1Therfor Sampson yede doun in to Thannatha, and he siy there a womman of `the douytris of Filisteis;

stylus

Joshua 19:43, Joshua 15:10, Joshua 19:43, Joshua 15:10, 1 John 2:16

2and he stiede, and telde to his fadir and `to his modir, and seide, Y siy a womman in Thannatha of the `douytris of Filistees, and Y biseche, that ye take hir a wijf to me.

stylus

Genesis 34:4, Genesis 34:4, Genesis 21:21, Genesis 24:2, Genesis 24:3

3To whom his fadir and modir seiden, Whether no womman is among the douytris of thi britheren and in al my puple, for thou wolt take a wijf of Filisteis, that ben vncircumcidid? And Sampson seide to his fadir, Take thou this wijf to me, for sche pleside myn iyen.

stylus

Judges 15:18, 1 Samuel 17:36, Judges 15:18, 1 Samuel 17:36, 1 Samuel 31:4

4Forsothe his fadir and modir wisten not, that the thing was don of the Lord; and that he souyte occasiouns ayens Filisteis; for in that tyme Filisteis weren lordis of Israel.

stylus

Joshua 11:20, Joshua 11:20, Judges 13:1, Psalms 115:3, Judges 13:1

5Therfor Sampson yede doun with his fadir and modir in to Thannatha; and whanne thei hadden come to the vyneris of the citee, a fers and rorynge `whelp of a lioun apperide, and ran to Sampson.

stylus

6Forsothe the spirit of the Lord felde in to Sampson, and he to-rente the lioun, as if he `to-rendide a kide `in to gobetis, and outerli he hadde no thing in the hond; and he nolde schewe this to the fadir and modir.

stylus

Judges 3:10, Judges 3:10, 1 Samuel 11:6, Judges 13:25, 1 Samuel 11:6

7And he yede doun, and spak to the womman, that pleside hise iyen.

stylus

8And aftir summe daies he turnede ayen to take hir `in to matrimonye; and he `bowide awey to se the `careyn of the lioun; and lo! a gaderyng of bees was in the `mouth of the lioun, and `a coomb of hony.

stylus

Matthew 1:20, Genesis 29:21, Matthew 1:20, Genesis 29:21

9And whanne he hadde take it in hondis, he eet in the weie; and he cam to his fadir and modir, and yaf part `to hem, and thei eeten; netheles he nolde schewe to hem, that he hadde take hony of the `mouth of the lioun.

stylus

1 Samuel 14:25, 1 Samuel 14:30, 1 Samuel 14:25, 1 Samuel 14:30, Proverbs 25:15

10And so his fadir yede doun to the womman, and made a feeste to his sone Sampson; for yonge men weren wont to do so.

stylus

Genesis 29:22, Matthew 22:2, Matthew 22:4, Revelation 19:9, Ecclesiastes 10:19

11Therfor whanne the citeseyns of that place hadden seyn hym, thei yauen to hym thretti felowis, whiche schulen be with hym.

stylus

John 3:29, 1 Samuel 16:6, 1 Samuel 10:23, Matthew 9:15, John 3:29

12To whiche Sampson spak, Y schal putte forth to you a probleme, `that is, a douyteful word and priuy, and if ye `asoilen it to me with ynne seuen daies of the feeste, Y schal yyue to you thretti lynnun clothis, and cootis `of the same noumbre; sotheli if ye moun not soyle,

stylus

Genesis 45:22, 1 Kings 10:1, Ezekiel 17:2, Genesis 45:22, 1 Kings 10:1

13ye schulen yyue to me thretti lynnun clothis, and cootis `of the same noumbre. Whiche answeriden to hym, Sette forth the probleme, that we here it.

stylus

14And he seide to hem, Mete yede out of the etere, and swetnesse yede out of the stronge. And bi thre daies thei myyten not assoile the `proposicioun, that is, the resoun set forth.

stylus

James 1:2, James 1:4, 1 Kings 17:6, James 1:2, James 1:4

15And whanne the seuenthe dai cam, thei seiden to `the wijf of Sampson, Glose thin hosebonde, and counseile hym, that he schewe to thee what the probleme signyfieth. That if thou nylt do, we schulen brenne thee and `the hous of thi fadir. Whether herfor ye clepiden vs to weddyngis, that ye schulden robbe vs?

stylus

Judges 15:6, Judges 16:5, Judges 15:6, Judges 16:5, Proverbs 1:11

16And sche schedde teerys at Sampson, and pleynede, and seide, Thou hatist me, and louest not, therfor thou nylt expowne to me the probleme, which thou settidist forth to the sones of my puple. And he answeride, Y nolde seie to my fadir and modir, and schal Y mow schewe to thee?

stylus

Judges 16:15, Judges 16:15, Genesis 2:24, Genesis 2:24

17Therfor bi seuene dayes of the feest sche wepte at hym; at the laste `he expownede in the seuenthe dai, whanne sche was diseseful to hym. And anoon sche telde to hir citeseyns.

stylus

Judges 16:16, Judges 16:16, Judges 16:6, Luke 18:4, Luke 18:5

18And thei seiden to hym in the seuenthe dai bifor the goyng doun of the sunne, What is swettere than hony, and what is strengere than a lioun? And he seide to hem, If ye hadden not erid in my cow calf, `that is, my wijf, ye hadden not founde my proposicioun.

stylus

19Therfor the spirit of the Lord felde in to hym; and he yede doun to Ascalon, and killyde there thretti men, whose clothis he took awey, and he yaf to hem that soiliden the probleme; and he was ful wrooth, and stiede in to `the hows of his fadir.

stylus

1 Samuel 11:6, Judges 3:10, 1 Samuel 11:6, Judges 3:10, Judges 13:25

20Forsothe his wijf took an hosebonde, oon of the frendis and keperis `of hir.

stylus

Judges 15:2, Judges 15:2, John 3:29, John 3:29, John 13:18