1The birthun that Abacuk, the profete, sai.

stylus

Zechariah 14:5, Zechariah 14:5, 2 Chronicles 26:1, 2 Chronicles 26:23, Amos 7:14

2Hou longe, Lord, schal Y crye, and thou schalt not here? Y suffrynge violence schal crie an hiy to thee, and thou schalt not saue?

stylus

Joel 3:16, Joel 3:16, Jeremiah 25:30, Jeremiah 25:30, Amos 9:3

3Whi schewidist thou to me wickidnesse and trauel, for to se prey and vnriytwisnesse ayens me? Whi biholdist thou dispiseris, and art stille, the while an vnpitouse man defoulith a riytfulere than hym silf? And thou schalt make men as fischis of the see, and as crepynge thingis not hauynge a ledere; and doom is maad, and ayenseiyng is more miyti.

stylus

2 Kings 10:32, 2 Kings 10:33, Amos 2:6, Amos 1:9, Isaiah 8:4

4For this thing lawe is `to-brokun, and doom cometh not til to the ende; for the vnpitouse man hath miyt ayens the iust, therfor weiward doom schal go out.

stylus

Jeremiah 49:27, Jeremiah 49:27, 2 Kings 13:3, Jeremiah 17:27, 2 Kings 6:24

5Biholde ye in hethene men, and se ye, and wondre ye, and greetli drede ye; for a werk is doon in youre daies, which no man schal bileue, whanne it schal be teld.

stylus

2 Kings 16:9, 2 Kings 16:9, Amos 9:7, Amos 9:7, Jeremiah 51:30

6For lo! Y schal reise Caldeis, a bittir folk and swift, goynge on the breede of erthe, that he welde tabernaclis not hise.

stylus

2 Chronicles 28:18, Amos 1:11, 2 Chronicles 28:18, Amos 1:11, Obadiah 1:11

7It is orible, and dredeful; the dom and birthun therof schal go out of it silf.

stylus

Jeremiah 47:1, 2 Kings 18:8, Zephaniah 2:4, Jeremiah 47:1, 2 Kings 18:8

8His horsis ben liytere than pardis, and swifter than euentyd woluys, and hise horse men schulen be scaterid abrood; for whi `horse men schulen come fro fer, thei schulen fle as an egle hastynge to ete.

stylus

Ezekiel 25:16, Ezekiel 25:16, Isaiah 14:29, Isaiah 14:31, Isaiah 14:29

9Alle men schulen come to preye, the faces of hem is as a brennynge wynd; and he schal gadere as grauel caitifte,

stylus

1 Kings 9:11, 1 Kings 9:14, Isaiah 23:1, Isaiah 23:18, 1 Kings 9:11

10and he schal haue victorie of kyngis, and tirauntis schulen be of his scornyng. He schal leiye on al strengthe, and schal bere togidere heep of erthe, and schal take it.

stylus

Zechariah 9:4, Zechariah 9:4, Ezekiel 26:12, Amos 1:7, Amos 1:4

11Thanne the spirit schal be chaungid, and he schal passe forth, and falle doun; this is the strengthe of hym, of his god.

stylus

Ezekiel 25:12, Ezekiel 25:14, Ezekiel 25:12, Ezekiel 25:14, 2 Chronicles 28:17

12Whether `thou, Lord, art not my God, myn hooli, and we schulen not die? Lord, in to doom thou hast set hym, and thou groundidist hym strong, that thou schuldist chastise.

stylus

Jeremiah 49:7, Jeremiah 49:20, Obadiah 1:9, Obadiah 1:10, Jeremiah 49:7

13Thin iyen ben clene, se thou not yuel, and thou schalt not mowe biholde to wickidnesse. Whi biholdist thou not on men doynge wickidli, and thou art stille, while the vnpitouse man deuourith a more iust man than hymsilf?

stylus

Hosea 13:16, Ezekiel 25:2, Ezekiel 25:7, Hosea 13:16, Ezekiel 25:2

14And thou schalt make men as fischis of the see, and as a crepynge thing not hauynge prince.

stylus

Deuteronomy 3:11, Jeremiah 49:2, Amos 2:2, Deuteronomy 3:11, Jeremiah 49:2

15He schal lifte vp al in the hook; he drawide it in his greet net, and gaderide in to his net; on this thing he schal be glad, and make ioie with outforth.

stylus

Jeremiah 49:3, Jeremiah 49:3

16Therfore he schal offere to his greet net, and schal make sacrifice to his net; for in hem his part is maad fat, and his mete is chosun.

stylus

17Therfor for this thing he spredith abrood his greet net, and euere more he ceesith not for to sle folkis.

stylus