1Thanne the kyngdoom of heuenes schal be lijk to ten virgyns, whiche token her laumpis, and wenten out ayens the hosebonde and the wijf;

stylus

2and fyue of hem weren foolis, and fyue prudent.

stylus

3But the fyue foolis token her laumpis, and token not oile with hem;

stylus

4but the prudent token oile in her vessels with the laumpis.

stylus

5And whilis the hosebonde tariede, alle thei nappiden and slepten.

stylus

6But at mydnyyt a cryy was maad, Lo! the spouse cometh, go ye oute to mete with him.

stylus

7Thanne alle tho virgyns risen vp, and araieden her laumpis.

stylus

8And the foolis seiden to the wise, Yyue ye to vs of youre oile, for oure laumpis ben quenchid.

stylus

9The prudent answeriden, and seiden, Lest perauenture it suffice not to vs and to you, go ye rather to men that sellen, and bie to you.

stylus

10And while thei wenten for to bie, the spouse cam; and tho that weren redi, entreden with him to the weddyngis; and the yate was schit.

stylus

11And at the last the othere virgyns camen, and seiden, Lord, lord, opene to vs.

stylus

12And he answeride, and seide, Treuli Y seie to you, Y knowe you not.

stylus

13Therfor wake ye, for ye witen not the dai ne the our.

stylus

14For as a man that goith in pilgrimage, clepide hise seruauntis, and bitook to hem hise goodis;

stylus

15and to oon he yaf fyue talentis, and to another tweyne, and to another oon, to ech after his owne vertu; and wente forth anoon.

stylus

16And he that hadde fyue besauntis, wente forth, and wrouyte in hem, and wan othere fyue.

stylus

17Also and he that hadde takun tweyne, wan othere tweyne.

stylus

18But he that hadde takun oon, yede forth, and dalf in to the erthe, and hidde the money of his lord.

stylus

19But after long tyme, the lord of tho seruauntis cam, and rekenede with hem.

stylus

20And he that hadde takun fyue besauntis, cam, and brouyte othere fyue, and seide, Lord, thou bytokist to me fyue besauntis, loo! Y haue getun aboue fyue othere.

stylus

21His lord seide to hym, Wel be thou, good seruaunt and feithful; for on fewe thingis thou hast be trewe, Y schal ordeyne thee on manye thingis; entre thou in to the ioye of thi lord.

stylus

22And he that hadde takun twey talentis, cam, and seide, Lord, thou bitokist to me twey besauntis; loo!

stylus

23Y haue wonnen ouer othir tweyne. His lord seide to him, Wel be thou, good seruaunt and trewe; for on fewe thingis thou hast be trewe, Y schal ordeyne thee on many thingis; entre thou in to the ioie of thi lord.

stylus

24But he that hadde takun o besaunt, cam, and seide, Lord, Y woot that thou art an hard man; thou repist where thou hast not sowe, and thou gederist togidere where thou hast not spred abrood;

stylus

25and Y dredynge wente, and hidde thi besaunt in the erthe; lo! thou hast that that is thin.

stylus

26His lord answeride, and seide to hym, Yuel seruaunt and slowe, wistist thou that Y repe where Y sewe not, and gadir to gidere where Y spredde not abrood?

stylus

27Therfor it bihofte thee to bitake my money to chaungeris, that whanne Y cam, Y schulde resseyue that that is myn with vsuris.

stylus

28Therfor take awei fro hym the besaunt, and yyue ye to hym that hath ten besauntis.

stylus

29For to euery man that hath me schal yyue, and he schal encreese; but fro hym that hath not, also that that hym semeth to haue, schal be taken awey fro him.

stylus

30And caste ye out the vnprofitable seruaunt in to vtmer derknessis; ther schal be wepyng, and gryntyng of teeth.

stylus

31Whanne mannus sone schal come in his maieste, and alle hise aungels with hym, thanne he schal sitte on the sege of his maieste;

stylus

32and alle folkis schulen be gaderid bifor hym,

stylus

33and he schal departe hem atwynne, as a scheeperde departith scheep from kidis; and he schal sette the scheep on his riythalf, and the kidis on the lefthalf.

stylus

34Thanne the kyng schal seie to hem, that schulen be on his riythalf, Come ye, the blessid of my fadir, take ye in possessioun the kyngdoom maad redi to you fro the makyng of the world.

stylus

35For Y hungride, and ye yauen me to ete; Y thristide, and ye yauen me to drynke; Y was herboreles, and ye herboriden me;

stylus

36nakid, and ye hiliden me; sijk, and ye visitiden me; Y was in prisoun, and ye camen to me.

stylus

37Thanne iust men schulen answere to hym, and seie, Lord, whanne siyen we thee hungry, and we fedden thee; thristi, and we yauen to thee drynk?

stylus

38and whanne sayn we thee herborles, and we herboreden thee; or nakid, and we hiliden thee?

stylus

39or whanne sayn we thee sijk, or in prisoun, and we camen to thee?

stylus

40And the kyng answerynge schal seie to hem, Treuli Y seie to you, as longe as ye diden to oon of these my leeste britheren, ye diden to me.

stylus

41Thanne the kyng schal seie also to hem, that schulen be on his lefthalf, Departe fro me, ye cursid, in to euerlastynge fijr, that is maad redi to the deuel and hise aungels.

stylus

42For Y hungride, and ye yauen not me to ete; Y thristide, and ye yauen not me to drynke;

stylus

43Y was herborles, and ye herberden not me; nakid, and ye keuerden not me; sijk, and in prisoun, and ye visitiden not me.

stylus

44Thanne and thei schulen answere to hym, and schulen seie, Lord, whanne sayn we thee hungrynge, or thristynge, or herboreles, or nakid, or sijk, or in prisoun, and we serueden not to thee?

stylus

45Thanne he schal answere to hem, and seie, Treuli Y seie to you, `hou longe ye diden not to oon of these leeste, nether ye diden to me.

stylus

46And these schulen goo in to euerlastynge turment; but the iust men schulen go in to euerlastynge lijf.

stylus