1Forsothe a myyti man and a man `of grete richessis, `Booz bi name, `was kynysman of Elymelech.

stylus

Ruth 4:21, Ruth 4:21, Ruth 3:12, Ruth 3:2, Ruth 3:12

2And Ruth of Moab seide to hir modir in lawe, If thou comaundist, Y schal go in to the feeld, and Y schal gadere eeris of corn that fleen the hondis of reperis, where euer Y schal fynde grace of an hosebonde man merciful in me. To whom sche answeride, Go, my douyter.

stylus

Leviticus 23:22, Leviticus 23:22, Leviticus 19:9, Leviticus 19:9, Deuteronomy 24:19

3Therfor `sche yede, and gaderide eeris of corn after the backis of reperis. Forsothe it bifelde, that `thilke feeld hadde a lord, Booz bi name, that was of the kynrede of Elymelech.

stylus

Luke 10:31, Matthew 10:29, 2 Thessalonians 3:12, Luke 10:31, Matthew 10:29

4And lo! he cam fro Bethleem. And he seide to the reperis, The Lord be with you. Whiche answeriden to hym, The Lord blesse thee.

stylus

Psalms 129:7, Psalms 129:8, Psalms 129:7, Psalms 129:8, Judges 6:12

5And Booz seide to the yong man that was souereyn to the reperis, Who is this damysel?

stylus

Ruth 4:21, 1 Chronicles 2:11, 1 Chronicles 2:12, Ruth 4:21, 1 Chronicles 2:11

6Whiche answeride, This is the womman of Moab, that cam with Noemy fro the cuntrey of Moab; and sche preiede,

stylus

Ruth 1:22, Ruth 1:22, Genesis 39:4, Genesis 15:2, Genesis 24:2

7that sche schulde gedere eeris of corn leeuynge bihynde, and sue the `steppis of reperis; and fro the morewtid til now sche stondith in the feeld, and sotheli nethir at a moment sche turnede ayen hoom.

stylus

Proverbs 18:23, Proverbs 13:4, Proverbs 15:33, Proverbs 22:29, Proverbs 18:23

8And Booz seide to Ruth, Douytir, here thou; go thou not in to anothir feelde to gadere, nether go awei fro this place, but be thou ioyned to my dameselis,

stylus

2 Kings 5:13, 2 Kings 5:13, Song of Solomon 1:7, Song of Solomon 1:8, Song of Solomon 1:7

9and sue thou where thei repen; for Y comaundide to my children, that `no man be diseseful to thee; but also if thou thirstist, go to the fardels, and drynke `watris, of whiche my children drynken.

stylus

1 John 5:18, 1 John 5:18, Genesis 20:6, Genesis 20:6, 1 Corinthians 7:1

10And sche felde on hir face, and worschipide on the erthe; and seide to hym, Wherof is this to me, that Y schulde fynde grace bifor thin iyen, that thou woldist knowe me a straunge womman?

stylus

1 Samuel 25:23, 1 Samuel 25:23, Ruth 2:13, Ruth 2:13, Luke 1:48

11To whom he answeride, Alle thingis ben teld to me, whiche thou didist to thi modir in lawe after the deeth of thin hosebonde, and that thou hast forsake thi fadir and modir, and the lond `in which thou were borun, and hast come to a puple, whom thou `knowist not bifore.

stylus

Luke 14:33, Luke 14:33, Luke 18:29, Luke 18:30, Luke 18:29

12The Lord yelde to thee for thi werk, and resseyue thou ful mede of the Lord God of Israel, to whom thou camest, and vndir whose wengis thou fleddist.

stylus

Psalms 36:7, Psalms 36:7, Psalms 91:4, Psalms 91:4, Psalms 63:7

13And sche seide, My lord, Y haue founde grace bifor thin iyen, which hast coumfortid me, and hast spoke to the herte of thin handmaide, which am not lijk oon of thi damesels.

stylus

1 Samuel 1:18, 1 Samuel 1:18, Genesis 33:8, Genesis 34:3, Genesis 33:8

14And Booz seide to hir, Whanne the our of etyng is, come thou hidur, and ete breed, and wete thi mussel in vynegre. Therfor sche sat at the `side of reperis; and he dresside to hir potage, and sche eet, and was fillid; and sche took the relifs.

stylus

Ruth 2:18, Ruth 2:18, Matthew 14:20, Deuteronomy 8:10, 2 Kings 4:43

15And sche roos fro thennus to gadere eeris of corn bi custom. Forsothe Booz comaundide to hise children, and seide, Also if sche wole repe with you,

stylus

James 1:5, James 1:5

16forbede ye not hir, and also `of youre handfuls caste ye forth of purpos, and suffre ye to abide, that sche gadere with out schame; and no man repreue hir gaderynge.

stylus

Romans 12:13, Deuteronomy 24:19, Deuteronomy 24:21, 1 John 3:17, 1 John 3:18

17Therfor sche gaderide in the feeld `til to euentid; and sche beet with a yerde, and schook out tho thingis that sche hadde gaderid; and sche foond of barly as the mesure of ephi, that is, thre buschels.

stylus

Proverbs 31:27, Ezekiel 45:11, Ezekiel 45:12, Proverbs 31:27, Ezekiel 45:11

18Which sche bar, and turnede ayen in to the citee, and schewide to hir modir in lawe; ferthermore sche brouyte forth, `and yaf to hir the relifs of hir mete, with which mete sche was fillid.

stylus

Ruth 2:14, Ruth 2:14, John 6:12, John 6:13, 1 Timothy 5:4

19And the modir in lawe seide to hir, Where `gaderidist thou to dai, and where `didist thou werk? Blessid be he, that hadde mercy on thee. And sche telde to hir, at whom sche wrouyte; and sche seide the name `of the man, that he was clepid Booz.

stylus

Psalms 41:1, Ruth 2:10, Psalms 41:1, Ruth 2:10, 1 Kings 7:21

20To whom Noemy answeride, Blessid be he of the Lord, for he kepte also to deed men the same grace, which he yaf to the quike. And eft sche seide, He is oure kynysman.

stylus

2 Samuel 2:5, Ruth 3:9, Ruth 3:10, 2 Samuel 2:5, Ruth 3:9

21And Ruth seide, Also he comaundide this to me, that so longe Y schulde be ioyned to hise reperis, til alle the cornes weren repid.

stylus

Ruth 2:7, Ruth 2:8, Song of Solomon 1:7, Song of Solomon 1:8, Ruth 2:22

22To whom hir modir in lawe seide, My douyter, it is betere that thou go `out to repe with hise damysels, lest in another feeld ony man ayenstonde thee.

stylus

Song of Solomon 1:8, Song of Solomon 1:8, Proverbs 27:10, Proverbs 27:10

23`Therfor sche was ioyned to the damesels of Booz; and so longe sche rap with hem, til bothe barli and wheete weren closid in the bernys.

stylus

Proverbs 6:6, Proverbs 6:8, Proverbs 13:1, Ephesians 6:1, Ephesians 6:3