1Forsothe aftir that Ruth turnede ayen to hir modir in lawe, Ruth herde of hir, My douytir, Y schal seke reste to thee, and Y schal purueye that it be wel to thee.

stylus

Ruth 1:9, Ruth 1:9, 1 Timothy 5:8, 1 Timothy 5:8, 1 Timothy 5:14

2This Booz, to whose damesels thou were ioyned in the feeld, is oure kynesman, and in this niyt he wyndewith the corn floor of barli.

stylus

Deuteronomy 25:5, Deuteronomy 25:10, Deuteronomy 25:5, Deuteronomy 25:10, Ruth 2:20

3Therfor be thou waischun, and anoyntid, and be thou clothid with onestere clothis, and go doun in to the corn floor; the man, `that is, Booz, se not thee, til he haue endid the mete and drynke.

stylus

2 Samuel 14:2, 2 Samuel 14:2, 1 Timothy 2:9, 1 Timothy 2:10, 1 Timothy 2:9

4Forsothe whanne he goth to slepe, marke thou the place `in which he slepith; and thou schalt come and vnhile the cloth, `with which he is hilid, fro the part of the feet, and thou schalt caste thee doun, and thou schalt ly there. Forsothe he schal seie to thee, what thou `owist to do.

stylus

1 Thessalonians 5:22, 1 Thessalonians 5:22

5Which answeride, What euer thing thou comaundist, Y schal do.

stylus

Colossians 3:20, Colossians 3:20, Ephesians 6:1, Ephesians 6:1

6And sche yede doun in to the corn floor, and dide alle thingis whiche hir modir in lawe comaundide to hir.

stylus

Proverbs 1:8, Proverbs 1:8, John 2:5, Exodus 20:12, John 2:5

7And whanne Booz hadde ete and drunke, and was maad gladere, and hadde go to slepe bisidis the `heep of handfuls, sche cam, and hidde hir silf; and whanne the cloth was vnhilid fro `hise feet, sche castide doun hir silf.

stylus

Judges 19:6, Esther 1:10, Judges 19:6, Esther 1:10, Judges 19:9

8And lo! now at mydnyyt `the man dredde, and was troblid; and he siy a womman lyggynge at hise feet;

stylus

9and he seide to hir, Who art thou? Sche answeride, Y am Ruth, thin handmayde; stretche forth thi cloth on thi seruauntesse, for thou art nyy of kyn.

stylus

Ezekiel 16:8, Ezekiel 16:8, Ruth 2:20, Ruth 2:20, Ruth 3:12

10And he seide, Douytir, thou art blessid of the Lord, and thou hast ouercome the formere mercy with the lattere; for thou `suedist not yonge men, pore ethir riche.

stylus

Ruth 2:20, Ruth 2:20, 1 Corinthians 13:4, 1 Corinthians 13:5, Ruth 1:8

11Therfor `nyle thou drede, but what euer thing thou schalt seie to me, Y schal do to thee; for al the puple that dwellith with ynne the yatis of my cytee woot, that thou art a womman of vertu.

stylus

Proverbs 31:29, Proverbs 31:31, Proverbs 31:29, Proverbs 31:31, Proverbs 31:10

12And Y forsake not, that Y am of nyy kyn, but another man is neer than Y;

stylus

Ruth 4:1, Ruth 4:1, 1 Thessalonians 4:6, 1 Thessalonians 4:6, Matthew 7:12

13reste thou in this nyyt, and whanne the morewtid is maad, if he wole holde thee bi riyt of nyy kyn, the thing is wel doon; forsothe if he nyle, Y schal take thee with outen ony doute, the Lord lyueth, `that is, bi the Lord lyuynge; slepe thou til the morewtid.

stylus

Jeremiah 4:2, Ruth 4:5, Jeremiah 4:2, Ruth 4:5, Ruth 2:20

14Therfore sche slepte at `hise feet til to the goyng awey of nyyt, and so sche roos bifor that men knewen `hem silf togidere. And Booz seide to hir, Be thou war lest ony man knowe, that thou camest hidir.

stylus

2 Corinthians 8:21, 2 Corinthians 8:21, Romans 14:16, Romans 14:16, 1 Corinthians 10:32

15And eft he seide, Stretche forth thi mentil `with which thou `art hilid, and holde thou with euer either hond. And while sche stretchide forth and helde, he mete sixe buyschels of barly, and `puttide on hir; and sche bar, and entride in to the citee,

stylus

Isaiah 32:8, Galatians 6:10, Isaiah 32:8, Galatians 6:10

16and cam to hir modir in lawe. Which seide to Ruth, What hast thou do, douyter? And Ruth telde to hir alle thingis, whyche `the man hadde do to hir.

stylus

17And Ruth seide, Lo! he yaf to me sixe buyschels of barly; and he seide, Y nyle that thou turne ayen voide to thi modir in lawe.

stylus

18And Noemy seide, Abide, douytir, til we sien what issu the thing schal haue; for the man schal not ceesse, no but he fille tho thingis whiche he spak.

stylus

Psalms 37:3, Psalms 37:5, Psalms 37:3, Psalms 37:5, Isaiah 28:16