1But we saddere men owen to susteyne the feblenesses of sijke men, and not plese to vs silf.

stylus

2Eche of vs plese to his neiybore in good, to edificacioun.

stylus

3For Crist pleside not to hym silf, as it is writun, The repreues of men dispisynge thee, felden on me.

stylus

4For what euere thingis ben writun, tho ben writun to oure techynge, that bi pacience and coumfort of scripturis we haue hope.

stylus

5But God of pacience and of solace yyue to you to vndurstonde the same thing, ech in to othere aftir Jhesu Crist,

stylus

6that ye of o wille with o mouth worschipe God and the fadir of oure Lord Jhesu Crist.

stylus

7For which thing take ye togidere, as also Crist took you in to the onour of God.

stylus

8For Y seie, that Jhesu Crist was a mynystre of circumcisioun for the treuthe of God, to conferme the biheestis of fadris.

stylus

9And hethene men owen to onoure God for merci; as it is writun, Therfor, Lord, Y schal knowleche to thee among hethene men, and Y schal synge to thi name.

stylus

10And eft he seith, Ye hethene men, be ye glad with his puple.

stylus

11And eft, Alle hethene men, herie ye the Lord; and alle puplis, magnefie ye hym.

stylus

12And eft Isaie seith, Ther schal be a roote of Jesse, that schal rise vp to gouerne hethene men, and hethene men schulen hope in hym.

stylus

13And God of hope fulfille you in al ioye and pees in bileuynge, that ye encrees in hope and vertu of the Hooli Goost.

stylus

14And, britheren, Y my silf am certeyn of you, that also ye ben ful of loue, and ye ben fillid with al kunnyng, so that ye moun moneste ech other.

stylus

15And, britheren, more boldli Y wroot to you a parti, as bryngynge you in to mynde, for the grace that is youun to me of God,

stylus

16that Y be the mynystre of Crist Jhesu among hethene men. And Y halewe the gospel of God, that the offryng of hethene men be acceptid, and halewid in the Hooli Goost.

stylus

17Therfor Y haue glorie in Crist Jhesu to God.

stylus

18For Y dar not speke ony thing of tho thingis, whiche Crist doith not bi me, in to obedience of hethene men, in word and dedis,

stylus

19in vertu of tokenes and grete wondris, in vertu of the Hooli Goost, so that fro Jerusalem bi cumpas to the Illirik see Y haue fillid the gospel of Crist.

stylus

20And so Y haue prechid this gospel, not where Crist was named, lest Y bilde vpon anotheres ground, but as it is writun,

stylus

21For to whom it is not teld of him, thei schulen se, and thei that herden not, schulen vndurstonde.

stylus

22For which thing Y was lettid ful myche to come to you, and Y am lettid to this tyme.

stylus

23And now Y haue not ferthere place in these cuntrees, but Y haue desire to come to you, of many yeris that ben passid.

stylus

24Whanne Y bygynne to passe in to Spayne, Y hope that in my goyng Y schal se you, and of you Y schal be led thidur, if Y vse you first in parti.

stylus

25Therfor now Y schal passe forth to Jerusalem, to mynystre to seyntis.

stylus

26For Macedonye and Acaie han assaied to make sum yifte to pore men of seyntis, that ben in Jerusalem.

stylus

27For it pleside to hem, and thei ben dettouris of hem; for hethene men ben maad parteneris of her goostli thingis, thei owen also in fleischli thingis to mynystre to hem.

stylus

28Therfor whanne Y haue endid this thing, and haue asigned to hem this fruyt, Y schal passe bi you in to Spayne.

stylus

29And Y woot, that Y comynge to you, schal come `in to the abundaunce of the blessing of Crist.

stylus

30Therfor, britheren, Y biseche you bi oure Lord Jhesu Crist, and bi charite of the Hooli Goost, that ye helpe me in youre preyeris to the Lord,

stylus

31that Y be delyuerid fro the vnfeithful men, that ben in Judee, and that the offryng of my seruyce be acceptid in Jerusalem to seyntis;

stylus

32that Y come to you in ioye, bi the wille of God, and that Y be refreischid with you. And God of pees be with you alle. Amen.

stylus