1Thanne Jhesus was led of a spirit in to desert, to be temptid of the feend.

stylus

2And whanne he hadde fastid fourti daies and fourti nyytis, aftirward he hungride.

stylus

3And the tempter cam nyy, and seide to hym, If thou art Goddis sone, seie that thes stoones be maad looues.

stylus

4Which answeride, and seide to hym, It is writun, Not oonli in breed luyeth man, but in ech word that cometh of Goddis mouth.

stylus

5Thanne the feend took hym in to the hooli citee, and settide hym on the pynacle of the temple,

stylus

6and seide to hym, If thou art Goddis sone, sende thee adoun; for it is writun, That to hise aungels he comaundide of thee, and thei schulen take thee in hondis, lest perauenture thou hirte thi foot at a stoon.

stylus

7Eftsoone Jhesus seide to hym, It is writun, Thou shalt not tempte thi Lord God.

stylus

8Eftsoone the feend took hym in to a ful hiy hil, and schewide to hym alle the rewmes of the world, and the ioye of hem;

stylus

9and seide to hym, Alle these `Y schal yyue to thee, if thou falle doun and worschipe me.

stylus

10Thanne Jhesus seide to hym, Goo, Sathanas; for it is writun, Thou schalt worschipe thi Lord God, and to hym aloone thou shalt serue.

stylus

11Thanne the feend lafte hym; and lo! aungels camen nyy, and serueden to hym.

stylus

12But whanne Jhesus hadde herd that Joon was takun, he wente in to Galilee.

stylus

13And he lefte the citee of Nazareth, and cam, and dwelte in the citee of Cafarnaum, biside the see, in the coostis of Zabulon and Neptalym,

stylus

14that it shulde be fulfillid, that was seid by Ysaie, the profete, seiynge,

stylus

15The lond of Sabulon and the lond of Neptalym, the weie of the see ouer Jordan, of Galilee of hethen men,

stylus

16the puple that walkide in derknessis saye greet liyt, and while men satten in the cuntre of shadewe of deth, liyt aroos to hem.

stylus

17Fro that tyme Jhesus bigan to preche, and seie, Do ye penaunce, for the kyngdom of heuenes schal come niy.

stylus

18And Jhesus walkide bisidis the see of Galilee, and saye twei britheren, Symount, that is clepid Petre, and Andrewe, his brothir, castynge nettis in to the see; for thei weren fischeris.

stylus

19And he seide to hem, Come ye aftir me, and Y shal make you to be maad fisscheris of men.

stylus

20And anoon thei leften the nettis, and sueden hym.

stylus

21And he yede forth fro that place, and saie tweyne othere britheren, James of Zebede, and Joon, his brother, in a schip with Zebede, her fadir, amendynge her nettis, and he clepide hem.

stylus

22And anoon thei leften the nettis and the fadir, and sueden hym.

stylus

23And Jhesus yede aboute al Galilee, techynge in the synagogis of hem, and prechynge the gospel of the kyngdom, and heelynge euery languor and eche sekenesse among the puple.

stylus

24And his fame wente in to al Sirie; and thei brouyten to hym alle that weren at male ese, and that weren take with dyuerse languores and turmentis, and hem that hadden feendis, and lunatike men, and men in palesy, and he heelide hem.

stylus

25And ther sueden hym myche puple of Galile, and of Decapoli, and of Jerusalem, and of Judee, and of biyende Jordan.

stylus