1And while thei spaken to the puple, the preestis and magistratis of the temple, and the Saduceis camen vpon hem, and soreweden,

stylus

2 Thessalonians 1:8, 2 Thessalonians 1:8, 2 Peter 3:7, 2 Peter 3:7, Malachi 3:2

2that thei tauyten the puple, and telden in Jhesu the ayenrisyng fro deth.

stylus

Jeremiah 33:6, Jeremiah 33:6, Psalms 84:11, Psalms 84:11, Isaiah 30:26

3And thei leiden hondis on hem, and puttiden hem in to warde in to the morewe; for it was thanne euentid.

stylus

Job 40:12, Job 40:12, Zechariah 10:5, Romans 16:20, Zechariah 10:5

4But manye of hem that hadden herd the word, bileueden; and the noumbre of men was maad fyue thousyndis.

stylus

Deuteronomy 4:10, Deuteronomy 4:10, Galatians 5:13, Galatians 5:14, James 2:9

5And amorewe it was don, that the princis of hem, and eldre men and scribis weren gadirid in Jerusalem;

stylus

Luke 1:17, Luke 1:17, Matthew 17:10, Matthew 17:13, Matthew 17:10

6and Annas, prince of preestis, and Caifas, and Joon, and Alisaundre, and hou manye euere weren of the kynde of preestis.

stylus

Luke 1:16, Luke 1:17, Luke 1:16, Luke 1:17, Isaiah 11:4

7And thei settiden hem in the myddil, and axiden, In what vertue, ether in what name, han ye don this thing?

stylus

8Thanne Petre was fillid with the Hooli Goost, and seide to hem, Ye pryncis of the puple, and ye eldre men, here ye.

stylus

9If we to dai be demyd in the good dede of a sijk man, in whom this man is maad saaf,

stylus

10be it knowun to you alle, and to al the puple of Israel, that in the name of Jhesu Crist of Nazareth, whom ye crucifieden, whom God reiside fro deth, in this this man stondith hool bifor you.

stylus

11This is the stoon, which was repreued of you bildinge, which is maad in to the heed of the corner;

stylus

12and heelthe is not in ony othir. For nether other name vndur heuene is youun to men, in which it bihoueth vs to be maad saaf.

stylus

13And thei siyen the stidfastnesse of Petre and of Joon, for it was foundun that thei weren men vnlettrid, and lewid men, and thei wondriden, and knewen hem that thei weren with Jhesu.

stylus

14And thei siyen the man that was helid, stondinge with hem, and thei myyten no thing ayenseie.

stylus

15But thei comaundiden hem to go forth with out the counsel. And thei spaken togidere,

stylus

16and seiden, What schulen we do to these men? for the signe is maad knowun bi hem to alle men, that dwellen at Jerusalem; it is opyn, and we moun not denye.

stylus

17But that it be no more pupplischid in to the puple, manasse we to hem, that thei speke no more in this name to ony men.

stylus

18And thei clepiden hem, and denounsiden to hem, that on no maner thei schulden speke, nether teche, in the name of Jhesu.

stylus

19But Petre and Joon answeriden, and seiden to hem, If it be riytful in the siyt of God to here you rather than God, deme ye.

stylus

20For we moten nedis speke tho thingis, that we han sayn and herd.

stylus

21And thei manassiden, and leften hem, and foundun not hou thei schulden punische hem, for the puple; for alle men clarifieden that thing that was don in that that was bifalle.

stylus

22For the man was more than of fourty yeer, in which this signe of heelthe was maad.

stylus

23And whanne thei weren delyuerid, thei camen to her felowis, and telden to hem, hou grete thingis the princis of preestis and the eldre men hadden seid to hem.

stylus

24And whanne thei herden, with oon herte thei reiseden vois to the Lord, and seiden, Lord, thou that madist heuene and erthe, see, and alle thingis that ben in hem, which seidist bi the Hooli Goost,

stylus

25bi the mouth of oure fadir Dauid, thi child, Whi hethen men gnastiden with teeth togidre, and the puplis thouyten veyn thingis?

stylus

26Kyngis of the erthe stoden nyy, and princis camen togidre `in to oon, ayens the Lord, and ayens his Crist.

stylus

27For verili Eroude and Pounce Pilat, with hethene men, and puplis of Israel, camen togidre in this citee ayens thin hooli child Jhesu,

stylus

28whom thou anoyntidist, to do the thingis, that thin hoond and thi counsel demyden to be don.

stylus

29And now, Lord, biholde in to the thretnyngis of hem, and graunte to thi seruauntis to speke thi word with al trist,

stylus

30in that thing that thou holde forth thin hond, that heelthis and signes and wondris be maad bi the name of thin hooli sone Jhesu.

stylus

31And whanne thei hadden preyed, the place was moued, in which thei weren gaderid; and alle weren fillid with the Hooli Goost, and spaken the word of God with trist.

stylus

32And of al the multitude of men bileuynge was oon herte and oon wille; nether ony man seide ony thingis of tho thingis that he weldide to be his owne, but alle thingis weren comyn to hem.

stylus

33And with greet vertu the apostlis yeldiden witnessyng of the ayenrysyng of Jhesu Crist oure Lord, and greet grace was in alle hem.

stylus

34For nether ony nedi man was among hem, for how manye euere weren possessouris of feeldis, ether of housis, thei seelden, and brouyten the pricis of tho thingis that thei seelden,

stylus

35and leiden bifor the feet of the apostlis. And it was departid to ech, as it was nede to ech.

stylus

36Forsothe Joseph, that was named Barsabas of apostlis, that is to seie, the sone of coumfort, of the lynage of Leuy,

stylus

37a man of Cipre, whanne he hadde a feeld, seelde it, and brouyte the prijs, and leide it bifor the feet of apostlis.

stylus