1Therfor whanne Jhesus was borun in Bethleem of Juda, in the daies of king Eroude, lo! astromyenes camen fro the eest to Jerusalem,

stylus

Isaiah 21:8, Isaiah 21:8, Isaiah 62:6, Isaiah 62:6, 2 Samuel 18:24

2and seiden, Where is he, that is borun king of Jewis? for we han seyn his sterre in the eest, and we comen to worschipe him.

stylus

Isaiah 30:8, Isaiah 30:8, Revelation 14:13, Revelation 14:13, Revelation 1:18

3But king Eroude herde, and was trublid, and al Jerusalem with hym.

stylus

Psalms 27:14, Psalms 27:14, Hebrews 10:36, Hebrews 10:37, Hebrews 10:36

4And he gaderide to gidre alle the prynces of prestis, and scribis of the puple, and enqueride of hem, where Crist shulde be borun.

stylus

Romans 1:17, Romans 1:17, Hebrews 10:38, Hebrews 10:38, Galatians 3:11

5And thei seiden to hym, In Bethleem of Juda; for so it is writun bi a profete,

stylus

Isaiah 5:11, Isaiah 5:12, Isaiah 5:11, Isaiah 5:12, Proverbs 27:20

6And thou, Bethleem, the lond of Juda, art not the leest among the prynces of Juda; for of thee a duyk schal go out, that schal gouerne my puple of Israel.

stylus

Isaiah 14:4, Isaiah 14:19, Numbers 23:7, Jeremiah 50:13, Job 20:15

7Thanne Eroude clepide pryueli the astromyens, and lernyde bisili of hem the tyme of the sterre that apperide to hem.

stylus

Proverbs 29:1, Proverbs 29:1, Jeremiah 50:21, Jeremiah 50:32, Isaiah 47:11

8And he sente hem in to Bethleem, and seide, Go ye, and axe ye bisili of the child, and whanne yee han foundun, telle ye it to me, that Y also come, and worschipe hym.

stylus

Isaiah 33:1, Isaiah 33:1, Habakkuk 2:17, Habakkuk 2:17, Jeremiah 27:7

9And whanne thei hadden herd the kyng, thei wenten forth. And lo! the sterre, that thei siyen in the eest, wente bifore hem, til it cam, and stood aboue, where the child was.

stylus

Jeremiah 49:16, Jeremiah 49:16, Jeremiah 22:13, Jeremiah 22:19, Jeremiah 22:13

10And thei siyen the sterre, and ioyeden with a ful greet ioye.

stylus

Nahum 1:14, 2 Kings 9:26, Nahum 1:14, 2 Kings 9:26, 2 Kings 10:7

11And thei entriden in to the hous, and founden the child with Marie, his modir; and thei felden doun, and worschipiden him. And whanne thei hadden openyd her tresouris, thei offryden to hym yiftis, gold, encense, and myrre.

stylus

Luke 19:40, Luke 19:40, Joshua 24:27, Joshua 24:27, James 5:3

12And whanne thei hadden take an aunswere in sleep, that thei schulden not turne ayen to Eroude, thei turneden ayen bi anothir weie in to her cuntrey.

stylus

Micah 3:10, Micah 3:10, Daniel 4:27, Daniel 4:31, Nahum 3:1

13And whanne thei weren goon, lo! the aungel of the Lord apperide to Joseph in sleep, and seide, Rise vp, and take the child and his modir, and fle in to Egipt, and be thou there, til that I seie to thee; for it is to come, that Eroude seke the child, to destrie hym.

stylus

Jeremiah 51:58, Jeremiah 51:58, Isaiah 50:11, Isaiah 50:11, Isaiah 41:5

14And Joseph roos, and took the child and his modir bi nyyt, and wente in to Egipt,

stylus

Isaiah 11:9, Isaiah 11:9, Psalms 22:27, Psalms 22:27, Psalms 72:19

15and he was there to the deeth of Eroude; that it schulde be fulfillid, that was seid of the Lord bi the profete, seiynge, Fro Egipt Y haue clepid my sone.

stylus

Jeremiah 51:7, Jeremiah 51:7, Genesis 9:22, Genesis 9:22, Revelation 17:6

16Thanne Eroude seynge that he was disseyued of the astromyens, was ful wrooth; and he sente, and slowe alle the children, that weren in Bethleem, and in alle the coostis therof, fro two yeer age and with inne, aftir the tyme that he had enquerid of the astromyens.

stylus

Isaiah 47:3, Isaiah 47:3, Nahum 3:5, Nahum 3:6, Nahum 3:5

17Thanne `it was fulfillid, that was seid bi Jeremye, the profete,

stylus

Habakkuk 2:8, Habakkuk 2:8, Psalms 55:23, Zechariah 11:1, Psalms 55:23

18seiynge, A vois was herd an hiy, wepynge and moche weilyng, Rachel biwepynge hir sones, and she wolde not be coumfortid, for thei ben noyt.

stylus

Jeremiah 10:8, Jeremiah 10:8, 1 Corinthians 12:2, Isaiah 44:9, Isaiah 44:10

19But whanne Eroude was deed, loo! the aungel of the Lord apperide to Joseph in sleep in Egipt,

stylus

Psalms 135:17, Psalms 135:17, Jeremiah 10:4, Jeremiah 10:4, Jeremiah 10:9

20and seide, Ryse vp, and take the child and his modir, and go in to the lond of Israel; for thei that souyten the lijf of the chijld ben deed.

stylus

Zechariah 2:13, Zechariah 2:13, Zephaniah 1:7, Zephaniah 1:7, Psalms 46:10

21Joseph roos, and took the child and his modir, and cam in to the loond of Israel.

stylus

22And he herde that Archilaus regnede in Judee for Eroude, his fadir, and dredde to go thidir. And he was warned in sleep, and wente in to the parties of Galilee;

stylus

23and cam, and dwelte in a citee, that ys clepid Nazareth, that it shulde be fulfillid, that was seid bi profetis, For he shal be clepid a Nazarey.

stylus