua 1:8, Psalms 119:97, Psalms 119:100, Psalms 119:97

20nether his herte be reisid in to pride on hise brithren, nether bowe he in to the riyt side, ether left side, that he regne long tyme, he and hise sones on Israel.

stylus

1 Kings 15:5, Deuteronomy 5:32, 1 Kings 15:5, Deuteronomy 5:32, Psalms 131:1